તમે બોલિવુડ સેલીબ્રીટીઝના ફેશન વિડીઓઝ અને ફોટોઝ તો જોયા જ હશે.. પરંતુ આ 24 વર્ષીય ટીકટોક સ્ટાર બોલિવુડના સેલીબ્રીટી ફેશનને નો-કોસ્ટમાં રીક્રીએટ કરે છે..અને તેના આ લુક સોશિયલ મીડિયા પર ખુબ જ વાયરલ થયા છે.. તમે આ 24 વર્ષીય ટીકટોક સ્ટારના ફોટોઝ અને વિડીઓઝ ટીકટોક પર કે ફેસબુક પર, વોટ્સએપ અથવા ઇન્સ્ટાગ્રામ ફીડમાં જોયા જ હશે..
નીલ રનૌત માટે, આ એક સ્ટંટ કે નાટક નહી પરંતુ તેનો શોખ છે. અથવા એવુ કહેવાય કે વિચિત્ર શોખ.
નીલ રનૌત ત્રિપુરાનો રહેવાસી અને વકીલ છે જેનું અસલી નામ શારબજીત સરકાર છે. જેનો ઓનલાઈન દુનિયામાં એક અલગ જ રૂપ જોવા મળે છે. તેને પોતાના નામ બદલવા પાછળનું કારણ જણાવ્યું હતું કે તે કંગના રનૌતનો ખુબ મોટો ફેન છે અને તે લાઈફમાં એક વાર કંગનાને મળવા માંગે છે અને આ જ કારણથી તેણે આ ચેનલની શરૂઆત કરી હતી. અને કંગના રનૌતની અટકથી પ્રેરિત થઈ તેણે નામનો સેકન્ડ વર્ડ રનૌત રાખ્યો અને બ્લુ કલર તેનો ફેવરીટ કલર હોવાથી તેણે તેની ચેનલનું પૂરું નામ નીલ રનૌત રાખ્યું અને હવે તે આજ નામથી લોકોમાં ખુબ ફેમસ છે.
નીલ રનૌતે પહેલીવાર દીપિકા પાદુકોણના એક આઉટફીટને કેળના પાંદડાઓનો ઉપયોગ કરીને રીક્રીએટ કર્યો હતો.. આ રીક્રીએટ વર્ઝન સોશિયલ મીડિયા પર ખુબ વાયરલ થયું હતું.. ત્યારબાદ સૌને લાગ્યું કે આ ફક્ત એક વારનું નાટક હતું..
પરંતુ નીલ રનૌતે ખુબ જ સારા રિસ્પોન્સના કારણે આઉટફીટનું રીક્રીએશન ચાલુ રાખ્યું.. અને ત્યારબાદ ક્યારેય પાછા વળીને જોયું નહી..
પોતાને “નો-કોસ્ટ” ફેશન રીક્રીએટર તરીકે ઓળખાવતા નીલ રનૌતે જણાવ્યું કે તે કોઇપણ ખર્ચ વિના તેના આઉટફીટ રીક્રિએટ કરે છે જો તેની પાસે દિવસમાં 100 કે 200 રૂપિયાનું બજેટ હોત તો પણ તેના ડ્રેસ હજુ અલગ હોતા પણ તે કોઇપણ ખર્ચ વિના પોતાની પાસે ઉપલબ્ધ અને સામાન્ય વસ્તુઓ જેવી કે પાંદડા, ઝાડુ અથવા તેના મિત્રની દુકાનમાંથી કેટલીક ચીજવસ્તુઓ ઉધાર પર લઈ આ વસ્તુઓનો ઉપયોગ કરીને ડ્રેસ રીક્રીએટ કરે છે. વસ્તુ ઉધાર લઈને પણ તે તેને ખોલ્યા વિના અથવા તેનો વધુ ઉપયોગ કર્યા વિના તેને પરત કરી દે છે. તે એવી જ વસ્તુ ઉધાર પર લે છે જેને જલ્દી નુકસાન ન થાય જેમકે શેમ્પૂ અથવા નૂડલ પેકેટ્સ..
વધુમાં નીલ રનૌતે જણાવ્યું હતું કે જો ડ્રેસ રીક્રીએટ કરવામાં તેને કોઈ બ્લાઉઝ કે પેટીકોટની જરૂર પડે તો તેની બહેન કે દાદી પાસેથી માંગી લે છે .. નીલ રનૌતે જણાવ્યું કે આ બાબતે તેની ફેમીલી તેના માટે સપોર્ટીવ પણ રહી છે અને અનસપોર્ટીવ પણ.. પહેલા શરૂઆતમાં તેના ફેમીલીમાં આ બાબત સમજી નહોતા શક્યા પરંતુ હવે તેની પોપ્યુલારીટીના કારણે તેની ફેમીલી હવે તેને ખુબ સપોર્ટ કરે છે અને હવે તો તેની ફેમીલી વિડીઓઝ બનાવવામાં કે ડ્રેસ રીક્રીએટ કરવામાં પણ ખુબ હેલ્પ કરે છે..
નીલ રનૌતે તેના સોશીયલ મીડિયા અવતાર વિશે જણાવ્યું હતું કે યુનિવર્સિટીમાં તેને દરેક મિત્રો જાણતા હતા કે તે કોણ છે તો ત્યાં તેને કોઈ તકલીફ નહોતી પડી. પરંતુ તે જ્યાં વકીલ તરીકે નોકરી કરે છે ત્યાં ઘણા લોકો તેની હાંસી ઉડાવે છે અને હેરાન પણ કરે છે પણ આ કોઈ વાત તેને તેના શોખથી દુર ન કરી શકી.. ડ્રેસ રીકીએટ કરવા તેનો શોખ છે જે તેણે ક્યારેય છોડ્યો નહી..
https://www.instagram.com/p/B9O3GNhgiYY/?utm_source=ig_web_copy_link
નીલ રનૌત હંમેશા તેના રીક્રીએટ ડ્રેસ બનાવવા ખુબ જ વિચિત્ર વસ્તુઓનો ઉપયોગ કરે છે..નીલ રનૌત ફક્ત સેલીબ્રીટી ફેશન ડ્રેસીસ જ નહી પરંતુ લોકપ્રિય બ્રાન્ડની વસ્તુઓની જાહેરાતોને પણ રીક્રીએટ કરે છે.
તો તમને પણ જો ફેમસ સેલીબ્રીટી લુકને ખુબ જ ચીપ રેટમાં રીક્રીએટ કરવાનો શોખ હોય તો નીલ રનૌતની પ્રોફાઈલ એક વાર જરૂરથી જોવી..