કુલ્ફી કુમાર બાજેવાલામાં જોવા મળેલી અંજલી આનંદે એક ચોંકાવનારો ખુલાસો કર્યો છે, તેણે ઇન્સ્ટાગ્રામ પર પોસ્ટ મુકી છે અને કેપ્શન લખ્યુ છે કે હું મારા શૉ માટે તૈયાર છુ પણ કોઇ બોલાવો તો ખરા. કોરોના મહામારીને કારણે કેટલાય એક્ટર્સ બેરોજગાર બન્યા છે અને કામ માંગી રહ્યાં છે.
જ્યારે અંજલિને આ બાબતે પૂછવામાં આવ્યું હતુ ત્યારે તેણે જણાવ્યું હતું કે તેની પાસે કામ નથી, અત્યાર સુધીની તમામ બચત ખર્ચાઇ ગઇ છે, છેલ્લા કેટલાય મહિનાઓથી તેની પાસે કામ નથી. એક પ્રોફેશનલ એક્ટર તરીકે અંજલિને કામ માંગવામાં શરમ નથી આવી રહી. સાથે જ જે કામ કરવા ઇચ્છે છે તેમની પાસે ઇન્સ્ટાગ્રામ છે.
તેણે વધુમાં ઉમેર્યુ કે શૉનું શૂટિંગ ફેબ્રુઆરીમાં બંધ થયુ હતું અને માર્ચમાં લૉકડાઉન આવી ગયું હતુ. હવે તેમને ઝીરોથી શરૂઆત કરવી પડશે. લોકોને લાગે છે કે કલાકારોને કામ માગવાની જરૂર નથી હોતી પરંતુ તેવું નથી. કલાકારોને પણ કામ માગવુ પડતું હોય છે. જ્યારે નીના ગુપ્તાએ સોશ્યલ મિડીયા પર કામની તક અંગે વાત કરી હતી ત્યારે અંજલિ પ્રેરાઇ હતી. સિરીયલોનું શૂટિંગ શરૂ થઇ ગયુ છે અને ઘણા બધા કલાકારો ઘરે બેઠા છે, તેને ભરોસો છે કે દરેકને કામ માટે ફોન આવશે.
અચાનક જ શૉ બંધ થઇ જતાં તેણે કહ્યું હતું કે, શૉ કેમ બંધ થયો તેની ખબર નથી પણ તેને કામ પર જવું છે. તેને તેના કામમાં 100 ટકા યોગદાન આપવું છે તેનાથી વધારે તેને કંઇ જ ખબર નથી. સાથે જ અંજલિએ પ્રાર્થના કરી હતી કે જલ્દી જ આ મહામારીમાંથી લોકો બહાર આવી જાય, કારણકે હવે નોર્મલ લાઇફનો આઇડીયા પણ બદલાઇ ગયો છે.
