કેજીએફ’ની જોરદાર સફળતા બાદ ‘કેજીએફ 2’ ના ચાહકો આતુરતાથી રાહ જોઇ રહ્યા છે. જ્યારે આ ફિલ્મમાં સંજય દત્તની ભૂમિકાની પણ જાહેરાત કરવામાં આવી. સંજય દત્ત ‘કેજીએફ 2’ માં વિલનની ભૂમિકામાં જોવા મળશે અને આજે તેના જન્મદિવસ નિમિત્તે નિર્માતાઓએ તેના ચાહકોને મોટો આશ્ચર્ય આપ્યો છે.
‘કેજીએફ 2’થી સંજય દત્તનો લુક રિલીઝ થયો છે. સંજય દત્તે ટ્વિટ કરીને આ ફિલ્મમાંથી પોતાના અધીરા લુકનો ખુલાસો કર્યો છે.સંજય દત્તના 61મા બર્થડે પર તેની અપકમિંગ ફિલ્મ KGF -2નો વિલન અધીરા તરીકેનો ફર્સ્ટ લુક રિલીઝ થયો છે. અગાઉ સંજયના 60મા જન્મદિવસ પર મેકર્સે તેનો અધીરા તરીકેનો લુક રિલીઝ કર્યો હતો પરંતુ તેમાં તેનો આખો ફેસ દેખાતો ન હતો.
કન્નડ સુપરસ્ટાર યશ સ્ટારર આ ફિલ્મ KGFનું બીજુ ચેપ્ટર KGF -2 છે. આ ફિલ્મથી સંજય દત્ત કન્નડ ફિલ્મ ઇન્ડસ્ટ્રીમાં ડેબ્યુ કરી રહ્યો છે.ફિલ્મના કેરેક્ટર વિશે સંજય દત્તે અગાઉ કહ્યું હતું કે, KGF-2 માં અધીરાનું કેરેક્ટર ઘણું પાવરફુલ છે. જો તમે એવેન્જર્સ જોઈ હોય તો તમને ખબર હશે કે થાનોસ કેટલો પાવરફુલ હતો. અધીરા પણ થાનોસ જેટલો જ પાવરફુલ છે.
ફિલ્મના લીડ હીરો યશ જે રોકીના રોલમાં છે તેણે અગાઉ જણાવ્યું હતું કે, આ ફિલ્મમાં અમારા બંનેના ખાસ દિલધડક એક્શન સીન્સ હશે જેની કોઈએ કલ્પના પણ નહીં કરી હોય. તેણે કહ્યું હતું કે, સ્ક્રિપ્ટ મુજબ તે મારી વિરુદ્ધ છે અને અમારા વચ્ચે મેજર ફાઇટ સિક્વન્સ હશે. અમે આ એક્શન સિક્વન્સને એકદમ ખાસ બનાવવા માટે કામ કરી રહ્યા છીએ.
સંજય દત્તે પોતાના લુક સાથે લખ્યું, ‘આ ફિલ્મમાં કામ કરવું મારા માટે આનંદની વાત છે. આના કરતાં વધુ શ્રેષ્ઠ જન્મદિવસ હોઈ શકે નહીં. આભાર. સંજય દત્તનો આ વિલન લૂક જોઈને બધા જ આશ્ચર્યચકિત થાય છે. હેર સ્ટાઇલથી લઈને ટેટૂઝ સુધી અને સંજય દત્તનો બોલ્ડ લુક તમારું ધ્યાન ખેંચવામાં સફળ રહેશે. હવે જ્યારે દેખાવ ખૂબ જબરદસ્ત છે, તો પ્રશંસકોએ સંજુ બાબાના અભિનયથી ખૂબ જ અપેક્ષા રાખી હશે.
તમને જણાવી દઈએ કે વર્ષ 2018માં ફિલ્મ ‘કેજીએફ’ રિલીઝ થઈ હતી અને આ ફિલ્મે બોક્સ ઓફિસ પર ધૂમ મચાવી હતી. રોકી ભાઈની ભૂમિકામાં સાઉથના સુપરહિટ હીરો યશે સૌનું દિલ જીતી લીધું હતું. પ્રશાંત નીલ દ્વારા દિગ્દર્શિત કેજીએફ 2માં સંજય દત્ત યશ અને રવિના ટંડન પણ જોવા મળશે. જે ઉપરાંત લાંબા સમય પછી ફિલ્મના પડદે વાપસી કરવા જઇ રહી છે.
