શું તમે પણ મલ્ટિબેગર શેર શોધી રહ્યા છો? ગ્રીન હાઈડ્રોજન ક્રાંતિમાં આ 3 સ્ટોક્સ પર લગાવો દાવ
ભારત સહિત સમગ્ર વિશ્વ અત્યારે પરંપરાગત ઈંધણને છોડીને ‘ક્લીન એનર્જી’ એટલે કે સ્વચ્છ ઉર્જા તરફ ઝડપથી ડગ માંડી રહ્યું છે. અત્યાર સુધી આપણે સોલર (સૌર) અને વિન્ડ (પવન) એનર્જી વિશે સાંભળ્યું છે, પરંતુ હવે ભારતનો આગામી મોટો ઉર્જા બદલાવ ‘ગ્રીન હાઇડ્રોજન’ દ્વારા આવવાનો છે. ભારત સરકારે આ દિશામાં ખૂબ જ આક્રમક અભિગમ અપનાવ્યો છે અને તેના માટે નેશનલ ગ્રીન હાઇડ્રોજન મિશનની શરૂઆત કરી છે.
સરકારનો મેગા પ્લાન અને બજેટ
ભારત સરકારે વર્ષ 2030 સુધીમાં 5 મિલિયન મેટ્રિક ટન (MMT) ગ્રીન હાઇડ્રોજન ઉત્પાદનનું મહત્વાકાંક્ષી લક્ષ્ય રાખ્યું છે. આ મિશન માટે નાણાકીય વર્ષ 2030 સુધીમાં ₹19,744 કરોડનું બજેટ ફાળવવામાં આવ્યું છે. જેમાં ખાસ કરીને ઇલેક્ટ્રોલાઇઝર મેન્યુફેક્ચરિંગ માટે ₹2,220 કરોડ અને હાઇડ્રોજન ઉત્પાદન માટે ₹2,239 કરોડની ફાળવણી કરવામાં આવી છે. નિષ્ણાતોના મતે, ગ્રીન હાઇડ્રોજન અને તેને સંબંધિત ટેકનોલોજીનું બજાર આગામી સમયમાં ₹70,000 કરોડ સુધી પહોંચી શકે છે.
ગ્રીન હાઇડ્રોજન એ પાણીમાંથી ઇલેક્ટ્રોલાઇઝરની મદદથી છૂટો પાડવામાં આવતો વાયુ છે, જે સંપૂર્ણપણે પ્રદૂષણ મુક્ત છે. રિફાઇનરી, સ્ટીલ અને ભારે ઉદ્યોગોમાં તેનો ઉપયોગ વધારવા માટે સરકાર પ્રોત્સાહન આપી રહી છે. જો તમે શેરબજારમાં રોકાણ કરો છો, તો આ સેક્ટરની નીચેની ત્રણ કંપનીઓ પર નજર રાખવી જોઈએ:
૧. સ્ટર્લિંગ એન્ડ વિલ્સન રિન્યુએબલ એનર્જી (SWREL)
સ્ટર્લિંગ એન્ડ વિલ્સન એ રિન્યુએબલ એનર્જી ક્ષેત્રની અગ્રણી EPC (એન્જિનિયરિંગ, પ્રોક્યોરમેન્ટ એન્ડ કન્સ્ટ્રક્શન) કંપની છે. આ કંપની અત્યાર સુધી સોલર અને વિન્ડ પ્રોજેક્ટ્સમાં કાર્યરત હતી, પરંતુ હવે તેનું ધ્યાન ગ્રીન હાઇડ્રોજન અને બેટરી એનર્જી સ્ટોરેજ સિસ્ટમ (BESS) પર કેન્દ્રિત થયું છે.
-
રિલાયન્સ કનેક્શન: મુકેશ અંબાણીની રિલાયન્સ ઇન્ડસ્ટ્રીઝ આ કંપનીમાં 40% હિસ્સો ધરાવે છે. રિલાયન્સ પોતે ગ્રીન હાઇડ્રોજનમાં મોટું રોકાણ કરી રહી છે, જેનો સીધો ફાયદો SWREL ને મળી શકે છે.
-
મોટા પ્રોજેક્ટ્સ: કંપનીને રાજસ્થાનમાં ભારતનો સૌથી મોટો બેટરી સ્ટોરેજ પ્રોજેક્ટ મળ્યો છે.
-
નાણાકીય સ્થિતિ: નાણાકીય વર્ષ 2026 માં કંપનીની આવક 20% વધીને ₹7,548 કરોડ થઈ છે. જોકે, કેટલાક અસાધારણ નુકસાનને કારણે કંપનીએ ₹296 કરોડની નેટ ખોટ નોંધાવી છે, પરંતુ તેની પાસે ₹11,813 કરોડની મજબૂત ઓર્ડર બુક છે.
૨. અદ્વૈત એનર્જી ટ્રાન્ઝિશન (AETL)
પાવર ટ્રાન્સમિશન અને ટેલિકોમ નેટવર્ક સોલ્યુશન્સ આપતી આ કંપની હવે ગ્રીન હાઇડ્રોજન સેક્ટરમાં મોટી દાવેદાર બની રહી છે.
-
મેન્યુફેક્ચરિંગ પ્લાન્ટ: કંપની ગુજરાતમાં જ પોતાનો ઇલેક્ટ્રોલાઇઝર મેન્યુફેક્ચરિંગ પ્લાન્ટ શરૂ કરવા જઈ રહી છે. તેની શરૂઆતની ક્ષમતા 120 MW હશે, જે 2027 સુધીમાં વધારીને 300 MW કરવામાં આવશે.
-
વૈશ્વિક ભાગીદારી: અદ્વૈતે ટેકનોલોજી માટે નોર્વેની TECO2030 અને ઓસ્ટ્રિયાની AVL List જેવી આંતરરાષ્ટ્રીય કંપનીઓ સાથે હાથ મિલાવ્યા છે.
-
આવકની સંભાવના: કંપનીનું લક્ષ્ય 95% ‘મેક ઇન ઇન્ડિયા’ ઉત્પાદન કરવાનું છે. પ્લાન્ટ સંપૂર્ણ રીતે શરૂ થયા બાદ કંપનીને વાર્ષિક ₹200 થી ₹300 કરોડની આવકની અપેક્ષા છે.
૩. INOX ઇન્ડિયા
ગ્રીન હાઇડ્રોજનના ઉત્પાદન જેટલું જ મહત્વનું તેનું સ્ટોરેજ અને ટ્રાન્સપોર્ટેશન છે. હાઇડ્રોજનને સુરક્ષિત રાખવા માટે તેને -253°C જેટલા નીચા તાપમાને રાખવો પડે છે, અને અહીં જ INOX ઇન્ડિયા જેવી કંપનીની ‘ક્રાયોજેનિક ટેકનોલોજી’ કામ આવે છે.
-
ક્રાયોજેનિક નિષ્ણાત: આ કંપની અત્યંત નીચા તાપમાને ગેસ સંગ્રહ કરવા માટેના ટેન્ક અને સિસ્ટમ બનાવવામાં માહેર છે.
-
ISRO સાથે કામ: કંપનીએ દક્ષિણ કોરિયામાં લિક્વિડ હાઇડ્રોજન ટેન્ક પ્રોજેક્ટ સફળતાપૂર્વક પૂર્ણ કર્યો છે અને ભારતીય અંતરિક્ષ સંસ્થા ISRO પાસેથી પણ મોટો ઓર્ડર મેળવ્યો છે.
-
નાણાકીય દેખાવ: વર્ષ 2026 માં કંપનીનો નફો 24% વધીને ₹189 કરોડ થયો છે. કંપની પાસે અત્યારે ₹1,457 કરોડના ઓર્ડર બાકી છે, જે ભવિષ્યમાં સારી વૃદ્ધિનો સંકેત આપે છે.
