સાઉથ સુપર સ્ટાર રજનીકાંતના ફેનની કમી નથી,રજનીકાંત જ્યારે કઇ પણ કરે છે,એ તેના ફેન્સ માટે મોટી વસ્તુ બની છે,આજે પણ આવી તસ્વીર વાયરલ થઈ રહી છે જેમાં સાઉથની ફિલ્મોના શહેનશાહ અને જબરજસ્ત ફેન ફોલોઇંગ ધરાવતાં રજનીકાંત માસ્ક પહેરીને લેમ્બોર્ગિની ચલાવતો જોવા મળી રહ્યો છે. આ ચિત્ર સામે આવતાની સાથે જ ટ્વિટર પર #LionInLamborghini ટ્રેન્ડ થઇ રહ્યું છે.
આ વાયરલ તસ્વીરોમાં મેગાસ્ટાર પોતાની પુત્રી સોંદર્યાની લકઝરી કાર ચલાવતા જોવા મળી રહ્યા છે. ટ્વિટર યુઝર્સે આ બાબતની તસ્વીર અને વીડીયો શેર કરીને ઇન્ટરનેટ પર સુનામી લાવી દીધી છે.એક યુઝર્સે લખ્યું કે, ‘જે ઉપદેશ આપે છે તે તેનું પાલન કરવાનું પણ જાણે છે, કારની અંદર પણ ફેસ માસ્ક લગાવ્યું છે રજનીકાંતે.
આ સિવાય અન્ય એક યુઝરે લખ્યું, ‘જ્યારે આપણે આ કોરોના કાળમાં બહાર જઈએ છીએ, તો પોતાની સલામતી રાખવાનું આ શ્રેષ્ઠ ઉદાહરણ છે.’રજનીકાંતને સાઉથમાં તો ભગવાનનો દરજ્જો મળેલો છે. તેના કરોડો ફેન્સ છે અને હંમેશાં રજનીકાંતની આગામી ફિલ્મોની આતુરતાથી રાહ જોતા હોય છે.
રજનીકાંતને એ.આર. મુરુગાદાસના તમિલ મનોરંજન ‘દરબાર’માં જોવા મળ્યા હતા. તેમાં રજનીકાંત, નયનતારા, નિવેથા થોમસ અને સુનીલ શેટ્ટી મુખ્ય ભૂમિકામાં હતા.ત્યારબાદ તે ‘અન્નાથે’ માં દેખાશે, જે શિવ દ્વારા લખવામાં આવેલી અને નિર્દેશન કરવામાં આવેલી હશે. આ પ્રોજેક્ટનું નિર્માણ કલાનિથી મારન દ્વારા સન પિક્ચર્સના બેનર હેઠળ કરવામાં આવ્યું છે.
