4000 કરોડનું બજેટ અને રણબીર કપૂરનો ડબલ રોલ! ‘રામાયણ’ ને લઈને થયો સૌથી મોટો ખુલાસો
બોલિવૂડના સુપરસ્ટાર રણબીર કપૂરની મોસ્ટ અવેટેડ ફિલ્મ ‘રામાયણ’ અત્યારે સોશિયલ મીડિયા પર ટોક ઓફ ધ ટાઉન બની છે. હાલમાં જ ફિલ્મનું ટીઝર રિલીઝ થયું અને રામના અવતારમાં રણબીરને જોઈને ફેન્સ ગદગદિત થઈ ગયા છે. જોકે, આ બધાની વચ્ચે એક એવા સમાચાર સામે આવ્યા છે જેણે પ્રેક્ષકોની ઉત્સુકતા બમણી કરી દીધી છે. વાયરલ થઈ રહેલા એક વીડિયોમાં ખુલાસો થયો છે કે રણબીર કપૂર આ ફિલ્મમાં માત્ર પ્રભુ શ્રી રામ જ નહીં, પરંતુ એક બીજું મહત્વનું પાત્ર પણ ભજવી રહ્યો છે.
ભગવાન રામની સાથે પરશુરામ તરીકે દેખાશે રણબીર
તાજેતરમાં લોસ એન્જલસમાં ફિલ્મની સ્પેશિયલ સ્ક્રીનિંગ દરમિયાન રણબીર કપૂરે તેના પાત્ર વિશે ખુલીને વાત કરી હતી. ઇન્ટરવ્યુમાં જ્યારે તેને પૂછવામાં આવ્યું કે તેણે બે અલગ-અલગ અવતારો માટે કેવી તૈયારી કરી, ત્યારે રણબીરે સ્વીકાર્યું કે તે ફિલ્મમાં ‘રામ’ અને ‘પરશુરામ’ બંનેની ભૂમિકા ભજવી રહ્યો છે. રણબીરે જણાવ્યું કે, “ભગવાન વિષ્ણુના અનેક અવતાર છે, જેમાં રામ અને પરશુરામ બંનેનો સમાવેશ થાય છે. મને આ બંને મહાન પાત્રો ભજવવાની તક મળી છે, જે મારા માટે સૌભાગ્યની વાત છે.” તેણે ઉમેર્યું કે આ પાત્રોને ન્યાય આપવા માટે તેણે આખું વર્ષ તેમની લાગણીઓ અને બોડી લેંગ્વેજ સમજવામાં વિતાવ્યું છે.
VFX ને લઈને મિશ્ર પ્રતિસાદ
એક તરફ રણબીરના લુકના વખાણ થઈ રહ્યા છે, તો બીજી તરફ સોશિયલ મીડિયા પર કેટલાક લોકો ફિલ્મના VFX (વિઝ્યુઅલ ઈફેક્ટ્સ) ને લઈને નારાજગી વ્યક્ત કરી રહ્યા છે. 4000 કરોડના તોતિંગ બજેટમાં બની રહેલી આ ફિલ્મ પાસેથી લોકોને ઘણી આશા છે. જોકે, નીતેશ તિવારી જેવા કુશળ દિગ્દર્શક પર ફેન્સને પૂરો ભરોસો છે કે તેઓ ભારતીય સિનેમાના ઇતિહાસની સૌથી ભવ્ય ફિલ્મ પીરસશે.
ક્યારે રિલીઝ થશે આ મેગા બજેટ ફિલ્મ?
નિર્માતાઓએ ‘રામાયણ’ ને બે ભાગમાં રિલીઝ કરવાનું આયોજન કર્યું છે:
- પહેલો ભાગ: દિવાળી 2026 ના રોજ મોટા પડદે દસ્તક દેશે.
- બીજો ભાગ: દિવાળી 2027 ના રોજ રિલીઝ કરવામાં આવશે.
Ranbir Officially Confirms He is Playing Bhagwan Parshuram!#Ramayana pic.twitter.com/n2WxVroeP0
— RK (@rksbunny) April 3, 2026
દમદાર સ્ટારકાસ્ટ
આ ફિલ્મમાં રણબીર ઉપરાંત દક્ષિણ ભારતીય સ્ટાર સાઈ પલ્લવી માતા સીતાના રોલમાં જોવા મળશે. જ્યારે ‘KGF’ ફેમ યશ રાવણની ભૂમિકામાં હોબાળો મચાવવા તૈયાર છે. આ સિવાય હનુમાન તરીકે સની દેઓલ અને લક્ષ્મણ તરીકે રવિ દુબે જોવા મળશે. આટલી મજબૂત સ્ટારકાસ્ટ અને રણબીરનો ડબલ રોલ જોતા એવું લાગે છે કે આ ફિલ્મ બોક્સ ઓફિસના તમામ રેકોર્ડ તોડી નાખશે.
