‘ધુરંધર 2’ના પ્રીવ્યૂ શો હાઉસફુલ, શું રણવીર સિંહ બોક્સ ઓફિસનો નવો સુલતાન બનશે?
બોક્સ ઓફિસ પર અવારનવાર એવી ફિલ્મો આવે છે જે ઈતિહાસ રચવાની ક્ષમતા ધરાવે છે, પરંતુ શું કોઈ ફિલ્મ ‘સૌથી મોટી ફિલ્મ’નો ખિતાબ છીનવી શકે ખરી? આદિત્ય ધરના નિર્દેશનમાં બનેલી અને રણવીર સિંહ સ્ટારર ‘ધુરંધર 2’ ને લઈને ફિલ્મ જગતમાં અત્યારે આવી જ ચર્ચાઓ ગરમ છે. આ ફિલ્મ આ 19 માર્ચે ઈદ અને ઉગાડીના મોટા તહેવાર પર રિલીઝ થઈ રહી છે.
ફિલ્મના પહેલા ભાગે જે રીતે બોલિવૂડના જૂના રેકોર્ડ્સ તોડ્યા હતા, તેને જોતા ‘ધુરંધર 2’ પાસેથી અપેક્ષાઓ સાતમા આસમાને છે. 18 માર્ચે યોજાનાર પેઈડ પ્રીવ્યૂ શોના એડવાન્સ બુકિંગે પહેલેથી જ ધૂમ મચાવી દીધી છે. ટ્રેડ એક્સપર્ટ્સ તો તેને બ્લોકબસ્ટર જાહેર કરી ચૂક્યા છે, પરંતુ અસલી સવાલ એ છે કે શું આ ફિલ્મ ભારતીય સિનેમાના ઈતિહાસના એવા ‘અજેય’ રેકોર્ડ્સ તોડી શકશે જે અત્યાર સુધી પથ્થરની લકીર બનેલા છે?
જો ‘ધુરંધર 2’ ને નંબર-1 નો તાજ પહેરવો હોય, તો તેણે આ 6 મોટા પહાડો પાર કરવા પડશે:
1. પુષ્પા 2ના ઓપનિંગ ડેનો ‘ખૌફ’
અલ્લુ અર્જુનની ‘પુષ્પા 2: ધ રૂલ’ એ બોક્સ ઓફિસ પર જે ઓપનિંગ આપ્યું હતું, તે કોઈ સપનાથી ઓછું નહોતું. સેકનિલ્ક (Sacnilk) ના આંકડા અનુસાર, પુષ્પા 2 એ પહેલા જ દિવસે ભારતમાં 174.90 કરોડ (નેટ) અને 209.1 કરોડ (ગ્રોસ) નું કલેક્શન કરીને સૌને ચોંકાવી દીધા હતા. ‘ધુરંધર 2’ માટે સૌથી મોટો પડકાર પહેલા જ દિવસે આ આંકડાને પાર કરવાનો રહેશે.
2. પુષ્પા 2નો જાદુઈ ઓપનિંગ વીકેન્ડ
માત્ર એક દિવસ નહીં, ‘ધુરંધર 2’ એ તેની રફ્તાર પહેલા ત્રણ દિવસ સુધી જાળવી રાખવી પડશે. પુષ્પા 2 એ તેના ઓપનિંગ વીકેન્ડ પર 354 કરોડ રૂપિયા મેળવીને એક નવો કીર્તિમાન સ્થાપિત કર્યો હતો. રણવીર સિંહની ફિલ્મે જો પોતાને સૌથી મોટી સાબિત કરવી હોય, તો તેણે શરૂઆતના ત્રણ દિવસમાં આ રેકોર્ડને તોડવો પડશે.
3. પુષ્પા 2નું ભારતીય બોક્સ ઓફિસ પર લાઈફટાઈમ રાજ
ભારતીય સિનેમાના ઈતિહાસમાં અત્યાર સુધી કોઈપણ ફિલ્મે ઘરેલું બજાર (ભારત) માં પુષ્પા 2 જેટલું કલેક્શન કર્યું નથી. આ ફિલ્મનું લાઈફટાઈમ ઈન્ડિયા કલેક્શન 1234 કરોડ રહ્યું છે. ‘ધુરંધર 2’ માટે આ પડકાર સૌથી કઠિન માનવામાં આવે છે કારણ કે તેના માટે ફિલ્મે અઠવાડિયા સુધી સિનેમાઘરોમાં ટકી રહેવું પડશે.
4. બાહુબલી 2નું ઐતિહાસિક ગ્રોસ કલેક્શન
એસએસ રાજામૌલીની ‘બાહુબલી 2’ એ ભારતીય સિનેમાને એક નવો દ્રષ્ટિકોણ આપ્યો હતો. સેકનિલ્ક મુજબ, ભારતમાં આ ફિલ્મનું નેટ કલેક્શન 1030.42 કરોડ અને ગ્રોસ કમાણી 1416.9 કરોડ હતી. ધુરંધર 2 એ ‘ગ્રોસ કલેક્શન’ ની બાબતમાં બાહુબલી 2 ના રેકોર્ડના ફુરચા ઉડાડવા પડશે.
5. વિદેશમાં ‘દંગલ’ની બાદશાહત
માત્ર ભારત જ નહીં, જો ગ્લોબલ સ્ટાર બનવું હોય તો વિદેશમાં (Overseas) પણ ડંકો વગાડવો પડશે. આમિર ખાનની ‘દંગલ’ એ વિદેશોમાં 1535 કરોડ ની જંગી કમાણી કરી હતી, જે આજે પણ એક અતૂટ રેકોર્ડ છે. ચીન જેવા બજારોમાં દંગલે જે કરિશ્મા કર્યો હતો, શું ‘ધુરંધર 2’ તેને પુનરાવર્તિત કરી શકશે? તે જોવું રસપ્રદ રહેશે.
6. દંગલનો વર્લ્ડવાઈડ ‘2000 કરોડી’ રેકોર્ડ
વર્લ્ડવાઈડ બોક્સ ઓફિસ પર આજે પણ આમિર ખાનની ‘દંગલ’ નો કબજો છે. આ ફિલ્મે દુનિયાભરમાં કુલ 2070 કરોડ ની કમાણી કરી હતી. ભારતીય સિનેમાની ‘નંબર 1’ ફિલ્મ બનવા માટે ‘ધુરંધર 2’ એ આ 2000 કરોડના જાદુઈ આંકડાને પાર કરીને દંગલને પાછળ છોડવી પડશે.
શું આ કરિશ્મા શક્ય છે?
રણવીર સિંહની ઉર્જા અને આદિત્ય ધરનું વિઝન એક ખતરનાક કોમ્બિનેશન છે. પેઈડ પ્રીવ્યૂના એડવાન્સ બુકિંગને જોઈને લાગે છે કે ફિલ્મ એક મોટી સુનામી લઈને આવશે. જોકે, રેકોર્ડ્સ બને જ છે તૂટવા માટે, પરંતુ આ 6 દિગ્ગજોને માત આપવી સરળ નહીં હોય.
શું રણવીર સિંહની ‘ધુરંધર 2’ આમિર ખાન, અલ્લુ અર્જુન અને પ્રભાસના આ રેકોર્ડ્સને તોડી શકશે? તેનો નિર્ણય 19 માર્ચથી જનતા જનાર્દન કરશે.
