Connect with us

જાણવા જેવું

ધમણ-1 વેન્ટિલેટર બાદ જાણો શા માટે N95 માસ્કને લઇને થયો વિવાદ

Published

on

ધમણ-1 વેન્ટિલેટર બાદ હવે ગુજરાતમાં N95 માસ્કને લઇને વિવાદ શરૂ થયો છે. ધમણ-1 વેન્ટિલેટર બાદ કોંગ્રેસે હવે સરકાર પર n95 માસ્કને લઈ આક્ષેપ કર્યા છે. સીએમ વિજય રૂપાણીએ લોકડાઉનના ચોથા તબક્કામાં છૂટછાટની જાહેરાત કરતી વખતે અમુલ પાર્લર પરથી N 95 માસ્ક 65 રૂપિયાની કિંમતે આપવાની વાત કરી હતી. પણ સરકારના ખરીદ ભાવ અને વેચાણના ભાવમાં 15 રૂપિયા સુધીનો તફાવત જોવા મળે છે.

કેમ કે, સરકારે N 95 માસ્કનો મહત્તમ ખરીદ ભાવ રૂ.49.61 નક્કી કર્યો છે. આ મુદ્દો સામે આવતાં જ કોંગ્રેસ દ્વારા સરકાર પર સનસનીખેજ આરોપ મુકવામાં આવ્યા છે. કોરોનાના સમયમાં પણ નફાખોરી કરાતી હોવાનો આરોપ લગાવવામાં આવી રહ્યો છે.

કોંગ્રેસના આક્ષેપો બાદ ભાજપના પ્રદેશ મીડિયા કોર્ડિનેટર પ્રશાંત વાળાએ N95 માસ્કના ભાવ અંગે સરકારનો બચાવ કરતા જણાવ્યું હતું કે જે N95 માસ્ક ખાનગી મેડિકલ સ્ટોરમાં 150, 250 અને 300 રૂપિયાની કિંમતમાં વેચાય છે ત્યારે રાજ્યના તમામ ગામડાઓ અને શહેરોના નાગરિકોને N95 માસ્ક સસ્તી કિંમતે મળી રહે તે માટે રાજ્ય સરકર દ્વારા અમૂલના માધ્યમથી 65 રૂપિયાની કિંમતે માસ્ક વહેંચવામાં આવી રહ્યા છે.

49.61 રૂપિયામાં જો 18 ટકા GST અને પરિવહન ખર્ચ જોડવામાં આવે તો માસ્કની કિંમત 63 રૂપિયા સુધી પહોંચે છે ત્યારે નહીં નફો નહીં નુકસાનના ધોરણે રાજ્ય સરકાર લોકો સુધી N95 માસ્ક પહોંચાડે છે.

Continue Reading
Advertisement
Click to comment

Leave a Reply

Your email address will not be published. Required fields are marked *

આંતરરાષ્ટ્રીય

રેમડેસિવીર ઈન્જેક્શનને લઈ સરકારે લીધો નિર્ણય

Published

on

કેન્દ્ર સરકારે રેમડેસિવીર ઇન્જેક્શનના નિકાસ પર પ્રતિબંધ લગાવી દીધો છે. દેશમાં કોરોના વાયરસના વધી રહેલા કેસને જોઈને આ નિર્ણય કરવામાં આવ્યો છે.

ઉલ્લેખનીય છે કે કોવિડ-19 સામેની લડાઇમાં રેમડેસિવીરને ખાસ કરીને તે વયસ્ક દર્દીઓ માટે મહત્વપૂર્ણ એન્ટી વાયરલ દવા માનવામાં આવે છે, જે સ્વાસ્થ્ય સંબંધી ગંભીર જટિલતાઓનો સામનો કરી રહ્યા છે. ભારત સરકારે પોતાના નિવેદનમાં કહ્યું કે જ્યાં સુધી દેશમાં કોરોના વાયરસની સ્થિતિમાં સુધારો ના થાય ત્યાં સુધી રેમડેસિવીર ઇન્જેક્શન અને રેમડેસિવીર એક્વિટ ફાર્માસ્યૂટિકલ ઇંગ્રેડિએંટ્સના (API) નિકાસ પર પ્રતિબંધ લગાવવામાં આવે છે.

સરકારે કહ્યું કે આવનાર સમયમાં રેમડેસિવીર ઇન્જેક્શનની માંગ વધવાની પૂરી સંભાવના છે અને આ માટે ફાર્માસ્યૂટિકલ ડિપાર્ટમેન્ટ રેમડેસિવીરનું ઉત્પાદન વધારવા માટે ઘરેલું નિર્માતા કંપનીઓની સાથે સંપર્કમાં છીએ.

મહત્વનું છે કે, કોરોનાના દર્દીઓ માટે રેમડેસિવીર ઈન્જેક્શની ખૂબ જ માંગ છે. ગુજરાતના વિવિધ મહાનગરોમાં આ ઈન્જેક્શન લેવા માટે કોરોના પીડિત દર્દીઓના સગા સંબંધીઓ લાઈનો લગાવી રહ્યા છે.

Continue Reading

આંતરરાષ્ટ્રીય

સ્પુતનિક Vને લઈ મહત્વના સમાચાર, વેક્સિનને ભારતમાં ઈમરજન્સી ઉપયોગ માટે મંજૂરી

Published

on

રશિયાની કોરોના વેક્સીન સ્પુતનિક V ને એક્સપર્ટ કમિટીએ ઇમરજન્સીમાં ઉપયોગની મંજૂરી આપી દીધી છે. આ સાથે કોરોના સાથે નિપટવા માટે ભારતને ત્રીજી વેક્સીન મળી ગઈ છે. મળતી માહિતી મુજબ, દેશમાં કોવિશીલ્ડ અને કોવેક્સીનનો ઉપયોગ પહેલા જ થઇ રહ્યો છે.

હવે સ્પુતનિક V ને મંજૂરી મળ્યા પછી આ મહામારીથી નિપટવા માટે ડોક્ટરો પાસે વધુ એક હથિયાર આવી ગયું છે. ઉલ્લેખનીય છે કે સૌથી પહેલા રશિયાએ જ કોરોના વેક્સીન સ્પુતનિક V બનાવવાનો દાવો કર્યો હતો.

આ પહેલા એક રિપોર્ટમાં એ વાત સામે આવી હતી કે ભારતમાં ઓક્ટોબર સુધી પાંચ વેક્સીનને મંજૂરી મળી શકે છે. રિપોર્ટ પ્રમાણે આ વેક્સીન ડૉ રેડ્ડીઝના સહયોગથી તૈયાર થઇ રહેલી સ્પુતનિક V, બાયોલોજિકલ ઇ ના સહયોગથી બની રહેલી જોનસન એન્ડ જોનસનની વેક્સીન, સીરમ ઇન્ડિયાના સહયોગથી તૈયાર કરવામાં આવી રહેલી નોવાવેક્સ વેક્સીન, ઝાયડસ કેડિલા વેક્સીન અને ભારત બાયોટેકની ઇંટ્રાનસલ વેક્સીન છે.

આવામાં સ્પુતનિક V ને મંજૂરી મળ્યા પછી ભારતના ટિકાકરણ અભિયાન ઝડપથી આગળ વધી શકશે.

Continue Reading

ગુજરાત

AIIMS ડાયરેક્ટરે આપી કોરોનાને લઈ ચેતવણી

Published

on

દેશમાં કોરોનાની બીજી લહેર ખતરનાક ધારણ કરી રહી છે. દેશમાં કોરોના સંક્રમણની ઝડપથી વધતી સંખ્યા પર દિલ્હી એમ્સના ડાયરેક્ટર ડોક્ટર રણદીપ ગુલેરિયાએ કહ્યુ કે કોરોના મહામારી ફેલાવનાર સાર્સકોવ-2નો નવો સ્ટ્રેન સંક્રમણ ફેલાવવાની ગતિ પ્રમાણે જૂના કે મૂળ સ્ટ્રેનથી ખુબ વધુ ખતરનાક છે.

એઈમ્સ ડાયરેક્ટરે ચેતવ્યા કે જો સ્થિતિમાં ફેરફાર ન થયો તો વધતા ઇન્ફેક્શન રેટને કારણે આપણી હેલ્થ સિસ્ટમે તેની કિંમત ચુકવવી પડશે. ગુલેરિયાએ પ્રશાસન અને એજન્સીઓને જમીની સ્તર પર કોવિડ દિશાનિર્દેશોનું પાલન કરાવવાને લઈને આકરા પગલા ભરવા માટે ખાસ આગ્રહ કર્યો છે.

તેમણે જણાવ્યું કે, કોરોના ઝડપથી ફેલાવા પાછળ સૌથી મોટુ કારણ માસ્ક ન પહેરવું, બે ગજની દૂરીનું પાલન ન થવું, સમય સમય પર હાથ ન ધોવા જેવી બેદરકારી છે. હવે લોકો ચિંતા મુક્ત થઈ ગયા છે. તે સંક્રમણથી બચવાને લઈને વધુ સતર્ક નથી. તે કારણે દરરોજ એટલા કેસ થઈ ગયા કે હોસ્પિટલોમાં બેડ ખાલી નથી. આ ઉપરાંત તેમણે રસીકરણના માધ્યમથી કોવિડ પર નિયંત્રણ મેળવી શકાશે તે વાતનો પણ ઉલ્લેખ કર્યો હતો.

Continue Reading


Advertisement

Trending

Copyright © 2018 - 2021 Gujju Media.