ભારતીય ગ્રાહકો SUV તરફ વધુ ઝુકાવ દર્શાવી રહ્યા છે. ભારતમાં SUVનું વેચાણ વધી રહ્યું છે. નાની અને સસ્તી એસયુવીનું વેચાણ વધી રહ્યું છે. જેમાં ટાટા પંચથી લઈને મારુતિ બ્રેઝા અને હ્યુન્ડાઈ ક્રેટાનો સમાવેશ થાય છે. ઓગસ્ટ મહિનામાં ટોપ-3 બેસ્ટ સેલિંગ એસયુવી વિશે વાત કરીએ તો મારુતિ બ્રેઝા ટોપ પર, ટાટા પંચ બીજા ક્રમે અને હ્યુન્ડાઈ ક્રેટા ત્રીજા નંબરે હતી. પરંતુ, અહીં નોંધનીય બાબત એ છે કે ટાટા પંચ માત્ર હ્યુન્ડાઈ ક્રેટાને પછાડતું નથી પરંતુ મારુતિ બ્રેઝાની ખૂબ નજીક પણ આવ્યું છે.
વેચાણના આંકડા
બ્રેઝા એ 14,572 યુનિટ્સ સાથે સૌથી વધુ વેચાતી એસયુવી હતી જ્યારે ટાટા પંચે 14,523 યુનિટ્સ અને હ્યુન્ડાઈ ક્રેટાએ 13,832 યુનિટ્સનું વેચાણ કર્યું હતું. એટલે કે, ક્રેટા અને પંચના વેચાણમાં ઘણો મોટો તફાવત છે પરંતુ પંચ અને બ્રેઝાના વેચાણમાં ખૂબ જ નજીવો તફાવત છે. બંનેના વેચાણમાં માત્ર 49 યુનિટનો તફાવત છે. નોંધપાત્ર રીતે, પંચે બહુ ઓછા સમયમાં માર્કેટમાં પોતાની ઓળખ બનાવી છે અને માઇક્રો એસયુવી સેગમેન્ટને લોકપ્રિય બનાવવાનો શ્રેય પણ તેને જાય છે.
ટાટા પંચ વિશે
ટાટા પંચની કિંમત રૂ. 6 લાખથી રૂ. 9.52 લાખ (એક્સ-શોરૂમ) છે. તેમાં 7.0 ઇંચની ટચસ્ક્રીન સિસ્ટમ, સેમી-ડિજિટલ ઇન્સ્ટ્રુમેન્ટ ક્લસ્ટર, ઓટો એસી, ઓટોમેટિક હેડલાઇટ્સ અને વાઇપર્સ, ક્રૂઝ કંટ્રોલ, ડ્યુઅલ ફ્રન્ટ એરબેગ્સ, EBD સાથે ABS અને રિયર પાર્કિંગ કેમેરા જેવી સુવિધાઓ મળે છે. તે 5 સીટર માઇક્રો એસયુવી છે. તેને 366 લિટરની બૂટ સ્પેસ મળે છે. તેનું ગ્રાઉન્ડ ક્લિયરન્સ 187 મિલીમીટર છે.
એન્જિન અને ટ્રાન્સમિશન
પંચ 1.2-લિટર પેટ્રોલ એન્જિન દ્વારા સંચાલિત છે જે 86 PS અને 113 Nm જનરેટ કરે છે. 5-સ્પીડ મેન્યુઅલ અને AMT ગિયરબોક્સની પસંદગી છે. તેનું CNG વેરિઅન્ટ પણ બજારમાં ઉપલબ્ધ છે પરંતુ CNG મોડમાં પાવર આઉટપુટ ઘટે છે. CNG વેરિઅન્ટમાં 5-સ્પીડ મેન્યુઅલ ગિયરબોક્સ ઉપલબ્ધ છે.
