FIH યુથ હોકી5s એશિયન ચેમ્પિયનશિપ: ભારતે ફાઇનલમાં પાકિસ્તાનને ૩-૧થી ધૂળ ચાટતી કરી ટાઇટલ જીત્યું; હોકી ઇન્ડિયાએ ઈનામોની કરી વરસાદ!
ભારતીય સબ-જુનિયર પુરુષ હોકી ટીમે ઓમાનના મસ્કત ખાતે રમાયેલી FIH યુથ હોકી5s એશિયન ચેમ્પિયનશિપની હાઇ-વોલ્ટેજ ફાઇનલ મેચમાં કટ્ટર હરીફ પાકિસ્તાનને ૩-૧થી માત આપીને ઐતિહાસિક ટાઇટલ પોતાના નામે કરી લીધું છે. ૨૫ જુલાઈના રોજ રમાયેલી આ રોમાંચક ફાઇનલમાં ભારતીય યુવા ખેલાડીઓએ શરૂઆતથી જ મેદાન પર સંપૂર્ણ દબદબો જાળવી રાખ્યો હતો અને પાકિસ્તાની ટીમને પુનરાગમન કરવાની કોઈ તક આપી ન હતી. આ શાનદાર જીત સાથે જ ભારતીય ટીમ એલીટ પૂલ સ્ટેન્ડિંગમાં પણ ટોચના સ્થાને પહોંચી ગઈ છે.
પ્રથમ ૧૩ મિનિટમાં જ ભારતે મેચ કબ્જે કરી
ભારતીય ટીમે અગાઉની મેચમાં પણ પાકિસ્તાનને ૭-૩થી હરાવ્યું હતું, જેના કારણે ફાઇનલમાં ટીમનો આત્મવિશ્વાસ બુલંદ હતો. ટાઇટલ મુકાબલાની શરૂઆતથી જ ભારતીય આક્રમક પંક્તિએ પાકિસ્તાનની ડિફેન્સ લાઇન પર સતત દબાણ બનાવવાનું શરૂ કર્યું હતું.
મેચનો ઘટનાક્રમ:
૫મી મિનિટ: ભારત તરફથી રોમિત પાલે શાનદાર ફિલ્ડ ગોલ કરીને ટીમનું ખાતું ખોલ્યું અને ૧-૦ની લીડ અપાવી.
૧૨મી મિનિટ: કેપ્ટન કેતન કુશવાહે પોતાની જવાબદારીપૂર્વકની રમત બતાવીને ભારત માટે બીજો ગોલ નોંધાવ્યો.
૧૩મી મિનિટ: શાહરૂખ અલીએ વધુ એક ગોલ કરીને મેચની ૧૩મી મિનિટ સુધીમાં જ ભારતને ૩-૦ની મજબૂત લીડ અપાવી દીધી.
પ્રથમ ૧૩ મિનિટમાં પડેલા આ ત્રણ ગોલથી પાકિસ્તાની ટીમ સાવ બેકફૂટ પર આવી ગઈ હતી. મેચની ૧૬મી મિનિટે પાકિસ્તાન માટે મોહમ્મદ ઉસ્માને એક ગોલ કરીને સ્કોર ૩-૧ કર્યો હતો, પરંતુ ત્યારબાદ ભારતીય મિડફીલ્ડ અને ડિફેન્સે વિરોધી ટીમને બીજા કોઈ ગોલ કરવા દીધા ન હતા.
𝐂𝐇𝐀𝐌𝐏𝐈𝐎𝐍𝐒. 𝐆𝐋𝐎𝐑𝐘. 𝐑𝐄𝐖𝐀𝐑𝐃𝐄𝐃.
To honour Team India’s gold medal-winning campaign at the Men’s & Women’s Youth Hockey5s Asian Championship Muscat 2026, Hockey India has announced a cash award of ₹2 lakh for each player and ₹1 lakh for each member of the… pic.twitter.com/bKR6QWAhNn
— Hockey India (@TheHockeyIndia) July 25, 2026
બંને ટીમો FIH વર્લ્ડ કપ માટે ક્વોલિફાય
આ એશિયન ચેમ્પિયનશિપની ફાઇનલમાં પહોંચવાની સાથે જ ભારત અને પાકિસ્તાન બંને ટીમોએ આગામી ‘FIH યુથ હોકી5s વર્લ્ડ કપ’ માટે સત્તાવાર રીતે પોતાનું સ્થાન સુરક્ષિત કરી લીધું છે.
હોકી ઇન્ડિયા દ્વારા રોકડ પુરસ્કારોની જાહેરાત
મસ્કતમાં સબ-જુનિયર ટીમના આ શાનદાર પ્રદર્શન બાદ ‘હોકી ઇન્ડિયા’એ ખુશી વ્યક્ત કરતા ખેલાડીઓ અને સપોર્ટ સ્ટાફ માટે વિશેષ રોકડ પુરસ્કારોની જાહેરાત કરી છે:
𝐆𝐫𝐢𝐭. 𝐏𝐫𝐢𝐝𝐞. 𝐑𝐞𝐜𝐨𝐠𝐧𝐢𝐭𝐢𝐨𝐧.
To honour Team India’s silver-medal finish at the Men’s & Women’s Youth Hockey5s Asian Championship Muscat 2026, Hockey India has announced a cash award of ₹1 lakh for each player and ₹50,000 for each member of the support… pic.twitter.com/Np01Q9ae2U
— Hockey India (@TheHockeyIndia) July 25, 2026
વિજેતા પુરુષ ટીમ: પાકિસ્તાનને હરાવીને ચેમ્પિયન બનેલી પુરુષ ટીમના દરેક ખેલાડીને ₹૨ લાખ અને સપોર્ટ સ્ટાફના દરેક સભ્યને ₹૧ લાખનો રોકડ પુરસ્કાર આપવામાં આવશે.
રનર્સ-અપ મહિલા ટીમ: આ ચેમ્પિયનશિપની ફાઇનલમાં ચીન સામે ૪-૨થી હારીને રનર્સ-અપ બનેલી ભારતીય મહિલા યુથ ટીમ માટે પણ હોકી ઇન્ડિયાએ ઇનામ જાહેર કર્યું છે. મહિલા ટીમના દરેક ખેલાડીને ₹૧ લાખ અને સપોર્ટ સ્ટાફના દરેક સભ્યને ₹૫૦,૦૦૦ આપવામાં આવશે.
