શું સોનું ₹2 લાખે પહોંચશે? ચાંદીમાં પણ ₹3,700 નો ભડકો, ખરીદતા પહેલા આ આંકડા ખાસ જોઈ લેજો

સોનાના ભાવમાં તોતિંગ ઉછાળો! 10 ગ્રામના ભાવ ₹1.54 લાખને પાર, જાણો તમારા શહેરના લેટેસ્ટ રેટ.

વૈશ્વિક રાજકારણમાં ચાલી રહેલી હલચલ અને ખાસ કરીને ઈરાન-અમેરિકા વચ્ચેના વધતા તણાવે આર્થિક જગતમાં અનિશ્ચિતતા પેદા કરી છે. આ અનિશ્ચિતતાની સીધી અસર કિંમતી ધાતુઓ પર જોવા મળી રહી છે. ભારતમાં સોનું માત્ર શણગાર નથી, પરંતુ તે મુશ્કેલ સમયની લાઠી અને સુરક્ષિત રોકાણ માનવામાં આવે છે. જોકે, તાજેતરમાં વડાપ્રધાન નરેન્દ્ર મોદીએ દેશના અર્થતંત્રને મજબૂત કરવા માટે લોકોને એક વર્ષ સુધી સોનાની ખરીદી ટાળવા જે અપીલ કરી છે, તેનાથી બજારમાં નવી ચર્ચાઓ શરૂ થઈ છે.

MCX પર સોનાની તેજ ગતિ

મલ્ટી કોમોડિટી એક્સચેન્જ (MCX) પર આજે સોનાના ભાવમાં તેજીનો માહોલ રહ્યો હતો. 5 જૂન 2026 ના ગોલ્ડ ફ્યુચર કોન્ટ્રાક્ટમાં સોનું ₹1,54,224 પ્રતિ 10 ગ્રામ પર ટ્રેડ થઈ રહ્યું છે. આજના ટ્રેડિંગમાં સોનામાં ₹561 અથવા 0.37 ટકાનો વધારો નોંધાયો છે.

બજારના નિષ્ણાતોના મતે, અત્યારે સોનામાં “લોન્ગ બિલ્ડઅપ” (Long Build-up) જોવા મળી રહ્યું છે. આનો સીધો અર્થ એ છે કે મોટા રોકાણકારોને આશા છે કે ભવિષ્યમાં સોનાના ભાવ હજુ પણ વધશે, તેથી તેઓ અત્યારે નવી ખરીદી કરી રહ્યા છે.

ચાંદીમાં પણ જોરદાર ઉછાળો

સોનાની સાથે ચાંદી પણ પાછળ નથી રહી. MCX પર 3 જુલાઈ 2026 ના સિલ્વર ફ્યુચર કોન્ટ્રાક્ટમાં આજે રોકેટ ગતિ જોવા મળી છે. ચાંદી ₹2,82,083 પ્રતિ કિલોગ્રામ પર ટ્રેડ કરી રહી છે. એક જ દિવસમાં ચાંદીમાં ₹3,772 એટલે કે અંદાજે 1.36 ટકાનો જંગી વધારો થયો છે. ચાંદીમાં પણ “લોન્ગ બિલ્ડઅપ” ની સ્થિતિ હોવાથી તેજીનો સંકેત સ્પષ્ટ દેખાય છે.

રિટેલ માર્કેટની સ્થિતિ

જો આપણે સામાન્ય ગ્રાહકો માટેના રિટેલ બજારની વાત કરીએ તો, Bullians.co.in ના આંકડા મુજબ સોનું અંદાજે ₹1,54,700 પ્રતિ 10 ગ્રામ ની આસપાસ વેચાઈ રહ્યું છે. જ્યારે ચાંદીનો ભાવ ₹2,82,750 પ્રતિ કિલો સુધી પહોંચી ગયો છે. લગ્નસરાની મોસમ પહેલા ભાવમાં આટલો વધારો મધ્યમ વર્ગના ખિસ્સા પર મોટો બોજ નાખી રહ્યો છે.

વિવિધ શહેરોમાં આજના ભાવ (1 ગ્રામ સોના માટે)

ભારતના અલગ-અલગ શહેરોમાં સોનાના ભાવમાં થોડો તફાવત જોવા મળે છે, જે સ્થાનિક ટેક્સ અને ટ્રાન્સપોર્ટ ખર્ચને આભારી છે.

ગ્રાહકોએ શું કરવું જોઈએ?

એકબાજુ પીએમ મોદીની અપીલ છે અને બીજી બાજુ વૈશ્વિક બજારમાં સતત વધી રહેલા ભાવ છે. જો તમે રોકાણના હેતુથી સોનું ખરીદવા માંગતા હોવ, તો અત્યારે ભાવ તેની સર્વોચ્ચ સપાટી પર હોવાથી થોડી રાહ જોવી હિતાવહ બની શકે છે. જોકે, જેમના ઘરે લગ્ન છે તેમણે ભાવમાં થોડો ઘટાડો થાય ત્યારે ટુકડે-ટુકડે ખરીદી કરવી જોઈએ.