સબ ટીવીનો પોપ્યુલર શો ‘તારક મહેતા કા ઉલ્ટા ચશ્મા’ છેલ્લા ઘણા સમયથી ચર્ચામાં છે.એક પછી એક શોના મોટા કિરદાર શોને અલવિદા કહી રહ્યા છે, પહેલા દયાબેન એટલે દિશા વાકાણી પછી તારક મહેતા એટલે શૈલેષ લોઢા અને હવે જાણવા મળી રહ્યું છે કે ટપૂ પણ શો ને અલવિદા કહી રહ્યો છે.
છેલ્લા ઘણા દિવસથી સમાચાર આવી રહ્યા છે કે ટપુનો રોલ પ્લે કરી રહેલો રાજ અનડકટ શો છોડી રહી રહ્યો છે, પરંતુ શોના મેકર્સે આ વાત વિશે કોઈ સત્તાવાર નિવેદન નથી આપ્યું.
રાજે આ શો 2017માં જોઈન કર્યો હતો. આ પહેલા શોમાં ભવ્ય ગાંધી ટપુના રોલમાં જોવા મળતો હતો. ભવ્ય નાનપણથી જ આ શોનો ભાગ રહી ચૂક્યો છે અને શોની સાથે તે મોટો થયો છે. ભવ્યે શોને ફિલ્મોમાં કામ અને ઘણા પ્રોજેક્ટ્સના કારણે છોડ્યો હતો.
રાજ એક વ્લોગર પણ છે, તેણે હાલમાં જ જણાવ્યું કે, તે પોતાના ફેન્સને એક ગુડ ન્યૂઝ આપવાનો છે. હકીકતમાં રાજે બોલિવૂડ એક્ટર રણવીર સિંહની સાથે ફોટો શેર કરી જણાવ્યું કે તે એક મોટા પ્રોજેક્ટ પર કામ કરી રહ્યો છે અને ટૂંક સમયમાં તેના વિશે બધાને જણાવશે.
