Connect with us

ધર્મદર્શન

પૂર્ણિમા સ્નાન માટે ગર્ભગૃહથી મૂર્તિઓ બહાર લાવવામાં આવી, આજે રાતથી 22 જૂન સુધી ભગવાન જગન્નાથ ક્વોરન્ટીન રહેશે

Published

on

ઉત્સવમાં 170થી વધારે પૂજારી 12 દિવસથી હોમ ક્વોરન્ટીન હતાં
હવે રથયાત્રા માટે 23 જૂનને ભગવાન બહાર આવશે

જગન્નાથ પુરીમાં રથયાત્રા પહેલાં પહેલાંનો સૌથી મહત્ત્વપૂર્ણ ઉત્સવ પૂર્ણિમા સ્નાન આજે ઉજવાયો. મંદિરની અંદર જ લગભગ 300 લોકોની હાજરીમાં ઉજવવામાં આવેલાં આ ઉત્સવ માટે ભગવાન જગન્નાથ, બળદેવ અને સુભદ્રા દેવીની પ્રતિમાઓને ગર્ભગૃહથી બહાર લાવવામાં આવી. સ્નાન મંડપમાં લગભગ 170 પૂજારીઓએ ભગવાનને 108 ઘડાના સુગંધિત જળથી સ્નાન કરાવડાવ્યું.

આજે સાંજ સુધી ભગવાન ગર્ભગૃહથી બહાર જ રહેશે. પછી 15 દિવસ તેઓ ક્વોરન્ટીન એટલે એકાંતવાસમાં રહેશે. આ દરમિયાન ભગવાનને ઔષધિઓ અને હલવાનો ભોગ જ ધરાવવામાં આવશે. હવે જગન્નાથ મંદિરમાં 23 જૂને જ રથયાત્રા માટે ભગવાન ક્વોરન્ટીનથી બહાર આવશે. ત્યાં સુધી મંદિરમાં દર્શન બંધ રહેશે.

એવું માનવામાં આવે છે કે, પૂર્ણમા સ્નાનમાં વધારે પાણીથી સ્નાનના કારણે ભગવાન બીમાર થઇ જાય છે. એટલે તેમને એકાંતમાં રાખીને ઔષધીઓનું સેવન કરાવવામાં આવે છે. પૂર્ણિમા સ્નાનમાં સામેલ થનાર 170 પૂજારીઓને પણ 12 દિવસથી કોરોના ટેસ્ટ બાદ જ હોમ ક્વોરન્ટીન કરવામાં આવ્યાં હતાં. તેઓ ક્વોરન્ટીનમાંથી બહાર આવીને સીધા મંદિર પહોંચ્યાં હતાં.

શ્રીજગન્નાથ મંદિર ટ્રસ્ટ સમિતિના સભ્ય અને મંદિરના પૂજારી શ્યામ મહાપાત્રા પ્રમાણે રાતે 12 વાગ્યાથી ભગવાનના પૂર્ણિમા સ્નાનની તૈયારીઓ શરૂ થઇ ગઇ હતી. ભગવાનની શ્રીપ્રતિમાઓને સ્નાન મંડપમાં લાવવામાં આવ્યાં હતાં. અહીં સવારે વૈદિક મંત્રો સાથે સ્નાન વિધિ શરૂ થઇ હતી.

વર્ષમાં એક જ વાર કુવાના પાણીનો ઉપયોગ થાય છેઃ-

ભગવાન જગન્નાથ, બળદેવ અને સુભદ્રાને પૂર્ણિમા સ્નાન માટે પાણી મંદિર પ્રાંગણના ઉત્તર દિશામાં રહેલાં કુવાના પાણીથી લેવામાં આવ્યું હતું. આ કુવાનું પાણી આખા વર્ષમાં માત્ર એક જ વાર જેઠ મહિનાની પૂર્ણિમાએ આ સ્નાન માટે જ ઉપયોગમાં લેવામાં આવે છે. કુવાને વર્ષમાં એક જ વાર ખોલવામાં આવે છે. આજના દિવસે આ કુવામાંથી પાણી કાઢીને ફરી તેને બંધ કરી દેવામાં આવે છે.

કસ્તૂરી, કેસર વગેરે ઔષધીઓથી સ્નાનઃ-

સ્નાન માટે જે 108 ઘડામાં પાણી ભરવામાં આવે છે, તેમાં અનેક પ્રકારની ઔષધીઓ મિક્સ કરવામાં આવે છે. કસ્તૂરી, કેસર, ચંદન જેવા સુગંધિત દ્રવ્યોને પાણીમાં મિક્સ કરીને પાણી તૈયાર કરવામાં આવે છે. બધા જ ભગવાન માટે ઘડાની સંખ્યા નિશ્ચિત જ હોય છે.

સાંજે ગજ શ્રૃંગાર થશેઃ-

સાંજે ભગવાન બળદેવ અને જગન્નાથનો ગજશ્રૃંગાર કરવામાં આવે છે. જેમાં ભગવાનના ચહેરાને હાથી જેવા સજાવવામાં આવે છે. કેમ કે, એકવાર ભગવાનને અહીં આ જ સ્વરૂપમાં ભક્તને દર્શન આપ્યાં હતાં. ત્યાર બાદ ભગવાનને ફરી ગર્ભગૃહમાં લઇ જવામાં આવશે.

Continue Reading
Advertisement
Click to comment

Leave a Reply

Your email address will not be published. Required fields are marked *

ધર્મદર્શન

અમરનાથ ગુફામાં શિવલિંગની પ્રથમ તસવીર સામે આવી

Published

on

અમરનાથના દર્શન માટે યાત્રા 28 જૂનથી શરૂ થવા જઈ રહી છે. આ દરમિયાન શિવલિંગની પહેલી તસવીર સામે આવી છે. જેમાં અમરનાથ ગુફામાં ઠંડીના સમયે બનેલા શિવલિંગની પહેલી તસવીર સામે આવી છે.

બાબા અમરનાથની પહેલી તસવીર જે સામે આવી છે તેમા શિવલિંગનું સંપૂર્ણ સ્વરૂપ દેખાય છે. આ શિવલિંગ શ્રદ્ધાળુઓ માટે આસ્થાનું કેન્દ્ર બને છે, જેમના દર્શન માટે શ્રદ્ધાળુઓ અમરનાથ યાત્રા પર જાય છે. 56 દિવસ સુધી ચાલનારી આ યાત્રા પહલગામ અને બાલટાલના માર્ગે 28 જૂનથી શરૂ થશે. આ યાત્રા 22 ઓગસ્ટના રોજ પૂરી થશે.

અમરનાથ યાત્રા માટે રજિસ્ટ્રેશન 1લી એપ્રિલથી શરૂ થઈ જાય છે. સમગ્ર દેશમાં રજિસ્ટ્રેશન 446 બેન્ક શાખા મારફતે કરી શકાય છે. યાત્રા માટે મેડિકલ સર્ટીફિકેટ ખૂબ જ જરૂરી છે. કારણ કે ગુફા ખૂબ જ ઉંચાઈ પર આવેલી છે અને યાજ્ઞા ઘણી મુશ્કેલ માનવામાં આવે છે. યાત્રાને લગતી જાણકારી બોર્ડની વેબસાઈટ પર આપવામાં આવી છે.

Continue Reading

જાણવા જેવું

વાઘ નામના દૈત્યને માર્યો હોવાથી કરાય છે વાઘ બારસની ઉજવણી

Published

on

ઉજાસના પર્વ દિવાળીને આડે હવે ગણતરીના દિવસ બાકી રહ્યા છે. વાઘ બારસની આજરોજ ઉજવણી કરવામાં આવશે અને તેની સાથે જ દિવાળીના તહેવારોનો પણ પ્રારંભ થઇ જશે. શુક્રવારે ધનતેરસ, શનિવારે દિવાળી અને રવિવારે બેસતા વર્ષની ઉજવણી કરવામાં આવશે. વાઘ બારસથી ઉંબરાના પૂજનની શરૃઆત થાય છે. વાઘ બારસને વસુ બારસ, વાક બારસ, પોડા બારસ તરીકે પણ ઓળખવામાં આવે છે. વાઘ બારસના પર્વમાં સરસ્વતી માતાની આરાધના અને ગાયનું પૂજન કરવાનો મહિમા છે. એવી લોકવાયકા છે કે ગૌમાતા આસો વદ બારસના જ ક્ષીર સાગરમાંથી પ્રગટ થયા હતા. એક માન્યતા એવી પણ છે કે વાઘ નામના દૈત્યને મારવામાં આવ્યો હોવાથી આ દિવસની ઉજવણી વાઘ બારસ તરીકે કરવામાં આવે છે.
આ દિવસ વાગ એટલે કે સરસ્વતી માતાની ઉપાસનાનો છે ત્યારે આ દિવસે ભગવતી સરસ્વતીના જાપ કરવાથી અદ્ભૂત પરિણામ મળતા હોય છે. વાઘ બારસના દિવસે ગાય,વાછરડાની પૂજા કરવાનો મહિમા છે. ભવિષ્ય પુરાણ અનુસાર, ગૌમાતાના પૃષ્ઠભાગે બ્રહ્મનો વાસ છે, ગળામાં વિષ્ણુ, મુખમાં રૂદ્રનો, મધ્યમાં સમસ્ત દેવતાઓ અને પૂંછડીમાં અનંત નાગ તેમજ ગૌમૂત્રમાં ગંગા વગેરે નદીઓ અને નેત્રોમાં સૂર્ય ચંદ્ર બિરાજમાન છે અને માટે જ આ દિવસે સ્ત્રીઓ તેમના પુત્રની સલામતી અને દીર્ઘાયુની કામના તેમજ પરિવારની ખુશી માટે આ પર્વ ઉજવે છે

Continue Reading

ધર્મદર્શન

નવમાં દિવસે કરવામાં આવે છે સિદ્ધિદાત્રીની પૂજા…અષ્ટ સિદ્ધિઓ પ્રદાન કરે છે સિદ્ધિદાત્રી માં

Published

on

નવદુર્ગાના સિદ્ધિ અને મોક્ષ આપનારા સ્વરૂપને સિદ્ધિદાત્રી કહે છે. સિદ્ધિદાત્રીની પૂજા નવરાત્રનાનવમા દિવસે કરવામાં આવે છે. દેવ, યક્ષ, કિન્નર, દાનવ, ઋષિ-મુનિ, સાધક અને ગૃહસ્થ આશ્રમમાં જીવનયાપન કરનારા ભક્ત સિદ્ધિદાત્રીની પૂજા કરે છે. તેનાથી તેમને યશ, બળ અને ધનની પ્રાપ્તિ થાય છે. સિદ્ધિદાત્રી દેવી એ તમામ ભક્તોને મહાવિદ્યાઓની અષ્ટ સિદ્ધિઓ પ્રદાન કરે છે, જે શુદ્ધ અને સાચા મનથી તેમની આરાધના કરે છે. એવી માન્યતા કરે છે કે, તમામ દેવી-દેવતાઓને પણ મા સિદ્ધિદાત્રીથી જ સિદ્ધિઓની પ્રાપ્તિ થાય છે. મા સિદ્ધિદાત્રી કમળ પર બિરાજમાન છે અને હાથોમાં કમળ, શંખ, ગદા, સુદર્શન ચક્ર ધારણ કર્યાં છે. સિદ્ધિદાત્રી મા સરસ્વતીનું પણ સ્વરૂપ છે, જે શ્વેત વસ્ત્રાલંકારથી યુક્ત મહાજ્ઞાન અને મધુર સ્વરથી પોતાના ભક્તોને સમ્મોહિત કરે છે.

આ મંત્રથી કરો માતાજીનું પૂજન સિદ્ધગંધર્વ યક્ષા ઘૈરસુરૈરમરૈરપિ । સેવ્યમાના સદા ભૂયાત સિદ્ધિદા સિદ્ધિદાયિની ।। નવમા દિવસે સિદ્ધિદાત્રીને સિઝનલ ફળ, હલવો, પૂરી, કાળા ચણા અને નારિયેળનો ભોગ ધરાવવામાં આવે છે. જે ભક્ત નવરાત્રીનું વ્રત કરી નવમા પૂજન સાથે સમાપાન કરે છે, તેમને આ સંસારમાં ધર્મ, અર્થ, કામ અને મોક્ષની પ્રાપ્તિ હોય છે. આ દિવસે દુર્ગાસપ્તશતીના નવમા અધ્યાયથી માતાનું પૂજન કરો. નવરાત્રમાં આ દિવસે દેવી સહિત તેમનાં વાહન, સાયુજ એટલે કે હથિયાર, યોગનીઓ અને અન્ય દેવીદેવતાઓનાં નામથી હવન કરવાનું વિધાન છે. તેનાથી ભોગ અને મોક્ષની પ્રાપ્તિ થાય છે. માતાજીની પૂજા બાદ કુંવારી કન્યાઓને ભોજન કરાવવામાં આવે છે. તેમને માતાના પ્રસાદની સાથે દક્ષિણા આપવામાં આવે છે અને ચરણસ્પર્શ કરી આશીર્વાદ લેવામાં આવે છે. આઠ દિવસ વ્રત, નવમી પૂજા અને કન્યાઓને ભોજન કરાવ્યા બાદ માતાજીને વિદાય આપવામાં આવે છે. આ દિવસે તમે પર્પલ અને જાંબલી રંગ પહેરો. આ રંગ અધ્યાત્મનું પ્રતીક છે.

Continue Reading
Advertisement
Advertisement

Trending