નવી ટાટા પંચ EV ખરીદવી છે? તો પહેલા જાણી લો 2026 ફેસલિફ્ટમાં થયેલા આ 5 મોટા ફેરફારો
ટાટા મોટર્સે ભારતીય બજારમાં પોતાની લોકપ્રિય માઇક્રો SUV પંચ EVનું નવું 2026 ફેસલિફ્ટ વર્ઝન લોન્ચ કરી દીધું છે. આ નવું મોડલ માત્ર દેખાવમાં જ નહીં, પરંતુ ટેકનોલોજી અને પાવરના મામલે પણ જૂના મોડલ કરતા ઘણું આગળ છે. જો તમે પણ આ ઇલેક્ટ્રિક કાર ખરીદવાનું વિચારી રહ્યા છો, તો તમારે તેમાં થયેલા પાંચ મહત્વના ફેરફારો વિશે ખાસ જાણવું જોઈએ.
1. વધુ આધુનિક અને આકર્ષક ડિઝાઇન
નવી ટાટા પંચ EV ફેસલિફ્ટના ફ્રન્ટ પ્રોફાઇલમાં નોંધપાત્ર ફેરફાર કરવામાં આવ્યા છે. હવે તેનું આગળનું ફેસિયા પહેલા કરતા વધુ ‘ક્લીન’ અને પ્રીમિયમ દેખાય છે. કંપનીએ જૂની બ્લેક સ્ટ્રીપને હટાવીને બોડી કલરનું ક્લોઝ્ડ પેનલ આપ્યું છે. હેડલાઇટ્સની સ્થિતિ બદલવામાં આવી છે અને કનેક્ટેડ LED DRLs તેને આધુનિક લુક આપે છે. આ ઉપરાંત, સાઇડમાં 16-ઇંચના નવા એરો-ઓપ્ટિમાઇઝ્ડ એલોય વ્હીલ્સ અને પાછળના ભાગમાં કનેક્ટિંગ સ્ટ્રીપ વાળી નવી ટેલલાઇટ્સ આપવામાં આવી છે.
2. નવી કલર પેલેટ અને વેરિઅન્ટ્સ
ટાટાએ આ વખતે કલર ઓપ્શન્સમાં મોટો ફેરફાર કર્યો છે. ફેસલિફ્ટ મોડલમાં ત્રણ નવા આકર્ષક કલર શેડ્સ ઉમેરવામાં આવ્યા છે: ફિયરલેસ યલો, બંગાળ રૂજ અને કેરેમલ. હવે ગ્રાહકો પાસે કુલ સાત રંગોના વિકલ્પો ઉપલબ્ધ છે. આ રંગો ડ્યુઅલ-ટોન ફિનિશ (બ્લેક રૂફ) સાથે કારને વધુ આકર્ષક બનાવે છે.
3. અપડેટેડ અને લક્ઝરી ઇન્ટિરિયર
કારની અંદર પણ અનેક મોટા બદલાવ જોવા મળે છે. કેબિનમાં હવે 10.25-ઇંચની મોટી અપડેટેડ ટચસ્ક્રીન અને 7.0-ઇંચનું નવું ફુલ ડિજિટલ ઇન્સ્ટ્રુમેન્ટ ક્લસ્ટર આપવામાં આવ્યું છે. પંચ EVમાં હવે ટાટાના લોગો સાથેનું નવું ટુ-સ્પોક સ્ટીયરિંગ વ્હીલ છે. સેન્ટર કન્સોલમાં હવે જૂના બટનોને બદલે ટચ કંટ્રોલ અને રજવાડી અહેસાસ કરાવતા રેટરી ડાયલ્સ આપવામાં આવ્યા છે, જે તેને પ્રીમિયમ બનાવે છે.
4. હાઇ-ટેક અને લક્ઝરી ફીચર્સ
ફીચર્સના મામલે ટાટાએ પંચ EVને લક્ઝરી કારની હરોળમાં મૂકી દીધી છે. હવે આ કારમાં ફ્રન્ટ વેન્ટિલેટેડ સીટો મળે છે, જે ગરમીમાં ખૂબ ઉપયોગી છે. આ સિવાય ઇલેક્ટ્રોનિક પાર્કિંગ બ્રેક, રિજનરેશન માટે પેડલ શિફ્ટર્સ, ઓટો-ડિમિંગ IRVM અને 360-ડિગ્રી સરાઉન્ડ વ્યુ કેમેરા જેવા હાઇ-ટેક ફીચર્સ પણ ઉમેરવામાં આવ્યા છે. ટચ-બેઝ્ડ HVAC કંટ્રોલ પેનલ કારના ઇન્ટિરિયરને વધુ આધુનિક બનાવે છે.
5. શક્તિશાળી બેટરી અને લાંબી રેન્જ
સૌથી મોટો અને મહત્વનો ફેરફાર તેના પાવરટ્રેનમાં છે. જૂના મોડલમાં 25kWh અને 35kWh ના વિકલ્પો હતા, જ્યારે 2026 ફેસલિફ્ટ મોડલમાં હવે 30kWh અને 40kWh ના મોટા બેટરી પેક મળે છે. બેટરીની ક્ષમતા વધવાને કારણે હવે તેની રેન્જ પણ વધી ગઈ છે. નવું મોડલ હવે 335 કિમી થી 468 કિમી સુધીની રેન્જ ઓફર કરે છે (વેરિયન્ટ મુજબ), જે લોંગ ડ્રાઈવ માટે પણ ઉત્તમ છે.
