બોલીવુડ અભિનેતા રાજકુમાર રાવ હાલ પોતાની અપકમિંગ ફિલ્મ મેઈડ ઈન ચાઈનાનું પ્રમોશન કરી રહ્યા છે. ફિલ્મનું પ્રમોશન કરવા માટે રાજકુમારે એક અલગ જ રીત અપનાવી છે. પ્રમોશન દરમિયાન તેઓ સ્ટાર્સને મર્દોની કમજોરીની દવા વેચી રહ્યા છે. મેઈડ ઈન ચાઈનાના પ્રમોશન માટે રાજકુમાર આવું સૂપ વેચી રહ્યા છે.ફિલ્મમાં રાજકુમાર એક બિઝનેસમેન બન્યા છે જે પોતાના સપના પુરા કરવા માટે ચીન પહોંચી જાય છે અને અહીં જ મળે છે તેને સક્સેસનો એવો ફૉમ્યુલા જેનાથી તે દુનિયાભરમાં છવાઈ જાય છે.
https://www.instagram.com/tv/B309sWtJ8VK/?utm_source=ig_web_button_share_sheet
રાજકુમારે પોતાના ઈન્સ્ટાગ્રામ પર એક વીડિયો શેર કર્યો છે જેમાં તે સલમાન ખાન સાથે છે. તેમના હાથમાં મેજિક સૂપ છે. રાજકુમાર, સલમાન ખાન પાસે પહોંચીને કહે છે કે, ‘સલમાન ખાન તમને ખબર હશે કે અમે લોકો અમારી દવા વેચી રહ્યા છે, જે છે મેજિક સૂપ, જેમાં બહુ જ તાકાત છે અને તે મર્દોને કામ આવે છે. મર્દોમાં જે કમજોરી હોય છે તે આનાથી ઠીક થઈ જાય છે.’ જેના પર સલમાન ખાન કહે છે કે મારામાં એવી કોઈ કમજોરી નથી. જેના પર રાજકુમાર કહે છે કે, અમે તો માત્ર અમારી ફિલ્મનું પ્રમોશન કરી રહ્યા છીએ. મેડ ઇન ચાઈના 25 ઑક્ટોબરે રિલીઝ થઈ રહી છે.
