કોરોના વાયરસ દુનિયાભરમાં ફેલાઈ ચૂક્યો છે જેના કારણે ઈટાલી અને સ્પેનમાં હજારો લોકોના મોત થયા છે. આ જીવલેણ વાયરસ હવે ભારતમાં પોતાનો પગપેસારો કરી રહ્યો છે અને અહીં પણ મોતનો આંકડો વધી રહ્યો છે. જેને રોકવા માટે દેશમાં 21 દિવસનું લોકડાઉન જાહેર કરી દેવાયું છે.
https://www.instagram.com/p/B-KHTu_hu9Y/?utm_source=ig_web_copy_link
સામાન્ય વ્યક્તિથી લઈને સેલેબ્સ સુધીના લોકો પોતાના ઘરમાં સમય પસાર કરી રહ્યા છે અને જાતે જ કામ કરી રહ્યા છે. હામાં જ એક્ટ્રેસ કેટરીના કૈફે પોતાનો વિડીયો શેર કર્યો છે, જેમાં તે ઘરમાં ઝાડુ મારતી દેખાય છે. વિડીયોમાં પહેલા કેટરીના ઝાડુ લઈને કચરો વાળતા દેખાય છે અને થોડા સમય બાદ ઝાડુથી બેટિંગ કરતા દેખાય છે.
કેટરીનાના આ વિડીયો પર કમેન્ટ કરતા અર્જુન કપૂરે લખ્યું, એ કાંતાબેન 2.0, જ્યારે વરુણ ધવનને કેટનો આ વિડીયો પસંદ આવ્યો અને તેણે તેના પર રોકિંગ ઈમોજી બનાવ્યું. જ્યારે ફિલ્મ ડિરેક્ટર જોયા અખ્તરે તેના પર કમેન્ટ કરીને લખ્યું, બેબી જેવું લોકડાઉન ખતમ થઈ જાય તુ મારા ઘરે આવીને મારો કબાટ સાફ કરી શકીશ? મનીષ પૉલે કેટરીનાની પોસ્ટમાં લખ્યું, બ્રૂમ મચાલે, બ્રૂમ મચાલે બ્રૂમ.
https://www.instagram.com/p/B-FEZmEBq73/?utm_source=ig_web_copy_link
ઉલ્લેખનીય છે કે આ પહેલીવાર કેટરીનાએ ઘરનું કામ કરતો વિડીયો શેર નથી કર્યો. આ પહેલા પણ કેટરીનાએ વાસણ ધોતો વિડીયો શેર કર્યો હતો. કેટરીનાએ આ વિડીયોમાં જણાવ્યું હતું કે, તેની મેઈડ સેલ્ફ આઈસોલેશનમાં છે આ કારણે તે જાતે વાસણ ધોઈ રહી છે.
