ઈંગ્લેન્ડના સ્ટાર ખેલાડી બેન સ્ટોક્સને હવે આરામ કરવાની ઈચ્છા થઈ છે અને તેમણે આજે વનડે ઈન્ટરનેશનલ ક્રિકેટમાંથી નિવૃતીની જાહેરાત કરી દીધી છે. એક નિવેદન બહાર પાડતા બેન સ્ટોક્સે કહ્યું કે સાઉથ આફ્રિકા સામેની મંગળવારની મેચની તેની અંતિમ વનડે હશે.

ટ્વિટર પર પોતાની નિવૃતીના સમાચાર જાહેર કરતા બેન સ્ટોક્સે કહ્યું કે મારે માટે વનડેની નિવૃતી લેવાનો નિર્ણય લેવો ખૂબ અઘરો બન્યો હતો. જેટલો આ નિર્ણય લેવાનો હતો તેટલો મુશ્કેલ છે, તે હકીકત સાથે વ્યવહાર કરવો એટલો મુશ્કેલ નથી કે હું હવે આ ફોર્મેટમાં મારા સાથી ખેલાડીઓને મારી જાતનું 100% આપી શકતો નથી. ઈંગ્લેન્ડનો શર્ટ જે કોઈ તેને પહેરે છે તેનાથી ઓછું લાયક નથી. હવે મારા માટે ત્રણ ફોર્મેટ બિનટકાઉ છે. શેડ્યૂલ અને અમારી પાસેથી જે અપેક્ષા રાખવામાં આવે છે તેના કારણે મારું શરીર મને નિરાશ કરી રહ્યું છે એવું માત્ર મને નથી લાગતું, પણ મને એ પણ લાગે છે કે હું બીજા ખેલાડીનું સ્થાન લઈ રહ્યો છું. હવે સમય આવી ગયો છે કે કોઈ અન્ય વ્યક્તિ ક્રિકેટર તરીકે પ્રગતિ કરે અને છેલ્લા 11 વર્ષોમાં મારી જેમ અવિશ્વસનીય રમત રમે.

સ્ટોક્સે ટ્વિટર પર આ સમાચાર શેર કર્યા હતા અને કહ્યું હતું કે, “હું મંગળવારે ડરહામમાં ઇંગ્લેન્ડ માટે મારી છેલ્લી વનડે રમીશ. મેં આ ફોર્મેટમાંથી નિવૃત્તિ લેવાનું નક્કી કર્યું છે. આ નિર્ણય લેવો અતિ મુશ્કેલ રહ્યો છે. ઇંગ્લેન્ડની ટીમમાં મારા સાથી ખેલાડીઓ સાથેની રમતની દરેક મિનિટને મેં ખૂબ જ પસંદ કરી છે. અમે આ સમય દરમિયાન એક અતુલ્ય પ્રવાસ કર્યો છે.

31 વર્ષીય સ્ટોક્સ 104 વન ડે રમી ચૂક્યો છે અને તે તેના હોમગ્રાઉન્ડ પર જ વન ડે કારકિર્દીનો અંત આણશે. બેન સ્ટોક્સની વન-ડે કારકિર્દીની યાદગાર પળ લોર્ડ્ઝમાં યોજાયેલા 2019ના વર્લ્ડ કપની ફાઈનલ હતી, જ્યાં તેણે ન્યૂઝીલેન્ડ સામે અણનમ 84 રન ફટકારીને મેચને સુપર ઓવરમાં મોકલવામાં મદદ કરી હતી. બાદમાં ઇંગ્લેન્ડે પોતાનું પ્રથમ વર્લ્ડ કપ ટાઇટલ જીત્યું હતું અને બેન સ્ટોક્સ પ્લેયર ઓફ ધ મેચ બન્યો હતો.

ભારત અને ઈંગ્લેન્ડ વચ્ચે એજબેસ્ટનમાં રમાઈ રહેલી રિશેડ્યૂલ ટેસ્ટ મેચમાં ફાસ્ટ બોલર જસપ્રિત બુમરાહે ટીમની કમાન સંભાળી રહ્યો છે. બર્મિંઘમ ટેસ્ટની 4 દિવસની રમત પસાર થઈ ગઈ છે અને અત્યાર સુધી આ રમતની કપ્તાની કરતા જસપ્રિત બુમરાહ બેટ અને બોલ બંનેથી મેચની મજા માણતા જોવા મળી રહ્યા છે. પ્રથમ ઇનિંગમાં બેટિંગ કરતા બુમરાહે અણનમ 31 રનની ઇનિંગ રમી હતી, ત્યારે બોલિંગ કરતા સમયે તેણે 3 વિકેટ પોતાના નામે કરી હતી. જો કે હવે બીજી ઇનિંગમાં બે વિકેટ લઈને એમને વધુ એક ઉપલબ્ધિ તેમના નામે કરી લીધી છે.

ભારત કોઈ પણ સ્થિતિમાં પંહોચી ગયું પણ કેપ્ટન બૂમરાહ શાનદાર પ્રદશન બતાવી રહ્યા છે. એમને આ મેચની શરૂઆત વર્લ્ડ રેકોર્ડથી કરી એ હવે એક પછી એક ઘણા રેકોર્ડ તેમના નામે કરી રહ્યા છે. સાથેજ બોલિંગમાં પણ ઘણા રેકોર્ડ તેમના નામે કરી રહ્યા છે. હાલ જ એમના આ રેકોર્ડ બ્રેક કરવાની લાઇનમાં એમને ભારતના પૂર્વ કેપ્ટન કપિલ દેવનો 40 વર્ષ જૂનો રેકોર્ડ બ્રેક કરીને બૂમરાહ આગળ વધ્યાં છે. આ સિરિજમાં બૂમરાહ લીડીંગ વિકેટ કીપર છે અને એમના નામે કુલ 23 વિકેટ દર્જ થઈ ગઈ છે. પૂર્વ કેપ્ટન કપિલ દેવે 1981-82 માં ઈંગ્લેન્ડ સામેની એક સિરિજમાં 22 વિકેટ ઝડપી હતી.

આ પહેલા ગયા વર્ષે શરૂ થયેલી આ 5 મેચની ટેસ્ટ શ્રેણીમાં જસપ્રિત બુમરાહે અત્યાર સુધીમાં 21 વિકેટ લઈને અને આ યાદીમાં ટોચના ક્રમાંકિત ભુવનેશ્વર કુમાર (2014, 19 વિકેટ)ને પાછળ છોડી દીધા હતા. આ યાદીમાં પૂર્વ ફાસ્ટ બોલર ઝહીર ખાનનું નામ પણ સામેલ છે, જેણે 2007માં રમાયેલી 3 મેચની ટેસ્ટ શ્રેણી દરમિયાન 18 વિકેટ ઝડપી હતી. આ દિગ્ગજો ઉપરાંત ભારતના ફાસ્ટ બોલર ઈશાંત શર્મા (2018, 18 વિકેટ) અને લેગ સ્પિનર સુભાષ ગુપ્તે (17 વિકેટ, 1959)ના નામ પણ સામેલ છે. બોલિંગમાં આ સિદ્ધિ હાંસલ કરતાં પહેલાં જસપ્રિત બુમરાહે બેટથી ધમાલ મચાવ્યો હતો અને ટેસ્ટ ક્રિકેટની એક ઓવરમાં સૌથી વધુ રન બનાવનારો વર્લ્ડ રેકોર્ડ પોતાના નામે કરી લીધો હતો.

પાકિસ્તાન ટીમ આ મહિને શ્રીલંકાના પ્રવાસે જશે જ્યાં ટીમ બે ટેસ્ટ મેચની શ્રેણી રમશે. પરંતુ તેની પહેલા પાકિસ્તાન ટીમ રાવલપિંડીના મેદાન પર પ્રેક્ટિસ મેચ રમી રહી છે. પ્રેક્ટિસ મેચમાં પાકિસ્તાનના હસન અલી પોતાના સાથી સલમાન અલી આગાની બોલિંગ કરી રહ્યાં હતા ત્યારે તેની બોલ સલમાનના પેડ પર અડી. જેના પર તેમણે આક્રમક અપીલ કરી. પરંતુ એમ્પાયરે ખેલાડીને આઉટ ના આપ્યો જેનાથી તેઓ પોતે એમ્પાયરની પાસે જતા રહ્યાં અને એમ્પાયરની આંગળી પકડીને આઉટ આપવાનો ઈશારો કરવા લાગ્યા. જેનાથી સ્ટેડિયમમાં રહેલા બધા લોકો હેરાન થયા. જો કે, ત્યારબાદ તેઓ હસી રહ્યાં હતા.

શ્રીલંકાના પ્રવાસે ગયેલી પાકિસ્તાન ટીમને ટેસ્ટ મેચની શ્રેણી રમવાની છે. શ્રેણીની પહેલી મેચ 16 જુલાઈથી અને બીજી ટેસ્ટ મેચ 24 જુલાઈથી કોલંબોમાં રમાશે. ટીમના કેપ્ટન બાબર આઝમને બનાવવામાં આવ્યો છે. તો સ્ટાર વિકેટકીપર બેટર મોહમ્મદ રિઝવાનને વાઈસ કેપ્ટનની જવાબદારી સોંપવામાં આવી છે.

પાકિસ્તાનની ટીમમાં મોટાભાગના એવા ખેલાડીઓનો સમાવેશ થાય છે, જેણે ઓસ્ટ્રેલિયા સામે ઘરેલુ સીરીઝ રમી હતી. તો જાહિદ મસૂદ અને સાજિદ ખાનને જગ્યા મળી નથી. સફરાજ ખાનની ટીમમાં વાપસી થઇ છે. નસીમ શાહ અને સલમાન આગાને પહેલી વખત ટીમમાં સ્થાન મળ્યું છે.