કોરોના મહામારી દેશમાં ફેલાઇ રહી છે ત્યારે આ સમયે અનલોકમાં દરેક વસ્તુઓમાં છૂટછાટ આપવામાં આવી પરંતુ થિયેટર અને મલ્ટીપેલ્સ હજી ખોલવામાં આવ્યા નથી ત્યારે આવા સમયે અત્યારે ફિલ્મો ઓટીટી પ્લેટફોમ પર રિલીઝ થઇ રહી છે,આ બધાની વચ્ચે એક મહત્વના સમાચાર આવી રહ્યા છે.
હાલના સંજોગોમાં આરોગ્ય અને લોકોની સુરક્ષા મહત્વની છે. આમિર ખાનની બહુચર્ચિત ફિલ્મ લાલસિંહ ચડ્ડા આમ તો 2020ની નાતાલમાં રિલીઝ થનારી હતી પરંતુ હવે તેને એક વર્ષ માટે પાછી ઠેલવામાં આવી છે. આમ હવે લાલસિંહ ચડ્ડા ફિલ્મ 2021ના ડિસેમ્બરમાં રિલીઝ કરાશે.
આપણે સૌવ જાણીએ છે કે આમિર ખાનને આમેય ક્રિસમસ સાથે પુરાણો નાતો છે. આ સમયગાળામાં રિલીઝ થયેલી તેની અગાઉ ફિલ્મો અત્યંત સફળ રહી હતી. ટોમ હોક્સની ફોરેસ્ટ ગમ્પ પર આધારિત લાલસિંહ ચડ્ડાનો કેટલોક ભાગ લોકડાઉન અગાઉ ચંદીગઢ અને કોલકાતામાં શૂટ થયો હતો.
હાલમાં પરિસ્થિતિ યોગ્ય નથી ત્યારે આમિર ખાન રેકી માટે તુર્કીમાં છે.ફિલ્મ મેકર્સે જયારથી આમિરનો ફર્સ્ટ લૂક એક સિખ તરીકે રિલીઝ કર્યો છે ત્યારથી તેના ફેન્સ આ ફિલ્મની રાહ જોઈ રહ્યા છે.
ત્યારે એવામાં નિર્માતાઓએ 2020ને બદલે 2021ના ડિસેમ્બરમાં આ ફિલ્મ રિલીઝ કરવાની જાહેરાત કરી દીધી છે. તેમનું માનવું છે કે આ ફિલ્મ જોરદાર રીતે રિલીઝ થવાની હકદાર છે.
આપને જણાવી દઇએ કે આ ફિલ્મમાં આમિરની સાથે કરીના કપૂર, મોના સિંઘ કામ કરી રહ્યા છે. અતુલ કુલકર્ણી દ્વાર પ્રોડ્યુસ કરાયેલી ફિલ્મનું નિર્દેશન અદ્વેત ચંદને કરેલું છે. પ્રિતમે તેનું સંગીત આપ્યું છે.
