લોકડાઉનમાં દરેક લોકોને ઘરે બેઠા-બેઠા નવી-નવી વસ્તુ ખાવીની ઇચ્છા થતી હોય છે,અને બહાર જઇ શક્તા નથી જેથી ઘરે જ આપણે નવી ટેસ્ટી વસ્તુ બનાવતા હોય છે,એમા પણ ચીઝ એવી વસ્તુ છે જે નાનાથી લઇ મોટા સુધી દરેકને ખૂબ પસંદ હોય છે.ચીઝ અને શાકભજીનું કોમ્બિનેશન છે ‘વેજ ચીઝ બોલ્સ’. આને તમે બાળકો માટે નાસ્તામાં અને બ્રેકફાસ્ટમાં બનાવી શકો છો. તો જોઈએ તેની રીત.
સામગ્રી :
- 1 કપ બારીક સમારેલું ગાજર
- 1 કપ બારીક સમારેલું કેપ્સિકમ
- 1 કપ બારીક સમારેલી કોબી
- 1 કપ બારીક સમારેલી ડુંગળી
- 2 કપ ગ્રેટેડ ચીઝ
- એડધો કપ બારીક સમારેલી કોથમીર
- 2 લીલાં મરચાં બારીક સમારેલાં
- 1 ટે.સ્પૂન ચાટ મસાલો
- અડધી ટી.સ્પૂન મરી પાઉડર
- નમક સ્વાદ મુજબ
- 8-10 સ્લાઈસ બ્રેડ
- તળવા માટે તેલ.
રીત
- ગાજર, કેપ્સિકમ, કોબી, ડુંગળીમાં નમક મિક્સ કરી થોડી વાર મૂકી રાખો. પછી તેમાં પાણી છૂટયું હોય તે દબાવીને કોરું કાઢી નાખી વેજિટેબલ્સ કોરાં કરી નાખો.
- ત્યાર બાદ તેમાં લીલાં મરચાં, કોથમીર, ચાટ મસાલો, મરી પાઉડર તથા ચીઝ મિક્સ કરી લો.
- હવે બ્રેડ સ્લાઈસને સહેજ ટાઈમ જ પાણીમાં બોળી કાઢી લો અને બે હાથ વચ્ચે દબાવી પાણી કાઢી લો.
- તે સ્લાઈસમાં તૈયાર કરેલું સ્ટફિંગ ભરી બંધ કરી તેના બોલ્સ બનાવી, તેલમાં ડિપ ફ્રાય કરી લો અને કેચઅપ સાથે સર્વ કરો.
