Connect with us

ભારત

4 મે પછી આ બાબતોમાં મળી શકે છે છૂટ,કેન્દ્રીય ગૃહમંત્રાલયોએ નિયમોમાં કર્યો ફેરફાર

Published

on

કોરોના વાયરસના સંક્રમણને રોકવા માટે 2 ભાગમાં લાગૂ થયેલુ 40 દિવસનું દેશવ્યાપી લૉકડાઉનમાં પૂર્ણ થઈ રહ્યું છે. આ સમયે કેન્દ્રીય ગૃહમંત્રાલયે 15 એપ્રિલે પોતાના દિશા નિર્દેશોમાં ફેરફાર કરીને રાજ્યોને લૉકડાઉનમાં ફસાયેલા લોકોને ઘરે લઈ જવાની પરમિશન આપવામાં આવી છે. હાલ સુધીના સંકેત કહે છે કે લૉકડાઉનની પરિસ્થિતિ સામાન્ય બનશે. આ સમયે જાણો 4 મે બાદ કઈ કઈ જગ્યાઓએ તમને રાહત કે છૂટ મળી શકે છે.

4મેથી ગ્રીન અને ઓેરેન્જ ઝોનમાં નિયમોમાં થોડી રાહત આપવામાં આવશે. આ વિસ્તારોમાં પહેલાંથી જ ગૃહમંત્રાલયે બિન જરૂરી સામાન, સેવાઓની દુકાનો ખોલવાની પરમિશન આપી છે. અહીં દરેક દુકાનો ખોલવાની પરમિશન આપવામાં આવી શકે છે. ગ્રીન ઝોન એ છે જે કોરોનાથી મુક્ત થયા છે અને છેલ્લા 28 દિવસોી અહીં કોઈ નવા કેસ આવ્યા નથી. ઓરેન્જ ઝોનમાં 14 દિવસોથી નવા કેસ આવ્યા નથી અને એક્ટિવ કેસવાળા રેડ ઝોન છે અહીં લૉકડાઉનમાં છૂટ મળવાની શંકા ઓછી છે.

દેશમાં કોરોનાથી 300 જિલ્લા એવા છે કે જે કોરોના મુક્ત છે. અહીં હજુ સુધી કોરોનાનો એક પણ કેસ આવ્યો નથી. આ જિલ્લામાં 4 મે બાદ કામકાજ શરૂ કરવામાં આવશે. અહીં દરેક દુકાનો, કામકાજ,નાના મોટા ઉદ્યોગ અને ઓફિસો ખોલી શકાય છે.

ઈન્ટ્રા ડિસ્ટ્રીક્ટ ટ્રાન્સપોર્ટને પણ છૂટ આપવામાં આવી શકે છે. પાસેના ગ્રીન ઝોનના જિલ્લામાં ટ્રાન્સપોર્ટ પણ શરૂ કરી શકાય છે. આ સમયે સોશ્યલ ડિસ્ટન્સિંગના નિયમોનું પાલન જરૂરી છે.

કેન્દ્રીય સ્વાસ્થ્ય મંત્રાલયના અનુસાર દેશના 300 જિલ્લા તો કોરોના મુક્ત છે. આ સિવાય 300 જિલ્લા એવા છે જ્યાં કોરોનાના કેસ ઓછા છે. આ જિલ્લામાં પણ છૂટછાટ વધારી શકાય છે. આ સાથે દુકાનો, ઓફિસ, ધંધા ખોલવાની પરમિશન આપવામાં આવી શકે છે.

ફસાયેલા લોકોને ઘરે લઈ જવા માટે ટ્રેન ચલાવવાની કેન્દ્ર સરકારે ના પાડી છે. આ વ્યવસ્થા સંબંધિત રાજ્ય સરકાર કરશે. લાખો લોકોને આ પ્રકારની બસોથી લઈ જવું સરળ નથી. દેશના એકથી અન્ય ખૂણા સુધી બસની મદદથી લઈ જવું નિશ્ચિત રીતે મુશ્કેલ કામ છે. 

Continue Reading
Advertisement
Click to comment

Leave a Reply

Your email address will not be published. Required fields are marked *

ટ્રાવેલ

છોકરીએ સુપરમાર્કેટમાં આ શું કર્યું. જુઓ આ છોકરીને

Published

on

સોશિયલ મીડિયાના આ યુગમાં, કોણ ક્યારે પ્રખ્યાત થશે, કશું કહી શકાય નહીં. અહીં કેટલાક લોકો પોતાની પ્રતિભા બતાવીને પ્રસિદ્ધિની ચોરી કરે છે, જ્યારે કેટલાક અજાણતા જ વાયરલ થઈ જાય છે. આજકાલ ઇન્ટરનેટ પર ડાન્સ વીડિયો ખૂબ જ પસંદ કરવામાં આવે છે. જે વીડિયો વાયરલ થાય છે, તેમાં પણ મોટા ભાગના ડાન્સના વીડિયો હોય છે. ડાન્સ એક એવી વસ્તુ છે કે, જે કરવી અને જોવી બંને મજેદાર છે.

નૃત્ય આપણો મૂડ ફ્રેશ કરે છે. એટલા માટે ઘણા લોકો મસ્તીમાં ડાન્સ કરવાનો શોખીન હોય છે. તમારા પગલાઓથી કોઈ ફરક પડતો નથી, તે એટલું જ છે કે, તમે કેટલી ખુલ્લેઆમ અને હૃદયપૂર્વક નૃત્ય કરી રહ્યા છો.

નૃત્ય ક્યાં કરવું તે અંગે પણ લોકો અલગ વિચાર ધરાવે છે. કેટલાક લોકોને કેટલાક ફંક્શનમાં ડાન્સ કરવાનું પસંદ હોય છે, કેટલાક તેમના ઘરમાં ગુપ્ત રીતે ડાન્સ કરે છે અને કેટલાક લોકો ગમે ત્યારે, ગમે ત્યાં કચકચ કરવાનું શરૂ કરે છે. થોડા લોકો સામે ગમે ત્યાં ડાન્સ કરવાની હિંમત ધરાવે છે. પરંતુ જ્યારે કોઈ આ કરે છે, ત્યારે દર્શકો પણ ઘણો આનંદ માણે છે. હવે આ છોકરીને લો જે સોશિયલ મીડિયા પર વાયરલ થઈ રહી છે.

ન્યાશા જેન નામની આ છોકરી કોલકાતામાં રહે છે. થોડા સમય પહેલા તે સુપરમાર્કેટમાં ખરીદી કરવા ગઈ હતી. આ દરમિયાન, તેણીએ રમુજી સ્ટીકરો સાથે ગ્રે જમ્પસૂટ પહેર્યો હતો. તેના હાથમાં શોપિંગ કાર્ટ પણ હતું. પછી અચાનક તે બધાની સામે ડાન્સ કરવા લાગે છે. તે શોપિંગ કાર્ટ ચલાવતી વખતે ‘નવરાઈ માજી લડાચી-લાડાચી’ ના સૂર પર નૃત્ય કરવાનું શરૂ કરે છે. આ મરાઠી ગીત પર ડાન્સ કરતી વખતે તે ખૂબ જ સુંદર લાગે છે. તેનો એક સાથી આ ડાન્સને કેમેરામાં કેદ કરે છે. હવે આ વીડિયો સોશિયલ મીડિયા પર ધૂમ મચાવી રહ્યો છે.

વિડિયોમાં જોઇ શકાય છે કે, ન્યાશા કોઇપણ જાતના ખચકાટ વિના મન મૂકીને ડાન્સ કરે છે સુપરમાર્કેટમાં હાજર લોકો પણ તેના ડાન્સનો આનંદ માણતા જોવા મળે છે. અત્યાર સુધી 25 લાખથી વધુ લોકોએ ન્યાશાનો આ વીડિયો સોશિયલ મીડિયા પર જોયો છે. વીડિયો જોયા પછી લોકો અલગ અલગ કોમેન્ટ પણ કરી રહ્યા છે.

એક યુઝર લખે છે કે ‘કાશ મારી પાસે છોકરીની જેમ કોઈની પણ પરવા કર્યા વગર દરેકની સામે ડાન્સ કરવા માટે પૂરતી હિંમત હોત.’ જ્યારે અન્ય યુઝર લખે છે કે ‘ખૂબ જ સુંદર ડાન્સ. તમે ખૂબ જ સુંદર દેખાઈ રહ્યા છો. આ રીતે ખુશ રહો, ડાન્સ કરતા રહો. ‘પછી બીજી કૉમેન્ટ આવે છે’ સુપરમાર્કેટમાં દરેકની સામે નૃત્ય કરવું ખરેખર સારો અનુભવ હોવો જોઈએ.

Continue Reading

જાણવા જેવું

છોકરી ઘરથી ભાગી રહી હતી, પછી ઓટો ડ્રાઈવરે કંઈક એવું કર્યું કે કોઈએ વિચાર્યું પણ ન હતું

Published

on

આજની દુનિયામાં, દરેક વ્યક્તિ સ્વાર્થી બની ગયો છે. બીજાના જીવનમાં જે દુ:ખ ચાલી રહ્યું છે, તેનાથી કોઈને કોઈ મતલબ રાખતો નથી, પરંતુ કેટલાક લોકો એવા પણ હોય છે કે જે બીજા લોકોને નાખુશ જોઈ શકતા નથી અને કોઈપણ સ્વાર્થ વગર તેમની મદદ પણ કરી શકે છે. આવા જ એક મદદરૂપ ઓટો ડ્રાઈવર દિલ્હીમાં જોવા મળ્યા હતા. જેમણે એક યુવાન પુત્રીનો જીવ બચાવ્યો હતો. પુત્રી ઘરથી છોડી ભાગી હતી તો ચાલો આ સમગ્ર મામલો શું છે…

આજના યુવાનો અને યુવતીઓ સોશિયલ મીડિયા પર વધુ સક્રિય છે. આવી સ્થિતિમાં આ સોશિયલ મીડિયા દ્વારા નવા મિત્રો પણ બને છે. કેટલીકવાર આ બેવકૂફ યુવાનો થોડા મહિનાઓની મિત્રતામાં મોટા પગલા ભરે છે. આવો જ એક કિસ્સો દિલ્હીમાં જોવા મળ્યો છે. અહીં 24 વર્ષીય યુવતીએ ફેસબુક પર થોડા દિવસો મેસેજમાં વાત કરી અને એક યુવાન સાથે ઊંડી મિત્રતા કરી. જ્યારે યુવતીના પરિવારજનોને આ અંગે જાણ થઈ, ત્યારે ઝઘડો થયો હતો. આ પછી છોકરીએ તે મિત્રના માટે પોતાનું ઘર છોડવાનો મોટો નિર્ણય લીધો. આ 24 વર્ષીય છોકરીએ ગુસ્સામાં પોતાનો તમામ સામાન પેક કર્યો અને ઘર છોડી નીકળી ગઈ.

અહીં જસ્સી નામનો ઓટો ડ્રાઇવર સાંજે બાંગ્લા સાહિબ ગુરુદ્વારા પાસે સવારીની રાહ જોતો હતો. આ જ ઘરમાંથી ભાગી ગયેલી આ 24 વર્ષની છોકરી જસ્સીની ઓટોમાં બેઠી હતી. છોકરી પાસે બે -ત્રણ બેગ પણ હતી. તેણે ઓટોવાળાને કહ્યું કે, તેને સારી હોટલમાં લઈ જાઓ. છોકરી ખૂબ અસ્વસ્થ દેખાઈ રહી હતી, તેથી ઓટો ડ્રાઈવરને શંકા ગઈ અને આસપાસ પૂછ્યું કે ‘મેડમ હોટેલમાં આઈડી પ્રૂફ હશે. તમારી પાસે શું છે? ‘આના પર યુવતીએ ઓટો ડ્રાઈવરને તેનું આધાર કાર્ડ બતાવ્યું. છોકરીના આધાર કાર્ડ પર દિલ્હીનું સરનામું લખેલું હતું. આના પર ઓટો ડ્રાઈવર વિચારવા લાગ્યો કે દિલ્હીમાં રહેતી યુવતીએ હોટેલમાં રહેવાની જરૂર કેમ પડી.

ઓટોવાળાએ છોકરીને કહ્યું કે, તું મારી નાની બહેન જેવી છે, માટે તને કોઈ તકલીફ હોય તો મને કે હું એનું સોલ્યુશન આપું. આના પર છોકરીએ કહ્યું કે, તે ગુસ્સામાં પોતાનું ઘર છોડી આવી છે. હવે એક મિત્ર પાસે જઈ રહી છું, ત્યાં તે તેની સાથે રહેશે અને નોકરી પણ કરશે. આ સાંભળીને ઓટો ડ્રાઈવર સમજી ગયો કે, મામલો ગંભીર છે અને જો છોકરી ત્યાં જાય તો કંઈક ખોટું થઈ શકે છે. તેથી તેણે પોતાની ઓટો સીધી પાર્લામેન્ટ સ્ટ્રીટ પોલીસ સ્ટેશનની અંદર લઇ ગયો. અહીં ગયા પછી તેણે પોલીસને બધી વાત કરી અને છોકરીને તેમના હવાલે કરી દીધી.

સંસદ માર્ગના એસએચઓ વેદ પ્રકાશ રાયે યુવતીનું કાઉન્સેલિંગ કર્યું અને તેના વિશે વિચારવાનું કહ્યું. તેમણે કહ્યું કે, કેટલી વાર લોકો સોશિયલ મીડિયા પર છોકરીઓને પ્રેમ અને નોકરીનું વચન આપીને લલચાવે છે. છોકરીના પરિવારના સભ્યોને પણ ત્યાં બોલાવવામાં આવ્યા હતા. તે લોકોએ પણ છોકરીને ઘણી સમજાવી. અંતે છોકરીએ તેના પરિવારની સાથે જવાનો નિર્ણય લીધો અને એમની જોડે ચાલી ગઈ.

બીજા દિવસે ઓટો ડ્રાઈવર પોલીસ સ્ટેશનમાં છોકરીની સંભાળ લેવા આવ્યો. તેને ખબર પડી કે, જોકે છોકરીનું ઘરે પરત ગઈ છે. પરિવારના સભ્યોનું કહેવું છે કે, હવે છોકરીનું વર્તન પણ સુધર્યું છે. આજે એક સમજદાર ઓટો ડ્રાઈવરને કારણે યુવતીનો જીવ બરબાદ થતા બચી ગયો હતો.

Continue Reading

જાણવા જેવું

પ્રખ્યાત રેસ્ટોરન્ટ એક્વિલાને તાળું મારવામાં આવ્યું, એવું તો શું થયું જાણો આ રસ પદ વાત

Published

on

દક્ષિણ દિલ્હીમાં આવેલું એક્વિલા રેસ્ટોરન્ટને તાળું મારી દેવામાં આવ્યું છે. જે તાજેતરમાં એક મહિલાને પહેરવા બદલે એન્ટ્રી ન આપવાના આરોપને કારણે સમાચારોમાં ચર્ચામાં હતું. જો કે, આ વિવાદને કારણે રેસ્ટોરન્ટ બંધ કરવામાં આવ્યું છે. દક્ષિણ દિલ્હી મ્યુનિસિપલ કોર્પોરેશને રેસ્ટોરન્ટના માલિકને ક્લોઝર નોટિસ જારી કરી હતી. જેમાં 48 કલાકમાં રેસ્ટોરન્ટ બંધ કરવાની સૂચના આપવામાં આવી હતી. તે જ સમયે, ઇન્ડિયન એક્સપ્રેસના સમાચાર અનુસાર, રેસ્ટોરન્ટ બંધ કરી દેવામાં આવ્યું હતું.

ઇન્ડિયા ટુડેના જણાવ્યા અનુસાર, SDMC એ રેસ્ટોરન્ટને સ્વચ્છતા અને લાયસન્સના અભાવને કારણે આ નોટિસ મોકલી હતી. SDMC ના મેયર મુકેશ સૂર્યને જણાવ્યું હતું કે, 29 સપ્ટેમ્બર બુધવારે એક્વિલા રેસ્ટોરન્ટને નોટિસ મોકલવામાં આવી હતી. તેમાં કહેવામાં આવ્યું છે કે, એક્વિલા રેસ્ટોરન્ટ માન્ય લાયસન્સ વગર ચલાવવામાં આવી રહ્યું છે, જેને 48 કલાકની અંદર બંધ કરવું પડશે. અગાઉ આ વિસ્તારના જાહેર આરોગ્ય નિરીક્ષકે રેસ્ટોરન્ટની મુલાકાત લીધી હતી. આમાં તેમણે જોયું કે રેસ્ટોરન્ટ હેલ્થ ટ્રેડ લાયસન્સ વગર ચલાવવામાં આવી રહ્યું છે. તેમજ રેસ્ટોરન્ટમાં સ્વચ્છતાનો અભાવ જોવા મળ્યો હતો. એટલું જ નહીં, આરોગ્ય નિરીક્ષકને જાણવા મળ્યું હતું કે, રેસ્ટોરન્ટમાં જાહેર જમીન પર પણ અતિક્રમણ થયું છે. 24 સપ્ટેમ્બરના રોજ, હેલ્થ ઇન્સ્પેક્ટર ફરી એકવાર એક્વિલા રેસ્ટોરન્ટની મુલાકાત લીધી. આ વખતે પણ પહેલા જેવી જ ખામીઓ જોવા મળી.

29 સપ્ટેમ્બરના રોજ, SDMC એ રેસ્ટોરન્ટના ડ્રાઈવરને નોટિસ મોકલી હતી. તેમાં કહેવામાં આવ્યું હતું કે, જો નિર્ધારિત સમયમાં રેસ્ટોરન્ટ બંધ નહીં થાય તો તેને સીલ કરી દેવામાં આવશે. એસડીએમસીની કાર્યવાહી પછી રેસ્ટોરન્ટના માલિકની પ્રતિક્રિયા પણ આવી છે. પીટીઆઈના અહેવાલ મુજબ તેમણે કહ્યું છે.

એક્વિલા રેસ્ટોરન્ટ છેલ્લા એક અઠવાડિયે સમાચારોમાં ચર્ચમાં આવ્યું હતું. અનિતા નામની મહિલાએ આરોપ લગાવ્યો હતો કે આ રેસ્ટોરન્ટ સાડી પહેરીને મહિલાઓને પ્રવેશની મંજૂરી આપતી નથી. તેઓએ એક વીડિયો પણ શેર કર્યો હતો. આમાં રેસ્ટોરન્ટનો એક કર્મચારી કહેતો જોવા મળ્યો હતો કે સાડી સ્માર્ટ આઉટફિટ નથી, તેથી એન્ટ્રી આપવામાં આવતી નથી. જ્યારે વીડિયો પર ભારે હંગામો થયો ત્યારે રેસ્ટોરાંએ તેના વતી સ્પષ્ટતા કરી કહ્યું કે, તે દિવસે એક ઇવેન્ટ માટે પહેલેથી જ બુકિંગ હતું. આ પછી પણ મહિલા અને તેની પુત્રી અંદર આવ્યા. જ્યારે તેને રોકવામાં આવ્યો, ત્યારે તેણે દબાણ કર્યું જો કે, રેસ્ટોરન્ટ તેના કર્મચારીની સાડીને સ્માર્ટ આઉટફિટ ન કહેવાના મુદ્દે કોઈ સ્પષ્ટતા કરવામાં ન હતી.જોકે તેણે દાવો કર્યો હતો કે, તે હંમેશા સાડી પહેરેલી મહિલાઓને એન્ટ્રી આપે છે.

આ મામલે કાર્યવાહી કરીને રાષ્ટ્રીય મહિલા આયોગે દિલ્હી પોલીસને તપાસના નિર્દેશ આપ્યા હતા. તેણીએ કહ્યું હતું કે, સાડી ભારતીય સંસ્કૃતિનું અભિન્ન અંગ છે અને દેશની મોટાભાગની મહિલાઓ સાડી પહેરે છે. સાડી પહેરવાને કારણે જો કોઈ મહિલાને રેસ્ટોરન્ટમાં પ્રવેશ આપવામાં ન આવે તો તે તેના સન્માન સાથે જીવવાના અધિકારનું ઉલ્લંઘન છે. તેને SDMC ની કાર્યવાહી સાથે કોઈ લેવાદેવા નથી.

Continue Reading
Advertisement
Advertisement

Trending