શું ચહલે ખરેખર ધનશ્રીને આપ્યો હતો અસહ્ય ધોખો? RJ મહવશના એક જૂના ઇન્ટરવ્યુએ સોશિયલ મીડિયા પર મચાવી સળવળાટ!
- આરજે મહવશે ઇન્ટરવ્યુમાં શું કહ્યું હતું જે વાયરલ થઈ ગયું?
- અડધી ક્લિપનું અસલી સત્ય: ચહલ નહીં પણ મહવશના ભૂતકાળના બોયફ્રેન્ડની હતી વાત
- યુઝવેન્દ્ર ચહલ અને ધનશ્રી વર્માનું નામ કેમ વચ્ચે ઘસડાયું?
- ડિવોર્સ બાદ ચહલનું નામ મહવશ સાથે જોડાવવા લાગ્યું હતું, જેણે આ અફવાઓમાં ઘી હોમવાનું કામ કર્યું હતું.
- શું ખરેખર ચહલે ધનશ્રીને ધોખો આપ્યો હતો?
ભારતીય ક્રિકેટર યુઝવેન્દ્ર ચહલ અને જાણીતી કોરિયોગ્રાફર ધનશ્રી વર્માના ડિવોર્સ બાદ સોશિયલ મીડિયા પર અવારનવાર નવી વિવાદિત અફવાઓ જન્મ લેતી રહે છે. તાજેતરમાં આરજે મહવશ (RJ Mahvash) નો એક જૂનો ઇન્ટરવ્યુ ઇન્ટરનેટ પર ઝડપથી વાયરલ થઈ રહ્યો છે. આ ઇન્ટરવ્યુમાં મહવશ દ્વારા ગર્ભવતી પત્નીને ધોખો આપનારા એક પુરુષ વિશે કરવામાં આવેલી ટિપ્પણી બાદ નેટિઝન્સે તેને યુઝવેન્દ્ર ચહલ સાથે જોડી દીધો છે. જોકે, આ વાયરલ ક્લિપનું સંપૂર્ણ સત્ય કંઈક અલગ જ છે અને સત્ય જાણ્યા વગર ચહલને ટ્રોલ કરવામાં આવી રહ્યો છે.
યુઝવેન્દ્ર ચહલ અને ધનશ્રી વર્માના અલગ થયા બાદથી જ આરજે મહવશ અને ચહલ વચ્ચે અફેર હોવાની ચર્ચાઓ ચાલતી હતી. બંનેએ આ અંગે ક્યારેય જાહેર ખુલાસો કર્યો નથી. પરંતુ આ વાયરલ વીડિયોએ ભૂતકાળના તમામ વિવાદોને ફરી એકવાર લાઇમલાઇટમાં લાવી દીધા છે.
Everyone is blindly spreading this massive rumor about Yuzi Chahal and Dhanashree but they are completely ignoring this part of the podcast 🚨👇
In this clip RJ Mahvash explicitly says the ex who cheated on his pregnant wife is a guy from Aligarh.
Yuzi Chahal is famously from Haryana.
The internet is literally trying to ruin a man’s reputation and drag his family over a podcast clip that isn’t even about him.
Fact-check before you trend things for likes man 🤦♂️
— ᴅᴇᴀᴅ ᴋɪʟʟᴇʀ (@ReignOfBateman) November 4, 2026
આરજે મહવશે ઇન્ટરવ્યુમાં શું કહ્યું હતું જે વાયરલ થઈ ગયું?
સોશિયલ મીડિયા પર ‘પિન્કવિલા’ (Pinkvilla) સાથેના આરજે મહવશના એક જૂના ઇન્ટરવ્યુની ટૂંકી ક્લિપ ધૂમ મચાવી રહી છે. આ વીડિયો ક્લિપમાં મહવશ અત્યંત ગુસ્સા અને આક્રોશ સાથે એક બોલ્ડ નિવેદન આપતી જોવા મળે છે:
“ઓહ ગોડ, જે વસ્તુથી ઉપરવાળો તમને બચાવે છે! આ માણસના ડિવોર્સ એટલા માટે થયા કારણ કે તેણે તેની પ્રેગ્નન્ટ (ગર્ભવતી) પત્નીને ધોખો આપ્યો હતો. જે માણસ એકવાર ચીટર (ધોખેબાજ) હોય છે, તે હંમેશાં ચીટર જ રહે છે, તેને કોઈ બદલી શકતું નથી.”
આ ટૂંકી ક્લિપ બહાર આવતાની સાથે જ લોકોએ ધારી લીધું કે મહવશ યુઝવેન્દ્ર ચહલ વિશે જ વાત કરી રહી છે અને ચહલે જ પોતાની પત્ની ધનશ્રીને ગર્ભવતી હોવા છતાં ધોખો આપ્યો હતો. જોકે, દાવાની સચ્ચાઈ તપાસ્યા વગર જ સોશિયલ મીડિયા પર લોકો ચહલને ટ્રોલ કરવા લાગ્યા હતા.
અડધી ક્લિપનું અસલી સત્ય: ચહલ નહીં પણ મહવશના ભૂતકાળના બોયફ્રેન્ડની હતી વાત
વાયરલ થઈ રહેલી ક્લિપ સંપૂર્ણ ઇન્ટરવ્યુનો માત્ર એક નાનો ભાગ છે. જો આખી વાત સાંભળવામાં આવે તો સત્ય બિલકુલ અલગ જ સામે આવે છે. આ જ ઇન્ટરવ્યુના આગળના ભાગમાં આરજે મહવશ પોતાના જીવનના ભૂતકાળના એક કડવા અનુભવ વિશે વાત કરી રહી હતી.
મહવશે સ્પષ્ટ કર્યું હતું કે જ્યારે તે ૧૯ વર્ષની હતી અને અલીગઢમાં રહેતી હતી, ત્યારે ફેસબુક (Facebook) ના માધ્યમથી તેની મુલાકાત એક છોકરા સાથે થઈ હતી. આ વ્યક્તિ અલીગઢનો જ વતની હતો. મહવશ પોતાની આ નાની વયના રિલેશનશિપ એક્સપિરિયન્સ વિશે ચર્ચા કરી રહી હતી કે કેવી રીતે તે વ્યક્તિએ બાદમાં પોતાની ગર્ભવતી પત્નીને ધોખો આપ્યો હતો.
આ વિગત દર્શાવે છે કે આ ટિપ્પણી મહવશના અંગત ભૂતકાળ સાથે જોડાયેલી હતી. આ વિષયને યુઝવેન્દ્ર ચહલ કે ધનશ્રી વર્મા સાથે કોઈ લેવાદેવા નથી. માત્ર અડધો વીડિયો કાપીને વાયરલ કરવાને કારણે લોકોમાં આ ખોટી ગેરસમજ ઊભી થઈ હતી.
યુઝવેન્દ્ર ચહલ અને ધનશ્રી વર્માનું નામ કેમ વચ્ચે ઘસડાયું?
આ અફવાઓ અને ગેરસમજ ફેલાવા પાછળનું મુખ્ય કારણ ચહલ અને ધનશ્રીના લગ્નજીવનના અંતની ટાઇમલાઇન અને ત્યારબાદ મહવશ સાથે ચહલનું નામ જોડાવાની ચર્ચાઓ છે.
-
લગ્ન અને સંબંધની શરૂઆત: યુઝવેન્દ્ર ચહલ અને ધનશ્રી વર્માની મુલાકાત વર્ષ ૨૦૨૦ માં કોવિડ-૧૯ લોકડાઉન દરમિયાન થઈ હતી. ચહલે ધનશ્રીના ઓનલાઇન ડાન્સ ક્લાસમાં એડમિશન લીધું હતું. ત્યારબાદ બંને વચ્ચે પ્રેમ પાંગર્યો અને ડિસેમ્બર ૨૦૨૦ માં ગુરુગ્રામ ખાતે ધામધૂમથી લગ્ન થયા હતા.
-
અણબનાવ અને ડિવોર્સ: વર્ષ ૨૦૨૪ થી જ બંનેના સંબંધોમાં તિરાડ પડી હોવાની વાતો વહેતી થઈ હતી. ત્યારબાદ ફેબ્રુઆરી ૨૦૨૫ માં બંને બાંદ્રા ફેમિલી કોર્ટ બહાર જોવા મળ્યા હતા. તેમણે પરસ્પર સંમતિથી ડિવોર્સ માટે અરજી કરી હતી અને કોર્ટે કાયદેસર રીતે તેમના છૂટાછેડા મંજૂર કર્યા હતા.
ડિવોર્સ બાદ ચહલનું નામ મહવશ સાથે જોડાવવા લાગ્યું હતું, જેણે આ અફવાઓમાં ઘી હોમવાનું કામ કર્યું હતું.
શું ખરેખર ચહલે ધનશ્રીને ધોખો આપ્યો હતો?
ચહલ અને ધનશ્રીના લગ્નજીવનમાં શું ખામી હતી તે અંગે ચર્ચાઓ ત્યારે વધુ તેજ બની જ્યારે ધનશ્રી વર્મા રિયાલિટી શો ‘રાઇઝ એન્ડ ફોલ’ (Rise And Fall) માં જોવા મળી હતી. આ શો દરમિયાન અભિનેત્રી કુબ્રા સૈત સાથે વાત કરતી વખતે ધનશ્રીએ કેટલાક ચોંકાવનારા ખુલાસા કર્યા હતા.
કુબ્રા સૈતે ધનશ્રીને પૂછ્યું હતું કે, “તમને સંબંધમાં ક્યારે અહેસાસ થયો કે ભાઈ આ લગ્ન નહીં ચાલે અને મોટો લોચો થઈ ગયો છે?”
ધનશ્રીએ જવાબ આપતાં કહ્યું હતું કે, “પહેલા જ વર્ષે. મેં તેને બીજા જ મહિને પકડી પાડ્યો હતો (Caught him in the second month).”
ધનશ્રીના આ નિવેદને ચોક્કસપણે બંને વચ્ચે વિશ્વાસઘાત કે ધોખાનો સંકેત આપ્યો હતો. પરંતુ આ નિવેદન કે આરજે મહવશના વાયરલ વીડિયોમાંથી ક્યાંય પણ એ સાબિત નથી થતું કે ચહલે ધનશ્રી ગર્ભવતી હતી ત્યારે તેને ધોખો આપ્યો હતો.
