એક્ટ્રેસ ઈશા દેઓલ અને બિઝનેસ ભરત તખ્તાની બે દીકરીઓના પ્રાઉડ પેરેન્ટ્સ છે. ઈશા અને ભરતની પહેલી દીકરી રાધ્યા બાદ આ વર્ષે જૂન મહિનામાં એક્ટ્રેસ બીજી દીકરી મિરાયાને જન્મ આપ્યો. 20 ઓક્ટોબરે ઈશા અને ભરતની દીકરી રાધ્યા બે વર્ષની થઈ. દીકરીના બીજા જન્મદિવસે ઈશા દેઓલે શાનદાર બર્થ ડે પાર્ટીનું આયોજન કર્યું હતું. રાધ્યાની બર્થ ડે પાર્ટીમાં સ્ટારકિડ્સનો જમાવડો થયો હતો. રાધ્યાની બર્થ ડે પાર્ટીમાં તૈમૂર અને ઈનાયાથી માંડીને તુષાર કપૂરના દીકરા સુધીના સ્ટારકિડ્સ હાજર રહ્યા હતા.
રાધ્યાની બર્થ ડે પાર્ટીમાં ઈશાની બહેન અહાના દેઓલ પણ પતિ વૈભવ વ્હોરા અને દીકરા ડેરિયન વ્હોરા સાથે પહોંચી હતી. રાધ્યાના નાની એટલે કે જાણીતી એક્ટ્રેસ હેમા માલિની પણ બર્થ ડે પાર્ટીમાં હાજર રહી હતી. બર્થ ડે પાર્ટીમાં મમ્મી ઈશા દેઓલ લેવેન્ડર રંગના ફ્લોરલ ડ્રેસમાં જોવા મળી. જ્યારે ભરતે વ્હાઈટ શર્ટ અને બ્લૂ જિન્સ પહેર્યું હતું. યલો ફ્રોકમાં બર્થ ડે ગર્લ રાધ્યા ક્યૂટ લાગતી હતી.
રાધ્યાની બહેન મિરાયાએ પણ એકદમ તેના જેવું જ પીળા રંગનું ફ્રોક પહેર્યું હતું. સૈફ-કરીનાનો દીકરો તૈમૂર રાધ્યાની બર્થ ડે પાર્ટીમાં પણ આકર્ષનું કેંદ્ર રહ્યો. તૈમૂર પિંક શર્ટમાં એકદમ ક્યૂટ લાગતો હતો. તૈમૂરની બહેન અને સોહા-કુણાલ ખેમૂની દીકરી ઈનાયા પણ મમ્મી સાથે રાધ્યાની બર્થ ડે પાર્ટીમાં પહોંચી હતી. મલ્ટી કલર ફ્રોકમાં ઈનાયા એકદમ ક્યૂટ લાગતી હતી.
