ઇઝરાયેલે પોતાના હરીફ ઈરાન પર સૌથી મોટો સાયબર હુમલો કરીને તેના પરમાણુ ઠેકાણાઓને તોડી પાડ્યા છે. ઇઝરાયલના અચાનક સાયબર હુમલાથી ઇરાનના યુરેનિયમ ઉત્પાનદ કેન્દ્ર અને મિસાઇલ ઉત્પાદન કેન્દ્રમાં આગ ભભૂકી ઉઠી હતી.
ઉલ્લેખનીય છે કે, ઇઝરાયેલે તેના ઘાતક એફ-35 લડાકુ વિમાનની મદદથી ઇરાનના પર્ચિન વિસ્તારમાં એક મિસાઇલ બનાવતી જગ્યા પર હુમલો કરી નાશ કર્યો હતો.
કુવૈતી અખબાર અલ ઝઝીરાએ લખ્યું છે કે ગયા અઠવાડિયે આ ઘટના બની. અખબારે લખ્યું છે કે ઇરાનનાં સાયબર અટેક દ્વારા ગુરુવારે ઇરાનના નતાંજ પરમાણુ સંવર્ધન કેન્દ્રમાં આગ લાગી ગઇ હતી અને જોરદાર વિસ્ફોટ થયો હતો. આ આખું કેન્દ્ર ભૂગર્ભમાં બનાવવામાં આવ્યું છે. કુવૈતી અખબારે પણ દાવો કર્યો છે કે લડાકુ વિમાન એફ -16 સ્ટીલ્થે ગત શુક્રવારે ઈરાનના પર્ચિન વિસ્તારમાં એક ઠેકાણા પર બોમ્બ ધડાકો કર્યો હતો. એવું કહેવામાં આવી રહ્યું છે કે અહીં મિસાઇલ નિર્માણ કેન્દ્ર હતું.
ઇઝરાયેલે આરોપ લગાવ્યો છે કે પોતાના હથિયાર અને મિસાઇલને ઈરાન યહૂદીઓના વિરોધી હિઝબોલ્લાહને પ્રદાન કરી રહ્યું છે. આવા અચાનક થયેલા હુમલામાં ઈરાનને મોટો ઝટકો લાગ્યો છે. એવું પણ કહેવામાં આવી રહ્યું છે કે ઇઝરાઇલ દ્વારા કરવામાં આવેલા આ હુમલાને કારણે ઇરાનનો પરમાણુ કાર્યક્રમ લગભગ બે મહિના પાછો ગયો છે.
ઇઝરાઇલ દ્વારા ઇરાનમાં થયેલા બંને હુમલાની પુષ્ટિ હજુ સુધી થઈ નથી. અગાઉ એવા અહેવાલો આવ્યા હતા કે ઇરાને એપ્રિલમાં ઇઝરાઇલી પાણી પુરવઠાને હેક કરવાનો પ્રયાસ કર્યો હતો. બંને દેશો આ દિવસોમાં એકબીજા સામે સાયબર એટેક કરવા ઉગ્ર પ્રયાસ કરી રહ્યા છે
