હે મોદીજી અમોને પાકિસ્તાનની ચુંગાલમાંથી મુક્ત કરો અમારા બલૂચિસ્તાનમાં બલૂચ લોકો પર પાકિસ્તાન અને ચીન અત્યાચાર ગુજારી રહ્યું છે તેઓ બંન્નેને પાઠ ભણાવી બલૂચિસ્તાનને આઝાદી અપાવો.
બલૂચિસ્તાનની દેશનિકાલ સરકારના વડાપ્રધાન નૈલા કાદરી આ દિવસોમાં પાકિસ્તાનથી બલૂચિસ્તાનની આઝાદીની માંગણી કરતા બલૂચ લોકોના અભિયાનને વધુ તીવ્ર બનાવવા ભારતમાં આવ્યા છે.
તેમણે પાકિસ્તાનના ગેરકાયદે કબજામાંથી મુક્તિ માટે સંયુક્ત રાષ્ટ્ર (UN)માં વડાપ્રધાન નરેન્દ્ર મોદીના સમર્થનની વિનંતી કરી છે. એક દિવસ પહેલા પણ તેણે બલૂચિસ્તાનની આઝાદી માટે માતા ગંગાને પ્રાર્થના કરી હતી
નિર્વાસિત પીએમ કાદરી બલૂચિસ્તાનની આઝાદી માટે સતત પ્રયત્નશીલ છે અને પાકિસ્તાનથી બલૂચિસ્તાનની આઝાદી માટે વિશ્વભરમાંથી સમર્થન એકત્ર કરવા ભારત સહિત ઘણા દેશોની મુલાકાત લઈ રહ્યા છે.
પીએમ કાદરીએ હરિદ્વારમાં ગંગાના કિનારે વીઆઈપી ઘાટ પર બલૂચિસ્તાનની આઝાદી માટે પ્રાર્થના કર્યા પછી કહ્યું, “પીએમ મોદી અને ભારતીય જનતા પાર્ટી (ભાજપ) કેન્દ્ર સરકાર પાસે આજે યુનાઇટેડ નેશન્સ ખાતે બલૂચિસ્તાનના સમર્થનમાં અવાજ ઉઠાવવાની તક હોવાનું જણાવી સમર્થન માટે માંગ કરી છે.
પાકિસ્તાનની ચુંગાલમાંથી મુક્તિની માંગ કરતા કાદરીએ કહ્યું, “એક સમય હતો જ્યારે બલૂચિસ્તાન એક સ્વતંત્ર દેશનો દરજ્જો ધરાવતો હતો, પરંતુ આજે આ દેશ પાકિસ્તાનના ગેરકાયદે કબજા હેઠળ છે.
પાકિસ્તાન બલૂચિસ્તાનના ખનિજ સંસાધનોને સતત લૂંટી રહ્યું છે અને એટલું જ નહીં બલૂચ લોકો પર વિવિધ પ્રકારના અત્યાચાર પણ કરી રહ્યું છે. બલૂચ છોકરીઓ સાથે ક્રૂર વર્તન કરવામાં આવી રહ્યું છે, તેમની દીકરીઓ પર બળાત્કાર થઈ રહ્યો છે, તેમના ઘરોને આગ લગાડવામાં આવી રહી છે.
ચીન પર પ્રહાર કરતા કાદરીએ કહ્યું, “પાકિસ્તાન એકલા બલૂચિસ્તાનને હેરાન કરવાનું કામ નથી કરી રહ્યું. બલૂચ લોકો પર અત્યાચાર ગુજારવા માટે પાક સરકારે ખાસ મિત્ર એવા ચીનને પણ પકડી લીધો છે. નૈલા કાદરીએ ભારતના સમર્થનનો દાવો કરતાં ભારપૂર્વક કહ્યું હતું કે જો ભારત સંયુક્ત રાષ્ટ્રમાં બલૂચિસ્તાનના અધિકારો માટે એકસાથે ઊભું રહેશે તો ‘જ્યારે આપણો દેશ આઝાદ હશે ત્યારે અમે પણ ભારતના સમર્થનમાં ઊભા રહીશું’.
