સારાઅલી ખાના નાં બોલિવુડ ડેબ્યુ પછી અનેકવાર એવા પ્રશ્ર્નો થયા કે સૈફ અલી ખાનનો પુત્ર અને સારા ભાઇ એટલે કે ઈબ્રાહિમ ક્યારે બોલિવુડમાં એન્ટ્રી કરશે,અથવા તે બોલિવુડમાં કામ કરશે કે નહિં.
હાલમાં જ સૈફ અલી ખાનના પુત્ર ઈબ્રાહિમ ખાને પહેલું પ્રોફેશનલ ફોટોશૂટ પૂરું કર્યું હતું. તેણે ક્લોથિંગ બ્રાન્ડ માટે આ ફોટોશૂટ કરાવ્યું હતું. હાલમાં સોશિયલ મીડિયામાં આ ફોટોશૂટની તસવીરો વાયરલ થઈ છે. ઈબ્રાહિમ કેમેરા સામે પોઝ આપેલો જોવા મળે છે. તેણે બ્લેક રંગની હૂડી પહેરી છે. અન્ય એક તસવીરમાં ઈબ્રાહિમ વ્હાઈટ પોલો નેક ટી-શર્ટમાં જોવા મળે છે.
સોશિયલ મીડિયામાં ઈબ્રાહિમની તસવીરો વાયરલ થતા ચાહકોએ તેને પિતા સૈફની કાર્બન કોપી કહ્યો હતો. ઈબ્રાહિમની તુલના અવાર-નવાર તેના પિતા સાથે થતી હોય છે. સૈફ અલી ખાને ઘણીવાર કહ્યું હતું કે તેના કરતાં તેનો દીકરો વધુ સારો દેખાય છે.
બ્રાહિમ પણ પેરેન્ટ્સ તથા બહેનની જેમ બોલિવૂડમાં કામ કરવા ઈચ્છે છે. સૈફે એક ઈન્ટરવ્યૂમાં દીકરાના કરિયર પ્લાનિંગ અંગે કહ્યું હતું કે તેના સંતાનો એક્ટિંગ ફિલ્ડમાં રસ ધરાવે છે. તેનો પરિવાર એક્ટિંગ ફિલ્ડમાં છે. તેનો દીકરો હજી નાનો છે. તે અભ્યાસ પૂર્ણ કરે. ઈબ્રાહિમના દરેક નિર્ણયમાં તે સપોર્ટ કરશે.
ઈબ્રાહિમે બહેન સારા અલી ખાન સાથે એક મેગેઝિન માટે ફોટોશૂટ કરાવ્યું હતું. ઈબ્રાહિમ તથા સારાએ હાલમાં જ માલદીવ્સમાં વેકેશન માનાવ્યું હતું. ઈબ્રાહિમે અહીંયા પોતાનો જન્મદિવસ સેલિબ્રેટ કર્યો હતો. તેઓ ફેબ્રુઆરીમાં ગોવા ગયા હતાં. સારાએ માતા અમૃતા સિંહ તથા ભાઈ ઈબ્રાહિમ સાથેની તસવીરો શૅર કરી હતી. સારા અલી ખાનના વર્કફ્રન્ટની વાત કરીએ તો તે હાલમાં વરુણ ધવનની ફિલ્મ ‘કુલી નંબર 1’માં વ્યસ્ત છે. આ ફિલ્મ પહેલી મેના રોજ રિલીઝ થવાની છે.
