સલમાન ખાન પર આભ તૂટ્યું: 42 વર્ષ જૂના ‘ભાઈ’ જેવા મિત્રને ગુમાવ્યો; રડતા-રડતા લખ્યું- ‘તારી બહુ યાદ આવશે’
કહેવાય છે કે દુનિયામાં બધું જ મળે પણ સાચો મિત્ર મળવો મુશ્કેલ છે. સલમાન ખાન માટે સુશીલ કુમાર માત્ર એક મિત્ર નહીં, પણ તેના પરિવારનો હિસ્સો હતા. રવિવારે સલમાને પોતાના ઇન્સ્ટાગ્રામ પર સુશીલ કુમાર સાથેની યાદો શેર કરી હતી. તેની આ પોસ્ટ વાંચીને ચાહકોની આંખો પણ ભીની થઈ ગઈ છે. સલમાને જે અંદાજમાં આ શ્રદ્ધાંજલિ લખી છે, તે સાબિત કરે છે કે તેમની મિત્રતા કેટલી કુદરતી અને નિખાલસ હતી.
મિત્રતાના 42 વર્ષ: દયાળુ અને બેફિકર દોસ્ત
પોતાની પોસ્ટમાં સલમાન ખાને ચાર દાયકાની મિત્રતાને વાગોળતા લખ્યું કે, “આ વ્યક્તિ 42 વર્ષથી મારા ભાઈ જેવો રહ્યો છે. તે સૌથી નેક, દયાળુ અને મદદગાર માણસ હતો.” સલમાને જણાવ્યું કે સુશીલ કુમાર ગમે તેવી મુશ્કેલીમાં હોય, તે હંમેશા હસતો અને બેફિકર રહેતો હતો. આર્થિક સમસ્યા હોય કે શારીરિક તકલીફ, તે હંમેશા એમ જ કહેતો કે ‘કંઈ ફરક નથી પડતો, બધું ઠીક થઈ જશે’.
એક મર્દની જેમ લડ્યો અને શાંતિથી વિદાય લીધી
સલમાને સુશીલ કુમારના દ્રઢ મનોબળના વખાણ કરતા લખ્યું કે, તે મોત સામે એક ચેમ્પિયનની જેમ લડ્યો. સલમાનની આ પોસ્ટમાં દુઃખની સાથે મિત્રના જીવવાની રીત પ્રત્યે ગર્વ પણ દેખાય છે. તેણે લખ્યું, “અલવિદા ભાઈ! તેં એક સાચા મર્દની જેમ જીવન જીવ્યું. તારા માટે મારી પાસે આંસુ નથી, કારણ કે તેં અમને હંમેશા હસાવ્યા છે. તારા માટે માત્ર યાદો અને હાસ્ય જ રહેશે.” સલમાને એમ પણ જણાવ્યું કે સુશીલ કુમાર હસતા-હસતા આ દુનિયામાંથી શાંતિપૂર્ણ રીતે વિદાય પામ્યા છે.
સલમાનની વિચિત્ર છતાં ભાવુક પોસ્ટ: ‘સીગરેટ અને વ્હિસ્કી એન્જોય કર’
સલમાન ખાનની પોસ્ટમાં એક અલગ જ રણકો જોવા મળ્યો. તેણે પરંપરાગત ‘RIP’ લખવાને બદલે પોતાના અનોખા અંદાજમાં મિત્રને વિદાય આપી. તેણે લખ્યું, “હવે તારી સીગરેટ અને વ્હિસ્કી એન્જોય કર, ચીયર્સ ભાઈ!” સલમાને બીજી એક પોસ્ટમાં ભગવાને માણસને પોતાની પાસે બોલાવવાના કારણો વિશે પણ ચર્ચા કરી. તેણે લખ્યું કે જે સારા માણસો હોય છે તેને ભગવાન વહેલા બોલાવી લે છે. સલમાનના આ શબ્દોમાં પોતાના મિત્રને ગુમાવવાનો ગુસ્સો અને લાચારી બંને દેખાતી હતી.
તેણે હળવી મજાક કરતા એમ પણ લખ્યું કે, “તેં તારી પત્નીને કોઈ બીજા (ભગવાન) માટે છોડી દીધી છે. કાશ હું તારા પર ગુસ્સો કરી શકત કે ગાળ આપી શકત, પણ તારા માટે એક પણ આંસુ નહીં.” સલમાને પોતાની અત્યારની હાલત દર્શાવતી એક તસવીર પણ શેર કરી છે, જેમાં તે ખૂબ જ નિરાશ દેખાઈ રહ્યો છે.
View this post on Instagram
સલમાન ખાનનું ફિલ્મી કરિયર: આગામી પ્રોજેક્ટ્સ
એક તરફ અંગત જીવનમાં આટલું મોટું દુઃખ છે, તો બીજી તરફ સલમાન પ્રોફેશનલ કમિટમેન્ટ્સ પણ પૂરા કરી રહ્યો છે. સલમાન ખાનના ફેન્સ માટે આગામી સમય ખૂબ જ રોમાંચક રહેવાનો છે:
SVC63: સલમાન ખાન સાઉથની સુપરસ્ટાર નયનતારા સાથે પહેલીવાર મોટા પડદે જોવા મળશે. વામશી પેડીપલ્લી દ્વારા નિર્દેશિત આ ફિલ્મ ઈદ 2027 પર રિલીઝ થવાની તૈયારીમાં છે.
માતૃભૂમિ: મે વોર રેસ્ટ ઇન પીસ: આ ફિલ્મમાં સલમાન સાથે ચિત્રાંગદા સિંહ જોવા મળશે. પહેલા આ ફિલ્મનું નામ ‘બેટલ ઓફ ગલવાન’ રાખવામાં આવ્યું હતું. આ ફિલ્મ દેશભક્તિ અને યુદ્ધની પૃષ્ઠભૂમિ પર આધારિત હશે.
