બોલિવૂડ સ્ટાર્સ અપારશક્તિ ખુરાના, દિવ્યેન્દુ શર્મા અને હર્ષ મયરે તેમની આવનારી ફિલ્મ કાનપુરીયે વિષે એક ખાસ ઈન્ટરવ્યુમાં જણાવ્યું હતું કે આ ફિલ્મના શુટિંગ દરમિયાન તેમણે ખુબ એન્જોય કર્યું હતું. તેમણે કાનપુરની અવનવી વાનગીઓ પણ ખાધી હતી. અપારશક્તિ ખુરાના અને દિવ્યેન્દુ શર્મા બન્ને પોતાના પરફેક્ટ કોમિક ટાઈમિંગ માટે ખુબ જ જાણીતા છે. આ ફિલ્મમાં ભલે બન્ને જોડે હોય પણ પુરી ફિલ્મમાં ફક્ત એક સીનમાં તે સાથે જોવા મળશે. આ ફિલ્મની સ્ટોરી એક નાના ગામના છોકરાઓ પર આધારિત છે. તેઓ મોટા શહેરમાં આવી પોતાના સપનાઓ પુરા કરવાના પ્રયાસો કરે છે. અપારશક્તિ ખુરાના અને દિવ્યેન્દુ શર્માએ જણાવ્યું હતું કે આ ફિલ્મની સ્ક્રીપ્ટ ખુબ જ સારી રીતે લખેલી હતી જેના લીધે તેમને એક્ટિંગ કરવામાં ખુબ સરળતા પડી અને ખુબ જ ટૂંક સમયમાં ફિલ્મનું શુટિંગ પૂરું થઈ ગયું. દિવ્યેન્દુ શર્માએ પ્યાર કા પંચનામા ફિલ્મથી બૉલીવુડમાં એન્ટ્રી કરી હતી. જયારે અપારશક્તિ ખુરાનાએ ફિલ્મ દંગલથી બોલીવુડમાં ડેબ્યુ કર્યો હતો. ફિલ્મ કાનપુરીયે ઓટીટી પ્લેટફોર્મ હોટસ્ટાર પર 25 ઓક્ટોબરના રોજ રીલીઝ થશે.
અપારશક્તિ ખુરાના અને દિવ્યેન્દુ શર્મા સાથે ખાસ વાતચીત
