Stocks To Watch શેરબજારમાં ટાટા કન્ઝ્યુમર, સિગ્મા એડવાન્સ્ડ અને હાઇવે ઇન્ફ્રાસ્ટ્રક્ચરમાં જોવા મળી શકે છે હલચલ
Stocks To Watch ભારતીય શેરબજારમાં આજે ૨૭ ઑક્ટોબર, ૨૦૨૬ ના રોજ કારોબારી સત્ર દરમિયાન વિવિધ ક્ષેત્રોની અગ્રણી કંપનીઓ પોતાના બીજા ત્રિમાસિક ગાળાના નાણાકીય પરિણામો (Q2 Results) અને કોર્પોરેટ અપડેટ્સને લીધે રોકાણકારોના વિશેષ ધ્યાન હેઠળ રહેશે.
આજના દિવસે ખાસ કરીને ટાટા કન્ઝ્યુમર પ્રોડક્ટ્સ, વન૯૭ કોમ્યુનિકેશન્સ (Paytm), નઝારા ટેક્નોલોજીસ, કેફિન ટેક્નોલોજીસ, આરઈસી, એક્વ્સ (Aequs), સોના બીએલડબ્લ્યુ પ્રિસિઝન ફોર્જિંગ્સ, હાઇવે ઇન્ફ્રાસ્ટ્રક્ચર, સિગ્મા એડવાન્સ્ડ સિસ્ટમ્સ અને એચસીએલ ટેક્નોલોજીસ જેવા શેરોમાં નોંધપાત્ર મુવમેન્ટ જોવા મળી શકે છે.
આ ઉપરાંત, દેશની દિગ્ગજ કંપનીઓ જેવી કે લાર્સન એન્ડ ટુબ્રો, મારુતિ સુઝુકી ઈન્ડિયા, એસબીઆઈ લાઈફ ઈન્સ્યોરન્સ, બજાજ ઓટો, સિપ્લા, એસીસી, મઝાગોન ડોક શિપબિલ્ડર્સ, રેમન્ડ, ગેલ, યુનાઈટેડ બ્રુઅરીઝ, સ્ટીલ ઓથોરિટી ઓફ ઈન્ડિયા (SAIL) અને વારી એનર્જીઝ પણ આજે પોતાના ત્રિમાસિક પરિણામોની જાહેરાત કરવા જઈ રહી છે.
Q2 પરિણામોમાં ચમકેલા સ્ટોક્સ: ટાટા કન્ઝ્યુમર અને પેટીએમ
ટાટા કન્ઝ્યુમર પ્રોડક્ટ્સે બીજા ત્રિમાસિક ગાળામાં શાનદાર પ્રદર્શન નોંધાવ્યું છે. કંપનીનો ચોખ્ખો નફો ૧૫.૭ ટકા વધીને ₹૪૭૦.૧ કરોડ થયો છે, જે અગાઉના સમાન ગાળામાં ₹૪૦૬.૫ કરોડ હતો. આ સમયગાળા દરમિયાન કંપનીની કુલ આવક પણ ૧૪ ટકા વધીને ₹૫,૬૬૧.૧ કરોડ પર પહોંચી છે. આ સાથે જ બોર્ડે સુનિલ લોબોને ૧ ડિસેમ્બર, ૨૦૨૬ થી અમલમાં આવે તે રીતે ઈન્ડિયા સેલ્સના વડા અને પ્રમુખ તરીકે નિયુક્ત કર્યા છે.
વન૯૭ કોમ્યુનિકેશન્સ (Paytm) ના પરિણામોએ બજારને ચોંકાવી દીધું છે. કંપનીનો એકત્રિત વાર્ષિક નફો લગભગ ૧૧ ગણો વધીને ₹૨૨૬ કરોડ નોંધાયો છે, જે પાછલા વર્ષના સમાન ત્રિમાસિક ગાળામાં માત્ર ₹૨૧ કરોડ હતો. આ દરમિયાન કંપનીની કામગીરીમાંથી આવક ૨૮.૫ ટકાના ઉછાળા સાથે ₹૨,૬૪૮ કરોડ પર પહોંચી ગઈ છે.
કેફિન, સોના બીએલડબ્લ્યુ અને અન્ય કંપનીઓની નાણાકીય સ્થિતિ
કેફિન ટેક્નોલોજીસે નાણાકીય વર્ષ ૨૦૨૬-૨૭ ના બીજા ત્રિમાસિક ગાળામાં ₹૧૦૦.૩ કરોડનો નફો મેળવ્યો છે, જેમાં ૭.૫ ટકાનો સુધારો નોંધાયો છે, જ્યારે કંપનીની આવક ૩૦ ટકા વધીને ₹૪૦૧.૮ કરોડ થઈ છે.
ઓટો એન્સિલરી ક્ષેત્રની સોના બીએલડબ્લ્યુ પ્રિસિઝન ફોર્જિંગ્સે ૨૯.૩ ટકાના વધારા સાથે ₹૨૨૩.૪ કરોડનો ચોખ્ખો નફો રજૂ કર્યો છે અને તેની આવક ૩૪.૯ ટકા વધીને ₹૧,૫૩૫.૮ કરોડ પર પહોંચી છે.
બીજી તરફ, જાહેર ક્ષેત્રની એનબીએફસી કંપની આરઈસી (REC) ના નફામાં ૨૧.૨૨ ટકાનો ઘટાડો નોંધાયો છે અને તે ₹૩,૪૭૭.૭ કરોડ રહ્યો છે, જ્યારે કંપનીની ચોખ્ખી વ્યાજ આવક (NII) ૯ ટકા ઘટીને ₹૫,૪૭૮.૪ કરોડ થઈ છે.
ગેમિંગ અને ટેકનોલોજી કંપની નઝારા ટેક્નોલોજીસની આવક પ૬.૬ ટકા વધીને ₹૮૦૩.૨ કરોડ થઈ છે અને નફો ₹૩૫.૩૬ કરોડ રહ્યો છે. એરોસ્પેસ ક્ષેત્રની એક્વ્સ (Aequs) ની આવક ૪૫.૩ ટકા વધીને ₹૪૦૯.૧ કરોડ થઈ હોવા છતાં તેનું નુકસાન વધીને ₹૫૨.૩ કરોડ નોંધાયું છે.
મોટા કોર્પોરેટ ઑર્ડર્સ અને આંતરરાષ્ટ્રીય સંપાદન
Stocks To Watch ઈન્ફ્રાસ્ટ્રક્ચર અને સંરક્ષણ ક્ષેત્રની કેટલીક કંપનીઓને મોટા ઑર્ડર્સ પ્રાપ્ત થયા છે. સિગ્મા એડવાન્સ્ડ સિસ્ટમ્સને નાટો (NATO) ગ્રાહક તરફથી ૧૫૫ મીમી આર્ટિલરી દારૂગોળા માટે બેઝ બ્લીડ (BB) યુનિટના ઉત્પાદન અને સપ્લાય માટે ₹૯૭૩ કરોડનો મસમોટો ઑર્ડર મળ્યો છે, જે ૧૨ મહિનાના સમયગાળામાં પૂર્ણ કરવાનો રહેશે.
હાઇવે ઇન્ફ્રાસ્ટ્રક્ચર કંપનીને ઉત્તર પ્રદેશના બૈતી કલા ફી પ્લાઝા ખાતે કામગીરી હાથ ધરવા માટે નેશનલ હાઇવે ઓથોરિટી ઓફ ઇન્ડિયા (NHAI) તરફથી ₹૯૧.૭૮ કરોડનો સ્વીકૃતિ પત્ર (LOA) પ્રાપ્ત થયો છે.
આ સિવાય, આઈટી ક્ષેત્રની અગ્રણી કંપની HCL ટેક્નોલોજીસે તેની સંપૂર્ણ માલિકીની પેટાકંપની HCL ટેક્નોલોજીસ ઑસ્ટ્રિયા GmbH મારફતે ક્રોએશિયા સ્થિત રોબોટિક પ્રોસેસ ઓટોમેશન કંપની S/Robotic ail માં ૧૦૦ ટકા હિસ્સાનું સંપાદન પ્રક્રિયા સફળતાપૂર્વક પૂર્ણ કર્યું છે. આ તમામ ઘટનાક્રમો આજના ટ્રેડિંગ સેશનમાં સંબંધિત શેરોના ભાવ પર સીધી અસર પાડશે.
