IPL ઇતિહાસનો સૌથી મોટો ટ્રેડ કન્ફર્મ, CSKમાં સંજુ સેમસનનો સમાવેશ, જાડેજાની થઈ ‘ઘર વાપસી’ – રિપોર્ટ
રવીન્દ્ર જાડેજા ચેન્નાઈ સુપર કિંગ્સમાંથી રાજસ્થાન રોયલ્સમાં પરત ફરી રહ્યા છે, જ્યારે સંજુ સેમસનને CSKએ પોતાની ટીમમાં સામેલ કરી લીધો છે.
સંજુ સેમસનને લઈને એક મોટા સમાચાર સામે આવ્યા છે. રિપોર્ટ અનુસાર સંજુ સેમસન IPL 2026માં ચેન્નાઈ સુપર કિંગ્સ (CSK) તરફથી રમી શકે છે. રિપોર્ટ મુજબ, રિટેન્શનની સમયમર્યાદાના બરાબર પહેલા સંજુ સેમસનનો ટ્રેડ કન્ફર્મ થઈ ગયો છે.
રિપોર્ટમાં કહેવામાં આવ્યું છે કે, “આ ટ્રેડ, જે રોયલ્સની ટીમમાં કોઈ વિદેશી ખેલાડી ઉપલબ્ધ ન હોવાને કારણે તકનીકી રીતે અટકેલો હતો, તેને હવે બીસીસીઆઈ તરફથી મંજૂરી આપી દેવામાં આવી છે. 15 નવેમ્બર એટલે કે આજે સત્તાવાર જાહેરાત થવાની અપેક્ષા છે.”
રિપોર્ટ અનુસાર, રાજસ્થાન રોયલ્સ (RR) એ તેના કેપ્ટન સંજુ સેમસનને ચેન્નાઈ સુપર કિંગ્સ (CSK) ને સોંપી દીધો છે. IPLમાં રિટેન્શનની સમયમર્યાદાના થોડા કલાકો પહેલા જ સેમસન 5 વખતની ચેમ્પિયન ટીમમાં જોડાયો છે.
રાજસ્થાન રોયલ્સમાં રવીન્દ્ર જાડેજા
બીજી તરફ, RR એ અનુભવી ઓલરાઉન્ડર રવીન્દ્ર જાડેજા અને સૅમ કરનની સેવાઓ મેળવી લીધી છે, જેનાથી અઠવાડિયાથી ચાલી રહેલી અટકળોનો અંત આવ્યો છે. ક્રિકબઝના રિપોર્ટ અનુસાર, વિદેશી ટીમમાં જગ્યા ન મળવાને કારણે શરૂઆતની મૂંઝવણો પછી આ પગલાને લીલી ઝંડી મળી છે.
રિપોર્ટમાં આગળ એ પણ કહેવામાં આવ્યું છે કે, “CSK છેલ્લા ત્રણ વર્ષથી સેમસનને લેવાનો પ્રયાસ કરી રહ્યું હતું.” IPLના એક CEO એ નામ ન આપવાની શરતે આ ટ્રેડને રોયલ્સ માટે એક શાનદાર ડીલ ગણાવ્યો.
બીજી તરફ, જાડેજા હવે રાજસ્થાન રોયલ્સ તરફથી રમતા જોવા મળશે, જ્યાંથી તેણે પોતાના IPL કરિયરની શરૂઆત કરી હતી. CEOના હવાલાથી રિપોર્ટમાં કહેવામાં આવ્યું છે કે, “આ અત્યંત ચોંકાવનારું છે કે એક ફ્રેન્ચાઇઝી પ્લેયર, જે CSK માટે શાનદાર પ્રદર્શન કરી રહ્યો છે, તેને આટલી સહેલાઈથી જવા દેવાયો. એમએસ ધોનીના સંન્યાસની નજીક હોવાથી, CSKનો ચહેરો કોણ છે? એમએસ પછી, હંમેશા જાડેજા જ હતો. એમએસના ગયા પછી, શું ટીમ પાસે કોઈ પ્રતિનિધિ ચહેરો છે?”
આટલા કરોડ રૂપિયામાં થઈ વાત
રવીન્દ્ર જાડેજા ચેન્નાઈ સુપર કિંગ્સમાંથી રાજસ્થાન રોયલ્સમાં પરત ફરી રહ્યા છે, તેમણે 12 વર્ષ સુધી ચેન્નાઈ સુપર કિંગ્સ માટે રમ્યા છે. તેમને 18 કરોડ રૂપિયા મળશે.
સંજુ સેમસનને ચેન્નાઈ સુપર કિંગ્સમાં ટ્રેડ કરવામાં આવ્યો છે, તેમને 18 કરોડ રૂપિયા મળતા રહેશે.
શમી હૈદરાબાદથી લખનઉ આવ્યા છે અને તેમની વર્તમાન ફી 10 કરોડ રૂપિયા છે.

