ભારતીય ટીમના સુપરસ્ટાર બેટ્સમેન વિરાટ કોહલી લાંબા સમય પછી ફોર્મમાં પરત ફરી રહ્યા છે. પાકિસ્તાન સામે સદી ફટકાર્યા બાદ, ટીમની વિરાટ કોહલી પાસેથી અપેક્ષાઓ વધી ગઈ છે. કિંગ કોહલી ન્યુઝીલેન્ડ સામેની મેચમાં ‘ટ્રિપલ સેન્ચુરી’ ફટકારવા જઈ રહ્યો છે. આ સાથે, કોહલી હવે સચિન તેંડુલકર અને મહેન્દ્ર સિંહ ધોનીના ખાસ ક્લબનો ભાગ બનશે.
વિરાટ કોહલી 2 માર્ચે ત્રેવડી સદી ફટકારશે
વનડે ફોર્મેટના સૌથી મોટા સુપરસ્ટાર વિરાટ કોહલી ન્યુઝીલેન્ડ સામે એક મોટો રેકોર્ડ બનાવવા જઈ રહ્યા છે. કિંગ કોહલીએ આ ફોર્મેટમાં અત્યાર સુધીમાં 299 મેચ રમી છે. કોહલી ન્યુઝીલેન્ડ સામે મેદાનમાં ઉતરતાની સાથે જ 300 વનડે મેચ પૂર્ણ કરશે. કોહલી પહેલા ફક્ત 6 ભારતીય ખેલાડીઓએ આ સિદ્ધિ મેળવી છે.
આ યાદીમાં સચિન તેંડુલકર, મહેન્દ્ર સિંહ ધોની, રાહુલ દ્રવિડ, મોહમ્મદ અઝહરુદ્દીન, સૌરવ ગાંગુલી અને યુવરાજ સિંહનો સમાવેશ થાય છે. સચિન તેંડુલકરે કુલ 463 ODI મેચ રમી છે, જ્યારે બીજા સ્થાને રહેલા મહેન્દ્ર સિંહ ધોનીએ 347 ODI મેચ રમી છે. છઠ્ઠા નંબરે રહેલા યુવરાજ સિંહે 301 મેચ રમી છે, આ રેકોર્ડ કિંગ કોહલી 2025ની ચેમ્પિયન્સ ટ્રોફીમાં પણ તોડી શકે છે.
Virat Kohli working hard ahead of his 300th ODI match. 🐐 pic.twitter.com/qQaMiBL3ht
— Johns. (@CricCrazyJohns) March 1, 2025
ICC ચેમ્પિયન્સ ટ્રોફીમાં કોહલી સંગાકારાનો રેકોર્ડ તોડી શકે છે
કિંગ કોહલી 300 વનડે પૂર્ણ કરવાની સાથે વધુ એક રેકોર્ડ તોડવાની ખૂબ નજીક પહોંચી ગયો છે. જો કોહલી આ ICC ચેમ્પિયન્સ ટ્રોફીમાં ૧૪૯ રન બનાવે છે, તો તે ODI ફોર્મેટમાં સૌથી વધુ રન બનાવનારા ખેલાડીઓની યાદીમાં બીજા ક્રમે પહોંચી જશે. હાલમાં, વિરાટ કોહલીના નામે 14085 રન છે. કુમાર સંગાકારાએ વનડે ફોર્મેટમાં ૧૪૨૩૪ રન બનાવ્યા છે. નંબર 1 પર રહેલા સચિન તેંડુલકરના નામે 18426 રન છે. કોહલી હાલમાં જે ફોર્મમાં છે તે જોતાં, તે કુમાર સંગાકારાને સરળતાથી પાછળ છોડી શકે છે.
