રાજ્યમાં કોરોના વાયરસનો કહેર દિવસે દિવસે વધી રહ્યો છે, ત્યારે રાજ્ય સરકારે કોરોનાનું સંક્રમણ અટકાવવા માટે મહત્વનો નિર્ણય લીધો છે. ગુજરાતમાં રિક્ષાચાલક, સરકારી, ખાનગી વાહનોમાં પેસેન્જર અને શોપિંગ મોલ અને શોરૂમમાં ગ્રાહકોને લઇને વધુ એક નિર્ણય લેવાયો છે.
ત્યારે વધતી જતી કોરોના વાયરસની મહામારીમાં રાજ્ય સરકારે મોટો નિર્ણય લીધો છે. રિક્ષાચાલકો કે સરકારી કે ખાનગી વાહનચાલકોના વાહનમાં કોઈ મુસાફર માસ્ક વગર જોવા મળશે તો મુસાફર અને વાહનચાલક બંન્ને પાસેથી દંડ વસૂલ કરવામાં આવશે.
તે ઉપરાંત શોપિંગ મોલ કે શોરૂમમાં પણ જો કોઈ ખરીદી કરનાર ગ્રાહક માસ્ક વગર પકડાશે તો મોલના મેનેજર પાસેથી પણ દંડ વસૂલ કરવામાં આવશે.કોરોના કાળમાં માસ્ક પહેરવાનો નિયમ રાજ્ય સરકારે વધુ કડક બનાવ્યો છે. હવેથી ગુજરાતના જે વાહનમાં મુસાફરોએ માસ્ક નહીં પહેર્યું હોય એ મુસાફરો ઉપરાંત વાહન ચલાવનારને પણ 1000 રૂપિયાનો દંડ થશે.
બસમાં કોઈ મુસાફરે માસ્ક નહીં પહેર્યું હોય તો મુસાફરની સાથે સાથે બસ ચાલકને પણ દંડ થશે. એ જ રીતે રિક્ષા અને ટેક્સીમાં જો મુસાફરોએ માસ્ક નહીં પહેર્યું હોય તો રિક્ષા અને ટેક્સીચાલકને પણ એક-એક હજાર રૂપિયાનો દંડ થશે.
આમ, વાહન ચાલકો તેમજ મુસાફરો માટે પણ માસ્ક કમ્પલસરી બનાવી દેવાયું છે.રાજ્ય સરકારે સરકારી વાહનો ચલાવતા અને તેમાં સવાર સરકારી બાબુઓ ઉપર પણ ગાળિયો કસ્યો છે. સરકારી વાહનમાં પણ કોઈ બાબુ માસ્ક વગર પકડાશે તો એક હજાર રૂપિયાનો દંડ ભરવો પડશે
