અભિનેતા વિકી કૌશલ હાલમાં મધ્ય પ્રદેશની આર્થિક રાજધાની ઈન્દોરમાં તેમની આગામી ફિલ્મ ‘પ્રોડક્શન નંબર 25’નું શૂટિંગ કરી રહ્યો છે. તે ઘણા દિવસોથી ઈન્દોરમાં છે. ફિલ્મ ‘રાઝી’ના નિર્દેશક મેઘના ગુલઝારની આ ફિલ્મ છે. આ ફિલ્મ માટે વિકી કૌશલ પોતાના કામ માટે લગ્ન પછી ઈન્દોર પરત ફર્યો હતો, પણ વિકી કૌશલ નાતાલ અને નવા વર્ષની ઉજવણી કરવા તેના ઘરે પાછો આવ્યો હતો.
વિકી અને અભિનેત્રી કેટરિના કૈફનું લગ્ન પછીનું પ્રથમ ક્રિસમસ અને પ્રથમ નવું વર્ષ હતું. જેની બંનેએ સાથે મળીને ઉજવણી કરી હતી. આ પછી વિકી કૌશલ તેમના કામ પર પાછા ફર્યા હતા. જો કે, એવું લાગે છે કે, પતિ વિકીનું કેટરીનાથી અલગ થવું સહન થઈ શક્યું નથી. તેથી જ તે શુક્રવારે રાત્રે ઈન્દોર પણ આવી હતી અને હવે કેટરિના પણ વિકી સાથે ઈન્દોરમાં થોડા દિવસ રોકાશે.
શુક્રવારે રાત્રે કેટરિના કૈફ મુંબઈ એરપોર્ટ પર જોવા મળી હતી. આ પછી અભિનેત્રી ઈન્દોર એરપોર્ટ પર જોવા મળી હતી. ઈન્દોર એરપોર્ટ પર કેટરીનાને લેવા માટે પતિ વિકી કૌશલ પોતે પહોંચ્યા હતા. મળતી માહિતી મુજબ, બોલીવુડ ફિલ્મોનું આ નવવિવાહિત કપલ ઈન્દોરમાં બાયપાસ પર સ્થિત લાભ ગંગા ગાર્ડન પાસેની એક હોટલમાં પહોંચ્યું હતું.
કેટરિનાના ઈન્દોર પહોંચ્યા પછી વિકીની એક ફોટો સોશિયલ મીડિયા પર ખૂબ વાયરલ થઈ રહી છે, જેમાં વિકી કૌશલ જમતા જોવા મળી રહ્યા છે. આ ફોટામાં તમે અભિનેતાને દહીં અને અથાણાં સાથે પરાઠાનો સ્વાદ લેતા જોઈ શકો છો. વિકીના આ ફોટાને ઘણો પસંદ કરવામાં આવી રહ્યો છે.
વિકીના આ ફોટો સોશિયલ મીડિયા પર આવ્યા પછી તેના ફેન્સ તેના વિશે ઘણી ફની વાતો કરી રહ્યા છે. ઘણા ચાહકો એવું પણ માને છે કે, તેની પત્ની કેટરિના કૈફે પોતે વિકી માટે આ ફૂડ તૈયાર કર્યું છે. આવી કમેન્ટ્સ સાથે ફોટો ખૂબ જ વાયરલ થઈ રહ્યો છે.
કેટરીના કૈફ લગ્નથી બ્રેક પર છે. તેઓ કામ પર પાછા ફર્યા નથી. તે આ જ મહિનામાં નવી દિલ્હીમાં અભિનેતા સલમાન ખાન સાથે તેની આગામી ફિલ્મ ‘ટાઈગર 3’ ના છેલ્લા ભાગનું શૂટિંગ કરવાની હતી પરંતુ વધતા કોરોનાને કારણે દિલ્હીનું શેડ્યૂલ મોકૂફ રાખવામાં આવ્યું હતું. આવી સ્થિતિમાં એવું માનવામાં આવે છે કે, કેટરીના ઈન્દોરમાં તેના પતિ વિકી પાસે આવી હતી.
વિકી કૌશલ અને કેટરીનાનું અફેર વર્ષ 2019માં એક એવોર્ડ શો દરમિયાન શરૂ થયું હતું. ધીમે-ધીમે તેમના પ્રેમની ચર્ચાઓ થવા લાગી અને એવી વાતો પણ સામે આવી, જેનાથી એ વાતની પુષ્ટિ થઈ કે, બંને એકબીજાને ડેટ કરી રહ્યાં છે.
વિકી કૌશલ અને કેટરિનામાંથી કોઈએ પણ તેમના સંબંધો પર ક્યારેય કંઈ કહ્યું નથી. બંનેએ સીધા લગ્ન કરીને દુનિયાની સામે પોતાના સંબંધોનો સ્વીકાર કર્યા હતા. બંને સ્ટાર્સે ગયા વર્ષે 9 ડિસેમ્બરે રાજસ્થાનના સવાઈ માધોપુરમાં 700 વર્ષ જૂના સિક્સ સેન્સ ફોર્ટમાં શાહી લગ્ન કર્યા હતા.
વિકી પાસે આ દિવસોમાં પ્રોડક્શન નંબર 25 ઉપરાંત લુકા ચુપ્પી 2, ગોવિંદા મેરા નામ અને સામ બહાદુર જેવી ફિલ્મો છે. તે જ સમયે, ટાઇગર 3 સિવાય કેટરીના પાસે ‘મેરી ક્રિસમસ’ જેવી ફિલ્મ પણ છે.
