દેશમાં લોકડાઉન 3 મે સુધી લંબાવવામાં આવ્યું છે,અને આ લોકડાઉનમાં સેલેબ્સ કપલ સાથે ઘરમાં રહીને સમય પસાર કરી રહ્યા છે. આવામાં અનુષ્કા શર્માએ એક રસપ્રદ વીડિયો ઇન્સ્ટાગ્રામ પર શેર કર્યો છે. તેના પતિ ક્રિકેટર વિરાટ કોહલી માટે તેણે આ વીડિયો બનાવ્યો છે. વીડિયોમાં કોહલી અને અનુષ્કા બંને છે. અનુષ્કાએ કેપ્શન લખ્યું હતું કે, મેં વિચાર્યું કે તે ફિલ્ડને ઘણો મિસ કરતો હશે. તેની સાથે જ તેને મળતો લાખો ફેન્સનો લવ, અને ખાસ કરીને તે અમુક પ્રકારના ફેનને પણ ઘણો મિસ કરતો હશે. તો મેં તેને આ અનુભવ આપ્યો.
https://www.instagram.com/p/B_EwaTjJL-G/?utm_source=ig_web_copy_link
વીડિયોમાં અનુષ્કા ગ્રાઉન્ડ પર વિચિત્ર રીતે રાડો પાડતા ફેન્સની જેમ બોલે છે. તે બોલે છે કે, એ કોહલી.. એ કોહલી. ક્યા કર રહા હૈ… ચૌકા મારના ચૌકા… એ કોહલી.. એ કોહલી… અનુષ્કા ત્યારબાદ કોહલી તરફ કેમેરો ફેરવે છે જેમાં કોહલી ઇગ્નોર કરે છે તેવા હાવભાવ છે.
વીડિયો પોસ્ટ થયાના થોડા જ સમયમાં તે ઘણો વાઇરલ થઇ ગયો. કાર્તિક આર્યન, અર્જુન કપૂર, કરણ જોહર, કાજલ અગ્રવાલ, સાનિયા મિર્ઝા, નીના ગુપ્તા, કુણાલ ખેમુ સહિત ઘણા સેલેબ્સે આ વીડિયો નીચે કમેન્ટ કરી હતી. કાર્તિકે લખ્યું હતું કે, હું આ પ્રકારનો ફેન છું. જ્યારે અર્જુને લખ્યું હતું કે, ડિમાન્ડ ઓછામાં ઓછી 6 રનની હોવી જોઈએ, મિનિમમ બોસ.
લોકડાઉનમાં વિરાટ અને અનુષ્કા ઘરે રહીને સમયનો ખૂબ સારો ઉપયોગ કરી રહ્યા છે. અગાઉ અનુષ્કાએ વિરાટના હેરકટ કર્યા હતા. કપલ તેમના પેરેન્ટ્સ સાથે ગેમ રમીને પણ સમય પસાર કરે છે. અનુષ્કા અને વિરાટે કોરોના સામેની જગમાં સરકારની મદદ માટે આર્થિક સહાય પણ કરી છે. તેમણે પીએમ રિલીફ ફંડ અને મહારાષ્ટ્ર સીએમ રિલીફ ફંડમાં યોગદાન આપ્યું છે.
