કોરોના વાયરસના વધતાં પ્રકોપને કારણે દેશમાં લોકડાઉન વધારવામાં આવ્યું છે. ત્યારે સેલિબ્રિટિસથી લઈને અનેક હસ્તીઓ લોકોને ઘરમાં જ રહેવાની અપીલ કરી રહી છે. ત્યારે હવે કેન્દ્રીય મંત્રી સ્મૃતિ ઈરાનીએ એક વીડિયો શેર કરીને લોકોને ઘરમાં રહેવાની અપીલ કરી છે.
સ્મૃતિ ઈરાનીએ આ વીડિયોમાં તેની પોપ્યુલર સીરિયલ ક્યોંકિ સાસ ભી કભી બહુ થીની ક્લિપ મૂકીને લોકોને જાગરૂક કરવાનો પ્રયાસ કર્યો છે. આ વીડિયોમાં તેઓ ઘરનો દરવાજો બંધ કરતા જોવા મળી રહી છે. આ વીડિયો સીરિયલનો થીમ સોન્ગ છે. જેનો બીએમસીએ લોકોને સંદેશ આપવા ઉપયોગ કર્યો છે
https://www.instagram.com/p/B-_di_4nAM4/?utm_source=ig_web_copy_link
સ્મૃતિ ઈરાનીએ આ વીડિયો શેર કરીને લખ્યું- સાસ હોય કે વહુ, ઘરે જ રહો અને સ્વસ્થ રહો. કારણ કે સાસુ પણ બહુ જ સ્માર્ટ હતી. લોકડાઉનમાં પોતાના પરિવારની સુરક્ષા માટે તેણે કોઈને પણ ઘરની અંદર આવવાની મનાઈ કરી દીધી છે.
સ્મૃતિ ઈરાનીની આ પોસ્ટ ખૂબ જ વાયરલ થઈ રહી છે. ફેન્સ ખૂબ કમેન્ટ કરી રહ્યાં છે. એક યુઝરે લખ્યું- આ સીરિયલ પણ શરૂ કરાવી દો. આ મારી ફેવરિટ સીરિયલ હતી. તમારી એક્ટિંગ ખૂબ જ સારી હતી.
આ પહેલાં સ્મૃતિ ઈરાનીની એક થ્રોબેક તસવીર પણ વાયરલ થઈ હતી. જેમાં એકતા કપૂર પણ સાથે હતી. એકતા અને સ્મૃતિ ક્યોંકિ સાસ ભી કભી બહુ થી સીરિયલ શરૂ થઈ ત્યારથી મિત્રો છે. બંનેની મિત્રતા સમયે સાથે વધુ ગાઢ થતી ગઈ. વર્ષ 2003માં સ્મૃતિ ઈરાની ભારતીય જનતા પાર્ટીથી જોડાઈ અને ટેલિવિઝન જગતને અલવિદા કહી દીધું
