કોરોના કાળના કારણે છેલ્લા કેટલાક મહિનાથી દેશમાં તમામ પ્રકારની પ્રવૃત્તીઓ પર રોક લાગી ગઈ છે. હવે ધીરે ધીરે લોકો કોરોનાની વચ્ચે જીવવા શરૂ કહી રહ્યા છે. કોરોનાની અસર બોલિવુડ અને ટેલિવુડ પર પણ પડી હતી.
ત્યારે દેશનો સૌથી લોકપ્રિય શો કપિલ શર્મા શોનું શૂટિંગ શરૂ થયું છે. આ શો દેશના દરેક ઘરમાં ખુશી ફેલાવે છે. લૉકડાઉનના અંદાજે ત્રણ મહિના બાદ ટીવી સિરિયલ્સના શૂટિંગ શરૂ થઈ ગયા છે. કપિલ શર્માની સાથે ભારતી સિંહ, સુમોના ચક્રવર્તી સહિત અન્ય ક્રૂ મેમ્બર્સ 125 દિવસ બાદ સેટ પર પરત ફર્યાં હતાં.
આપણે સૌ જાણીએ છે કે દેશ સહિત વિશ્વભરમાં પ્રસિદ્ધ થયેલો અને દર્શકોનો પ્રિય એવો ‘ધ કપિલ શર્મા શો’નું શૂટિંગ ફરીથી શરૂ થઈ ગયું છે. લગભગ ચાર મહિના બાદ આ શોનું શૂટિંગ ફરીથી શરૂ થઈ શક્યું છે.
કોરોના વાયરસની મહામારી અને ત્યાર બાદ લાદવામાં આવેલા લોકડાઉનને પગલે દેશભરમાં અનિશ્ચિતતા પ્રવર્તી રહી હતી. ફિલ્મો અને ટીવી સિરિયલના શૂટિંગ પણ અટકી ગયા હતા ત્યારે હવે કપિલ શર્મા શોના શૂટિંગનો પ્રારંભ થતાં પ્રસંશકો માટે આ એક ખુશીના સમાચાર છે.
શોમાં સ્પેશિયલ ગેસ્ટ તરીકે દેખાતી અર્ચના પૂરણસિંઘે સેટ પરથી તસ્વીર અને વીડિયો શેર કર્યા છે. આ શોનું શૂટિંગ પ્રેક્ષકો વિના જ થઈ રહ્યું છે અને શોના શૂટિંગ દરમિયાન સેટ પર કોરોના વાયરસથી બચવાની તમામ સાવચેતી રાખવામાં આવી રહી છે.
મહત્વનુંએ છે કે ધ કપિલ શર્મા શોનું શૂટિંગ ફરીથી શરૂ થયા બાદ પ્રથમ ગેસ્ટ તરીકે સોનુ સૂદ જોવા મળશે. આ શો પહેલી ઓગસ્ટથી સોની ટીવી પર શરૂ થવા જઈ રહ્યો છે. કપિલ શર્માએ ભારતી સિંહ સાથે એક ફની વીડિયો શેર કર્યો છે.
તેની સાથે કપિલ શર્મા સિવાય ભારતી સિંહ, અર્ચના પૂરણ સિંઘ, કૃષ્ણા અભિષેક, કિકુ શારદા, સુમોના ચક્રવર્તી અને રાજીવ ઠાકુર પણ શો પર જોવા મળશે. કૃષ્ણા અભિષેક પણ શોમાં પાછા ફરવા બદલ અત્યંત ઉત્સાહિત છે.
