હિન્દી સિનેમામાં ચાઇલ્ડ આર્ટિસ્ટ તરીકે તેના કરિયરની શરૂઆત કરનાર નીતુ કપૂર આજે 64 વર્ષની ઉંમરે પણ ફિલ્મી દુનિયામાં એક્ટિવ છે અને ફિલ્મોમાં કામ કરી રહી છે. 8 જુલાઇ 2022ના રોજ એટલે કે આજે નીતુ કપૂર તેનો 64 મો જન્મદિવસ ઉજવી રહી છે. આ ખાસ મોક પર જ્યાં એમના ચાહકો, ફેન્સ અને બોલિવૂડના સ્ટાર્સ એમને શુભકામનાઓ પાઠવી રહ્યા છે એવામાં એમની નવી વહુરાણીએ પણ એમને શુભકામના પાઠવવા માટે એક પોસ્ટ કરી છે જેને લોકોનું દિલ જીતી લીધું છે.
નવી દુલ્હન આલિયા ભટ્ટે તેની નવી બનેલ સાસુમાંને જન્મદિવસની શુભેચ્છા પાઠવવા એક ખાસ તસવીર શેર કરી છે. જે હાલ સોશ્યલ મીડિયામાં ઘણી વાયરલ થઈ રહી છે. એ તસવીરમાં નીતુ કપૂર તેની નવી વહૂરાણીના કપાળ પર ચુંબન કરી રહી છે. જોઈને આ તસવીર આલિયા-રણબીરના લગ્નની હલ્દી સેરેમનીની લાગી રહી છે. બંને સાસુ-વહુએ તેમાં પીળા કલરના કપડાં પહેર્યા છે અને આલિયાના ચહેરા પર હલ્દી લાગેલ પણ જોવા મળે છે. આ તસવીરને જોઇને અલીયાએ તેના ઇન્સ્ટાગ્રામ એકાઉન્ટમાંથી શેર કરી છે અને સાથે જ કેપ્શનમાં લખ્યું છે કે ‘ સૌથી સુંદર સોલ(આત્મા)ને જન્મદિવસની ખૂબ જ શુભકામનાઓ. મારી સાસુ મા/દોસ્ત/ અને થવા વાળી દાદી.. તમને ખૂબ સારો પ્રેમ.’
આલિયા અને નીતુ કપૂર એકબીજા સાથે ઘણો સારો બોન્ડ શેર કરે છે. નીતુ ઘણા ઇન્ટરવ્યૂમાં તેની વહુરાણીના વખાણ કરી ચૂકી છે. આલિયા અને રણબીરના લગ્ન 14 એપ્રિલ 2022ના રોજ થયા હતા. હાલમાં જ આલિયા એ તેની પ્રેગ્નેન્સીની ખબર સંભળાવીને દરેક લોકોને ચોંકાવી દીધા હતા.
