ઋષિ કપૂરના નિધનથી બોલિવૂડને ઝટકો લાગ્યો છે. તેમની પત્ની નીતૂ કપૂર, દિકરો રણબીર કપૂર અને દીકરી રિદ્ધિમાને ઈન્ડસ્ટ્રીના લોકો સાંત્વના આપી રહ્યાં છે. ચાઈલ્ડ આર્ટિસ્ટ તરીકે કરિયરની શરૂઆત કરનારા ઋષિ કપૂરે અનેક સુપરહિટ ફિલ્મોમાં કામ કર્યું. લગભગ 100થી વધુ ફિલ્મોમાં કામ કરી ચૂકેલા ઋષિ એક સમયે હાઈએસ્ટ પેડ એક્ટર્સમાંથી એક હતા.
ઋષિ ધનિક પરિવારના હોવાથી તેમની પાસે સંપત્તિની કોઈ કમી નહોતી. હવે આ સંપત્તિના વારસદાર તેમના બાળકો હશે. મીડિયા રિપોર્ટ્સ મુજબ ઋષિની કુલ સંપત્તિ લગભગ 300 કરોડ રૂપિયા છે.
ઋષિ કપૂરનું મુંબઈના પાલી હિલમાં શાનદાર ઘર છે. જ્યાં તેઓ રહેતા હતા. આ ઘરનું નામ કૃષ્ણા રાજ છે. જે એ એકર જમીનમાં બનેલું છે. ઘરમાં સ્વિમિંગ પુલ, થિએટર સિસ્ટમ અને અન્ય લગ્ઝરી સુવિધાઓ પણ છે.
ઋષિને કારોનો શોખ હતો. તેમની પાસે રોયલ એસયૂવી અને ઓડી ફેવરિટ હતી. આ સિવાય તેમની પાસે Porsche, Bentley, BMW જેવી ગાડીઓનું કલેક્શન હતું. જેની કિંમત કરોડોમાં છે. રિપોર્ટ્સ મુજબ ઋષિની વાર્ષિક આવક લગભગ 20 કરોડ રૂપિયા હતી. ફિલ્મોમાં એક્ટિંગ કરવા સિવાય તેઓ પ્રોડ્યૂસર પણ હતા. એટલું જ નહીં અન્ય અલગ-અલગ બિઝનેસમાં પણ તેઓ ભાગીદાર હતા. તેઓ ઘણી જાહેરાતથી પણ પૈસા કમાતા હતા.
