અત્યાર સુધી આપણે થિયેટરમાં ફિલ્મ કેલ્સ થતા જોઇ હશે પરંતુ હવે કોરોના મહામારી વચ્ચે ફિલ્મ ઓટીટી પર રિલીઝ થઇ રહી છે, કોરોના વાયરસને કારણે હવે બોક્સ ઓફિસ પર ફિલ્મો રિલીઝ કરવાની સ્ટાઇલ બદલાઈ ગઈ છે.
જોકે એક ચીજ બદલાઈ નથી અને તે છે એક સાથે ફિલ્મો રજૂ કરવાનો ક્લેશ. બોક્સ ઓફિસને બદલે હવે ઓટીટી પ્લેટફોર્મ પર ફિલ્મો રિલીઝ કરવાનો સિલસિલો શરૂ કરાયો છે. આવામાં તમામ સ્ટાર્સ ઓટીટી પ્લેટફોર્મ પર આવનારી ફિલ્મોના પ્રચારમાં લાગી જતા જોવા મળ્યા છે. હવે ઘણી ફિલ્મોની રિલીઝની તારીખ જાહેર થઈ છે તો એક રસપ્રદ વાત નોંધવામાં આવી છે.
જેમા જુલાઈના અંતમાં એક સાથે ચાર નવી ફિલ્મો રિલીઝ થઈ રહી છે. આ અલગ અલગ ઓટીટી પ્લેટફોર્મ પર રિલીઝ કરાશે. વિદ્યા બાલનની શકુંતલા દેવી, કૃણાલ ખેમુની લૂટકેસ, નવાઝુદ્દીન સિદ્દિકીની રાત અકેલી હૈ અને વિદ્યુત જામનાલની યારા આ ચાર ફિલ્મો એક સાથે એક જ દિવસે ઓટીટી પ્લેટફોર્મ પર રિલીઝ થશે.
જોકે મજાની વાત તો એ છે કે અલગ અલગ પ્લેટફોર્મ પર તે રિલીઝ કરાશે. વિદ્યા, નવાઝ અને કૃણાલની ફિલ્મો અનુક્રમે એમેઝોન પ્રાઇમ, નેટફ્લિક્સ અને ડિઝની હોટસ્ટાર પર આવશે તો વિદ્યુતની ફિલ્મ ઝી5 પરથી રિલીઝ કરાશે.
