ગયા વર્ષે રિલીઝ થયેલ મનોજ વાજપેયી સ્ટારર ફિલ્મ ‘ભોંસલે’ને એશિયન ફિલ્મ ફેસ્ટિવલ બાર્સેલોનામાં સમ્માનિત કરવામાં આવી છે. ફિલ્મને બેસ્ટ સ્ક્રીનપ્લે અને બેસ્ટ ડિરેક્ટરનો અવોર્ડ મળ્યો છે. આ ફિલ્મને દેવાશીષ મખીજાએ ડિરેક્ટ કરી છે. ફિલ્મમાં મનોજ વાજપેયી પોલીસના મુખ્ય રોલમાં હતા……….અવોર્ડ જીત્યા બાદ ડિરેક્ટર દેવાશીષે કહ્યું કે, ફેસ્ટિવલમાં અવોર્ડ મળવો ઘણી સમ્માનની વાત છે. તેમણે જણાવ્યું કે ફિલ્મમાં જે પ્રવાસીઓના મુદ્દાને દેખાડવામાં આવ્યું છે તે આખા એશિયામાં જોવા મળે છે.
ટીમને અભિનંદન આપતા ડિરેક્ટરે કહ્યું કે આ પ્રકારની જીત એ ટીમ માટે અવોર્ડ સમાન છે જેમને સાથે મળીને ફિલ્મ તૈયાર કરી છે……….ફિલ્મમાં મનોજ વાજપેયી પોલીસવાળાના રોલમાં છે જે પ્રવાસીઓના સંઘર્ષ અને સ્થાનિક નેતાઓ સામે લડવામાં મદદ કરે છે. સાથે જ આ ફિલ્મમાં મુંબઈમાં જીવવા માટે અલગ અલગ જાતિઓને જે તકલીફોનો સામનો કરવો પડે છે તે મુદ્દો પણ ઉઠાવવામાં આવ્યો છે. મનોજ ઓનલાઇન સ્ટ્રીમિંગ પ્લેટફોર્મ ‘એમેઝોન’ની વેબ સિરીઝ ‘ધ ફેમિલી મેન’માં દેખાયા હતા. હાલ તો તે તેની અપકમિંગ ફિલ્મ ‘મુંબઈ સાગા’માં વ્યસ્ત છે.
