કિયારા અડવાણીની ગણા બોલિવૂડની સૌથી લોકપ્રિય અભિનેત્રીઓમાં થાય છે. તેની ફેન ફોલોઈંગ પણ જબરદસ્ત છે. પોતાના મનપસંદ સ્ટાર્સના દિવાના ચાહકો તેમની પૂજા પણ કરતા હોય છે. ઘણીવાર એવું બને છે કે તે આ સ્ટારને મળવા માટે કોઈપણ હદ સુધી જાય છે. ફેન્સ માટે ભલે આ હરકત તેમની ચાહતનો ઈજહાર હોય પરંતુ ઘણી વખત આ વસ્તુ સ્ટાર્સને પણ ડરાવી દેતી હોય છે. કિયારા સાથે હાલમાં જ એક એવી ઘટના બતાવી છે. જ્યારે તેના એક ચાહકે કંઈક એવું કર્યું જે હેરાન કરી દે તેવું છે. આ ઘટના બતાવતા કિયારાએ કહ્યું કે તેના ફેન્સની આ હરકત તો મજાની હતી પરંતુ ડરાવણી પણ હતી.
એક ઈન્ટરવ્યુમાં કિયારાને પૂછવામાં આવ્યું કે તેના માટે કોઈ છોકરાએ સૌથી ક્રેઝી હરકત કઈ કરી હતી? આના જવાબમાં કિયારાએ કહ્યું, મારા માટે કોઈ છોકરાની સૌથી ક્રેઝી હરકત? આ હકિકતમાં મારા એક ફેન્સે કરી હતી. હું એ નહીં કહું કે હું ક્યા ફ્લોર પર રહું છું. પરંતુ હું હકિકતમાં ખૂબજ બહુમાળી ઈમારતમાં સૌથી ઉપરના માળે રહું છું. અને તેણે મને આવીને મળવા માટે મારી બિલ્ડિંગની તમામ સીડીઓ ચડી ગયો. મને યાદ છે તે આવ્યો ત્યારે તે પરસેવે રેબઝેબ હતો. મેં ગભરાઈને તેને પૂછ્યું, ‘શું થયું? તમે ઠીક છો? તમારે બેસવું પડશે? તમારે પાણી જોઈએ છે?”.
કિયારાએ આગળ કહ્યું કે ચાહકની આ હરકતો મીઠી હતી પણ ‘ક્રેઝી અને ડરામણી’ પણ હતી. કિયારાએ જણાવ્યું કે તેના સવાલનો જવાબ આપતા ફેન્સે કહ્યું, કે હું તમને મળવા માટે સીડીઓ ચડીને આવ્યો છું. હું બસ તમને એ બતાવવા માગતો હતો કે તમે મારા માટે કેટલા મહત્વપૂર્ણ છો. કિયારાએ કહ્યું કે તે વિચારવા લાગી ‘પણ શા માટે? તમે લિફ્ટનો ઉપયોગ પણ કરી શક્યા હોત. તે પણ મનમાં વિચારી રહી હતી કે ‘ઠીક છે, પણ હવે આગલી વખતે મારા ઘરે ના આવતા. આ પણ થોડું ડરામણું છે. તે ફેન્સ બાબતે બતાવતા કિયારા બોલી, તે સ્વીટ હતો પરંતુ એક મીઠું પાગલપન – ક્રેઝી પણ હતો. તે સારો વ્યક્તિ હતો. તે એક સારો માણસ હતો.
કિયારા અડવાણી મુંબઈના મહાલક્ષ્મી વિસ્તારમાં રહે છે. જે બિલ્ડીંગમાં તેનું ઘર છે તેમાં 51 માળ છે. સેલિબ્રિટીનું ઘર છે તો શરૂઆતના ફ્લોર્સ પર તો હશે નહીં. એટલા માટે એ તો નક્કી છે કે કિયારા માટે આ ફેન્સે ખરેખર બહુ વધારે મહેનત કરી નાંખી. કિયારાની ફિલ્મ ‘જુગ જુગ જિયો’ બે અઠવાડિયાથી સિનેમાઘરોમાં ટકેલી છે. પારિવારિક મુદ્દા પર બનેલી આ ફિલ્મ લોકોને પસંદ આવી રહી છે અને અત્યાર સુધીમાં ફિલ્મે બોક્સ ઓફિસ પર 60 કરોડથી વધુની કમાણી કરી છે. કિયારાની આગામી ફિલ્મ ‘ગોવિંદા નામ મેરા’ હશે, જેમાં તે વિકી કૌશલ અને ભૂમિ પેડનેકર સાથે જોવા મળશે.
