Isro Chandrayaan-3 Launch Live Streaming: ભારતીય અવકાશ સંશોધન સંસ્થા એટલે કે ISRO આજે ચંદ્રયાન-3 લોન્ચ કરવા જઈ રહ્યું છે. આજે વિશ્વની નજર ભારત પર ટકેલી છે.
ISRO ચંદ્રયાન-3 લોન્ચ લાઈવ સ્ટ્રીમિંગ: ભારત આજે તેનું ચંદ્રયાન-3 લોન્ચ કરવા જઈ રહ્યું છે. જો પ્રક્ષેપણ સફળ થશે તો ભારત ચંદ્ર પર સોફ્ટ લેન્ડિંગ કરનાર ચોથો દેશ બની જશે. આ પહેલા ચંદ્ર પર સોફ્ટ લેન્ડિંગનો પ્રયાસ કરનાર અન્ય દેશોમાં અમેરિકા, સોવિયત યુનિયન, ચીન અને ઈઝરાયેલના નામ સામેલ છે. ઈઝરાયેલ સિવાય આ તમામ દેશો ચંદ્રની સપાટી પર સોફ્ટ લેન્ડિંગમાં સફળ રહ્યા હતા. જો ચંદ્રયાન-3 સફળતાપૂર્વક ચંદ્ર પર સોફ્ટ લેન્ડ કરશે તો ભારત આ સિદ્ધિ મેળવનાર ચોથો દેશ બની જશે.
ભારતનું ચંદ્રયાન-3 આંધ્રપ્રદેશના શ્રીહરિકોટાથી આજે બપોરે 2.35 કલાકે સમગ્ર દેશની આશા સાથે ઉડાન ભરશે. જુલાઈ 2019 માં તેના છેલ્લા ચંદ્ર મિશનની નિષ્ફળતા પછી, ISRO ચાર વર્ષ પછી ફરીથી તેનો પ્રયાસ કરી રહ્યું છે. પ્રથમ વખત, ભારતનું ચંદ્રયાન ચંદ્રના દક્ષિણ ધ્રુવ પર ઉતરશે, જ્યાં પાણીના અણુઓ મળી આવ્યા છે. 2008માં ભારતના પ્રથમ ચંદ્ર મિશન દરમિયાન કરવામાં આવેલી આ શોધે દુનિયાને ચોંકાવી દીધી હતી.
ચંદ્રયાન-3: લોન્ચનું લાઈવ સ્ટ્રીમિંગ ક્યાં અને કેવી રીતે જોવું
ચંદ્રયાન-3નું પ્રક્ષેપણ ઈસરોની યુટ્યુબ ચેનલ અથવા દૂરદર્શન પર લાઈવ જોઈ શકાશે.ઈસરોએ લોકોને આ ઐતિહાસિક પ્રક્ષેપણ જોવા માટે આમંત્રણ પણ આપ્યું છે. જે લોકો સતીશ ધવન સ્પેસ સેન્ટરની ગેલેરીમાંથી પ્રક્ષેપણ જોવા ઈચ્છે છે તેઓ ivg.shar.gov.in/ પર જઈને પોતાનું રજીસ્ટ્રેશન કરાવી શકે છે.
તમે નીચેની લિંક પર આજે બપોરે 2:00 વાગ્યે લોન્ચિંગ લાઈવ જોઈ શકો છો:
ISRO સત્તાવાર વેબસાઇટ:
ઈસરોનું ફેસબુક પેજ:
ડીડી નેશનલ ટીવી પર
