રાજા અને રાજકુમારોની વાર્તાઓ તો તમે ઘણી સાંભળી હશે. જેણમે પોતાની તાકાત અને બુદ્ધિના દમ પર દુનિયામાં ઝંડો લહેરાવ્યો હતો. પરંતુ આજે અમે તમને એક એવી રાણી વિશે જણાવી રહ્યા છે, જે ખુબ જ સુંદર હોવાની સાથે બુદ્ધિશાળી પણ માનવામાં આવતી હતી. તેણે એકલા હાથે રાજ કર્યું હતું. તે રાણીનું નામ છે ક્લિયોપેટ્રા.

 

ક્લિયોપેટ્રાએ મિસ્ર પર 51 BC થી 30 BC સુધી પ્રાચીન મિસ્ર પર શાસન કર્યું હતું. જોકે, તેમના મોત બાદ રોમન સામ્રાજ્યએ દેશને નિયંત્રણમાં લીધો હતો. ક્લિયોપેટ્રા તે સમયની દુનિયાની સૌથી સુંદર રાણી કહેવાતી હતી. પોતાની સુંદરતા જાળવી રાખવા માટે તે દરરોજ 700 ગધેડીના દૂધથી સ્નાન કરતી હતી. સુંદરતાની સાથે સાથે તે ઘણી બુદ્ધિશાળી પણ હતી.

ગ્રીક રિપોર્ટરના અહેવાલ અનુસાર, ક્લિયોપેટ્રા મિસ્રની ભાષા શીખનાર પહેલી ટોલેમી શાસક હતી. તેમનાથી પહેલાના તમામ લોકો માત્ર ગ્રીક બોલતા હતા. એવું પણ કહેવામાં આવે છે કે, તેને 8 ભાષાઓનું જ્ઞાન હતું. તે સરળતાથી ઇથોપિયન, હીબ્રુ, અરામાઇક, અરબી, સિરિયાક, મેડિયન, પાર્થિયન અને લેટિન ભાષા બોલતી હતી. ક્લિયોપેટ્રા નામ પ્રાચીન ગ્રીક શબ્દ kléos પરથી આવે છે. જેનો અર્થ છે મહિમા. ક્લિયોપેટ્રાના પિતા ટોલેમી XII હતા. જ્યારે તેની માતા ક્લિયોપેટ્રા વી ટ્રિફેના હતી. જ્યારે તેમના પિતાનું નિધન થયું તે સમયે ક્લિયોપેટ્રા 18 વર્ષની હતી.

ક્લિયોપેટ્રાની રાજનીતિ, સંપર્ક બનાવવાની કળા અને સતત બદલાવ કરવાની ક્ષમતાએ તેને પ્રાચીન દુનિયાની એકમાત્ર મહિલા શાસક બનાવી હતી. તે એક ચતુર નેતા હતી. આ કારણ હતું કે તે ખુબ જ જલદીથી કોઈપણ સાથે જોડાઈ જતી અને તેના બધા રહસ્યો જાણી લેતી હતી. તે પુરૂષો સાથે સંબંધ બનાવી સરળતાથી તેમના રહસ્યો જાણી લેતી હતી.  ક્લિયોપેટ્રાનું નિધન માત્ર 39 વર્ષની વયે થયું હતું. પરંતુ તેનું મોત કેવી રીતે થયું તે આજ સુધી એક રહસ્ય છે. તેમનું નામ ઇતિહાસમાં એક એવા વ્યક્તિત્વ તરીકે નોંધાયેલું છે જે રહસ્યોથી ભરેલી હતી.

 

 

સફાઈ કામદારનો પગાર ખૂબ ઓછો હોય છે. પરંતુ આજે અમે તમને એક એવી જગ્યા વિશે જણાવવા જઇ રહ્યાં છે, જ્યાં સફાઈ કામદારનુ કામ કરનારા લોકોને બમ્પર પગાર મળી રહ્યો છે. એક રિપોર્ટ મુજબ, સફાઈ કામદારની નોકરી માટે ત્યાં 8 લાખ રૂપિયા દર મહિને પેકેજ મળી રહ્યું છે. ત્યારબાદ પણ કોઈ ત્યાં કામ કરવા રાજી નથી. મીડિયાના એક રિપોર્ટ મુજબ, ઓસ્ટ્રેલિયામાં હાલમાં સફાઈ કામદારની ભારે કમી છે. જેના કારણે સફાઈ કામદારના પગારમાં વધારો જોવા મળી રહ્યો છે. સફાઈ કામદારની કમી હોવાથી અનેક કંપનીઓ સફાઈ કામદારોને એકસ્ટ્રા રજાની સાથે અનેક સુવિધાઓ આપી રહી છે. સ્થિતિ એવી છે કે એક કંપની સફાઈ કામદારની જોબ માટે 8 લાખ રૂપિયા દર મહિને પેકેજ આપી રહી છે.

રિપોર્ટ મુજબ, ઓસ્ટ્રેલિયાના સિડનીની સિડની સ્થિત સફાઈ કંપની એબ્સોલ્યુટ ડોમેસ્ટિકસ સફાઈ કામદારો માટે અનેક પેકેજની જાહેરાત કરી છે. જો કોઈ આ નોકરી કરવા માગે છે તો તેનો ઈન્ટરવ્યુ થશે. ત્યારબાદ 72 લાખથી 1 કરોડની વચ્ચે તેને પેકેજ આપવામાં આવશે. એટલું જ નહીં, સફાઈ કામદારોને અઠવાડિયામાં 2 દિવસની રજા પણ મળશે. અન્ય કર્મચારીઓની જેમ સફાઈ કામદારોને પણ 5 દિવસ કામ કરવુ પડશે. આ સાથે સફાઈ કામદારોને દિવસમાં 8 કલાકથી વધુ કામ નહીં કરવુ પડે.

એબ્સોલ્યુટ ડોમેસ્ટિકસના મેનેજમેન્ટ નિર્દેશક જો વીસે જણાવ્યું કે કંપનીને હાલમાં સફાઈ કામદારો મળી રહ્યાં નથી. જેને જોઇને કંપનીએ આ ઑફર લોન્ચ કરી છે. તેમણે કહ્યું કે જો કોઈ સફાઈ કામદાર ઓવર શિફ્ટ કામ કરવા માગે છે, તો તેને 3600 રૂપિયા પ્રતિ કલાક એકસ્ટ્રા મળશે. સફાઈ કામદારોની તલાશમાં કંપની નવી-નવી જાહેરાત કરી રહી છે. ત્યારબાદ પણ કંપનીને સફાઈ કામદારનુ કામ કરનારા લોકો મળતા નથી.

દિલ્હી પોલીસનાં ઓફિશિયલ એકાઉન્ટ પરથી એક ટ્વીટ શેર કરવામાં આવ્યું છે, જેમાં લોકો ટ્રાફિકનાં નિયમો તોડયાં બાદ દંડ ના ભરવો પડે તે માટે કેવી-કેવી વિચિત્ર યુક્તિઓ શોધી કાઢે છે, તેના વિશે જણાવ્યું. જેમ કે ‘મારાં કૂતરાંએ મારું ડ્રાઇવિંગ લાઇસન્સ ખાઈ લીધું’, ‘હું ગર્ભવતી છું એટલે સીટ બેલ્ટ પહેરી નથી’ અને એકસ્ટ્રા ઓર્ડિનરી બહાનું ‘ગર્લફ્રેન્ડ રાહ જોઈ રહી છે, જવા દો નહિતર બ્રેકઅપ થઈ જશે.’

દિલ્હી પોલીસે કરેલાં ટ્વીટનાં જવાબમાં લોકોએ ચોંકાવનારાં બહાનાં શોધી કાઢ્યાં છે. સોશિયલ મીડિયાનો ઉપયોગ કરનારાં ઘણાં લોકોનું માનવું છે કે, તેમણે પહેલી વાર આ ગુનો કર્યો છે તેવું ટ્રાફિક પોલીસને કહેવાથી તેઓ દંડથી બચી જાય છે. દિલ્હી પોલીસે ટ્વીટ કરીને લોકોને પૂછ્યું હતું કે, ‘ટ્રાફિક નિયમોનું ઉલ્લંઘન થયા બાદ દંડથી બચવા માટેનાં વિચિત્ર બહાનાં શું હોય શકે?’

દિલ્હી પોલીસનાં આ ટ્વિટનાં જવાબમાં સોશિયલ મીડિયા યુઝર્સે ખૂબ જ ગજબ બહાનાઓ વિશે વાત કરી હતી. એક મહિલાએ લખ્યું, ‘હું ગર્ભવતી છું એટલે સીટ બેલ્ટ પહેરી શકતી નથી.’ એક સોશિયલ મીડિયા યુઝરે લખ્યું, ‘હું તમને મારાં એક મિત્રએ અજમાવેલ બહાનું કહી રહ્યો છું, સર પત્નીનું કોઈની સાથે અફેર ચાલી રહ્યું છે અને તે તેની સાથે અત્યારે તળાવની પાળે બેઠી છે, મને જવા દો.’ આ રીતે લોકોએ ટ્વીટનાં રિપ્લાયમાં જુદાં-જુદાં બહાનાં જણાવ્યા. આ પછી જ્યારે ન્યૂઝ એજન્સીએ ટ્રાફિક પોલીસ અધિકારીને આ બહાનાઓ વિશે પૂછ્યું તો તેમણે કહ્યું કે, જ્યારે નિયમોનું ઉલ્લંઘન કરતાં લોકો પકડાય છે તો સામાન્ય રીતે તે પરિવાર સાથે જોડાયેલાં બહાનાં વધુ બનાવે છે અને આ પ્રકારના બહાના કાઢવામાં દિલ્હીનાં લોકો સૌથી આગળ છે.

એક યુઝરે લખ્યું, ‘સર, મારી ગર્લફ્રેન્ડ રાહ જોઈ રહી છે. મને જવા દો નહીંતર બ્રેકઅપ થઈ જશે અને આ રીત દરેક વખતે સફળ થાય છે.’ અન્ય એક વ્યક્તિએ ટ્વિટર પર લખ્યું, ‘સર, આ પહેલી વાર છે… જવા દો… પાકકું આગલી વખતે આવું નહીં થાય.’ સૌરભ શ્યામલ નામનાં અન્ય એક વ્યક્તિએ લખ્યું, ‘એક દિવસ જ્યારે હું હેલ્મેટ ન પહેરવાનાં કારણે પકડાયો હતો ત્યારે મેં કહ્યું ‘સર, અમે વિદ્યાર્થીઓ છીએ, અમારી પાસે પૈસા જ નથી હોતાં.’

પોલીસે કહ્યું કે, જે લોકોને પકડીએ તે નવા-નવા બહાના કાઢે છે. આ બહાનાઓની ચકાસણી કર્યા બાદ તેમને કામચલાઉ જેલમાં મોકલવામાં આવ્યા હતા. મોટી કારમાં નીકળેલાં લોકો પણ કારણ વગર નીકળી રહ્યા હતા.