ફિલ્મ ‘રામાયણ’ના પ્રથમ લુકે જીત્યા લોકોના દિલ: ભવ્ય VFX અને વિઝ્યુઅલ્સનો જાદુ ચાલ્યો
નિતીશ તિવારી દ્વારા નિર્દેશિત બહુપ્રતિક્ષિત ફિલ્મ ‘રામાયણ’નું ટીઝર તાજેતરમાં અમેરિકાના લોસ એન્જલસમાં રિલીઝ કરવામાં આવ્યું હતું. ફિલ્મના પ્રથમ લુકે જ પ્રેક્ષકોને મંત્રમુગ્ધ કરી દીધા છે અને ઘણા લોકોની આંખોમાં હર્ષના આંસુ આવી ગયા હતા. આ ફિલ્મ ભારતીય સિનેમાના ઇતિહાસમાં એક નવો અધ્યાય લખવા જઈ રહી હોય તેવું ટીઝરના પ્રતિસાદ પરથી જણાય છે. આ ભવ્ય ફિલ્મ દિવાળી 2026 પર સિનેમાઘરોમાં રિલીઝ થવાની તૈયારીમાં છે.
ભારતમાં ક્યારે રિલીઝ થશે ટીઝર?
લોસ એન્જલસમાં મળેલી શાનદાર સફળતા બાદ હવે ભારતીય ચાહકોમાં ઉત્સુકતા ચરમસીમાએ છે. દિગ્દર્શક નીતીશ તિવારીએ સોશિયલ મીડિયા પ્લેટફોર્મ ‘X’ પર જાહેરાત કરી છે કે ફિલ્મનું સત્તાવાર ટીઝર ભારતમાં 2 એપ્રિલ, હનુમાન જયંતિના પવિત્ર દિવસે રિલીઝ કરવામાં આવશે. લોસ એન્જલસના પ્રતિસાદ પછી ભારતમાં આ ટીઝરની રાહ હવે અસહ્ય બની ગઈ છે.
સ્ટાર કાસ્ટ અને દમદાર પાત્રો
ફિલ્મમાં સ્ટાર કાસ્ટની પસંદગી ખૂબ જ સમજી-વિચારીને કરવામાં આવી છે. રણબીર કપૂર ભગવાન રામના પાત્રમાં અને સાઈ પલ્લવી માતા સીતાના રોલમાં જોવા મળશે. દક્ષિણ ભારતીય સુપરસ્ટાર યશ રાવણના શક્તિશાળી પાત્રમાં દેખાશે, જ્યારે સની દેઓલ હનુમાનજીના પ્રભાવશાળી રોલમાં નજર આવશે. ટીઝરમાં આ તમામ પાત્રોની ઝલક એટલી પ્રભાવશાળી છે કે દર્શકોએ તેને ‘પરફેક્ટ કાસ્ટિંગ’ ગણાવ્યું છે.
Shubh Rama Navami
Thank you for your faith and patience.
On 2nd April, Hanuman Jayanti, we take the first step together.#RamayanaByNamitMalhotra
In cinemas, globally- Diwali 2026 & 2027. pic.twitter.com/BUTER2JZkw
— Namit Malhotra (@malhotra_namit) March 27, 2026
હોલીવુડ લેવલના VFX અને ભાવુક વિઝ્યુઅલ્સ
લોસ એન્જલસમાં સ્ક્રીનિંગ દરમિયાન હાજર રહેલા લોકોએ જણાવ્યું હતું કે ફિલ્મના VFX અને વિઝ્યુઅલ્સ આંતરરાષ્ટ્રીય કક્ષાના છે. રામાયણની પવિત્ર વાર્તાને અત્યંત ભવ્ય સ્કેલ પર રજૂ કરવામાં આવી છે. રામ, સીતા અને લક્ષ્મણના પાત્રોમાં જે ભાવનાત્મક ઊંડાણ બતાવવામાં આવ્યું છે, તેનાથી પ્રેક્ષકો ગદગદ થઈ ગયા હતા. બેકગ્રાઉન્ડ મ્યુઝિક પણ એટલું જ પાવરફુલ છે જે આ મહાકાવ્યની અનુભૂતિ કરાવે છે.
સંસ્કૃતિ અને આધુનિકતાનો સંગમ
નિષ્ણાતો અને પ્રેક્ષકોનું માનવું છે કે આ માત્ર એક ફિલ્મ નથી, પરંતુ ભારતીય સંસ્કૃતિનું સાચું પ્રતિનિધિત્વ છે. વાલ્મીકિ રામાયણ અને રામચરિતમાનસ પર આધારિત આ ફિલ્મમાં આધુનિક ટેકનોલોજીનો ઉપયોગ કરીને ભવ્યતા ઉમેરવામાં આવી છે. સોશિયલ મીડિયા પર ચાહકો કહી રહ્યા છે કે, “આ તે રામાયણ છે જેની ભારત વર્ષોથી રાહ જોતું હતું.” હવે સૌની નજર 2 એપ્રિલ પર ટકેલી છે, જ્યારે આખું ભારત આ ભવ્યતાનો સાક્ષી બનશે.
