IPL 2026: PSLમાં ધમાકો કરનાર ઇંગ્લિશ ઘોડાની RCBમાં એન્ટ્રી; શું બેંગ્લોરને બનાવશે ચેમ્પિયન?
ઇન્ડિયન પ્રીમિયર લીગ (IPL 2026) હવે તેના સૌથી રોમાંચક અને અંતિમ તબક્કા તરફ આગળ વધી રહી છે. તમામ ટીમો પ્લેઓફની રેસમાં પોતાની પૂરી તાકાત લગાવી રહી છે. આ દરમિયાન રોયલ ચેલેન્જર્સ બેંગ્લોર (RCB)ના કેમ્પમાંથી એક મોટા સમાચાર સામે આવ્યા છે. આરસીબીએ ટુર્નામેન્ટની મધ્યમાં પોતાની બોલિંગ લાઇન-અપને મજબૂત કરવા માટે એક એવા અનુભવી બોલરને ટીમમાં સામેલ કર્યો છે, જેણે તાજેતરમાં જ પાકિસ્તાન સુપર લીગ (PSL)માં પોતાની ઘાતક બોલિંગથી ધમાકો મચાવ્યો હતો.
નુવાન તુષારા બહાર, ઇંગ્લેન્ડના રિચાર્ડ ગ્લીસનની એન્ટ્રી
રોયલ ચેલેન્જર્સ બેંગ્લોરને સીઝનની શરૂઆતથી જ ફાસ્ટ બોલિંગ ડિપાર્ટમેન્ટમાં મુશ્કેલીઓનો સામનો કરવો પડી રહ્યો હતો. શ્રીલંકાના સ્ટાર કિલર બોલર નુવાન તુષારા પાસેથી ટીમને ઘણી આશાઓ હતી, પરંતુ તે ફિટનેસ ટેસ્ટ પાસ કરવામાં નિષ્ફળ રહ્યો હતો. શ્રીલંકા ક્રિકેટ બોર્ડ (SLC) દ્વારા તેને ફિટનેસના કારણે નો-ઓબ્જેક્શન સર્ટિફિકેટ (NOC) આપવાનો ઇનકાર કરવામાં આવ્યો, જેના કારણે તે આખી સીઝનમાંથી બહાર થઈ ગયો હતો.
RCBએ તુષારાના સાજા થવા માટે લાંબી રાહ જોઈ, પરંતુ અંતે પ્લેઓફની મહત્વની મેચો પહેલાં ફ્રેન્ચાઇઝીએ મોટો નિર્ણય લીધો. 15 મેના રોજ સત્તાવાર જાહેરાત કરીને ઇંગ્લેન્ડના 38 વર્ષીય અનુભવી ફાસ્ટ બોલર રિચાર્ડ ગ્લીસનને (Richard Gleeson) નુવાન તુષારાના સ્થાને ટીમમાં સામેલ કરવામાં આવ્યો છે.
કરોડોની ડીલ: બાકીની મેચો માટે મળશે મોટી રકમ
IPL પ્રશાસન દ્વારા જાહેર કરવામાં આવેલા નિવેદન અનુસાર, રિચાર્ડ ગ્લીસન બાકીની સીઝન માટે આરસીબીની ટીમ સાથે જોડાઈ ચૂક્યો છે. આ ટૂંકા ગાળાના કરાર માટે આરસીબી તેને ₹1.6 કરોડ ચૂકવશે. ગ્લીસન પાસે ટૂંકા ફોર્મેટમાં રમવાનો બહોળો અનુભવ છે અને તે ડેથ ઓવરોમાં યોર્કર ફેંકવા માટે જાણીતો છે. જોકે, સીઝનના આ અંતિમ મોડ પર પ્લેઇંગ ઇલેવનમાં તેને સીધી તક મળશે કે કેમ તે જોવું રસપ્રદ રહેશે.
PSL 2026 માં બોલથી મચાવી હતી તબાહી
રિચાર્ડ ગ્લીસનને આરસીબીમાં સ્થાન મળવા પાછળનું મુખ્ય કારણ તેનું તાજેતરનું શાનદાર ફોર્મ છે. આ વર્ષે રમાયેલી પાકિસ્તાન સુપર લીગ (PSL 2026) માં તે ઇસ્લામાબાદ યુનાઇટેડ તરફથી રમ્યો હતો. પીએસએલની પિચો પર તેણે બેટ્સમેનોને ભારે હંફાવ્યા હતા.
PSL 2026 માં ગ્લીસનનું પ્રદર્શન:
- મેચ: 9
- વિકેટ: 12
- એવરેજ: 18.83
- ઇકોનોમી રેટ: 7.14
ટી૨૦ ક્રિકેટમાં ખાસ કરીને પાકિસ્તાનની બેટિંગ ફ્રેન્ડલી પિચો પર 7.14 નો ઇકોનોમી રેટ શાનદાર ગણાય છે. આ જ પ્રદર્શનને કારણે આરસીબીના મેનેજમેન્ટે તેના પર ભરોસો મૂક્યો છે.
IPL માં જુનો ઇતિહાસ: CSK અને MI તરફથી રમી ચૂક્યો છે
રિચાર્ડ ગ્લીસન માટે આઈપીએલનું વાતાવરણ નવું નથી. તે અગાઉ પણ આ લીગનો હિસ્સો રહી ચૂક્યો છે. ગ્લીસન અગાઉ ચેન્નઈ સુપર કિંગ્સ (CSK) અને મુંબઈ ઈન્ડિયન્સ (MI) જેવી ચેમ્પિયન ટીમોની જર્સીમાં જોવા મળ્યો છે. તેણે સીએસકે માટે બે મેચ અને મુંબઈ માટે એક મેચ રમી છે. જોકે, આઈપીએલમાં તેનો રેકોર્ડ અત્યાર સુધી એટલો ખાસ રહ્યો નથી. તેણે રમેલી 3 મેચોમાં માત્ર 2 વિકેટ ઝડપી છે. પરંતુ ક્રિકેટ ચાહકો જાણે છે કે ગ્લીસન જેવો અનુભવી ખેલાડી ગમે ત્યારે મેચનું પાસું પલટી શકે છે.
IPL PICKS ANOTHER PSL PERFORMER
– RCB have signed Richard Gleeson.
– Gleeson impressed with his performances for Islamabad United in PSL 2026.
— Sheri. (@CallMeSheri1_) May 15, 2026
ઇન્ટરનેશનલ ક્રિકેટની વાત કરીએ તો, તેણે ઇંગ્લેન્ડની રાષ્ટ્રીય ટીમ માટે 6 ટી20 આંતરરાષ્ટ્રીય મેચ રમી છે, જેમાં તેણે 20.78 ની સરેરાશથી 9 વિકેટ પોતાના નામે કરી છે.
શું પ્લેઇંગ-11 માં મળશે તક?
હાલમાં આરસીબીની ટીમ પ્લેઓફની રેસમાં ખૂબ જ મજબૂત સ્થિતિમાં દેખાઈ રહી છે. ટીમ સતત જીત સાથે આગળ વધી રહી છે. તેવામાં કેપ્ટન વિજેતા કોમ્બિનેશન સાથે છેડછાડ કરવાનું ટાળી શકે છે. ગ્લીસન માટે પ્લેઇંગ ઇલેવનમાં સ્થાન મેળવવું થોડું મુશ્કેલ લાગી રહ્યું છે, કારણ કે વિદેશી ખેલાડીઓનો સ્લોટ પહેલેથી જ પેક છે.
જોકે, જો ટીમ મેનેજમેન્ટ બોલિંગમાં થોડો ફેરફાર કરવા માંગે, તો ન્યૂઝીલેન્ડના ફાસ્ટ બોલર જેકબ ડફીના સ્થાને રિચાર્ડ ગ્લીસનને તક આપવામાં આવી શકે છે. ચિન્નાસ્વામી સ્ટેડિયમની નાની બાઉન્ડ્રી અને હાઈ-સ્કોરિંગ પિચ પર ગ્લીસનનો અનુભવ અને તેની સ્લોઅર વન બોલ ફેંકવાની કળા આરસીબી માટે ટ્રમ્પ કાર્ડ સાબિત થઈ શકે છે.
