તાજેતરમાં જ રેપર બાદશાહ ફેન્સ માટે એક નવુ સૉન્ગ ‘ગેંદા ફુલ’ લઇને આવ્યો હતો જેમાં તેની સાથે બોલીવુડની હસીના જેક્લીન ફર્નાન્ડીસ નજરે આવી હતી. લોકોને બાદશાહનું આ સૉન્ગ એટલુ પસંદ આવ્યું કે રિલિઝ થતાં જ આ સૉન્ગ યુટ્યુબમાં ટૉપ ટ્રેન્ડિંગમાં સામેલ થઇ ગયું. આ સૉન્ગનો વિડિઓ લોકોને ખૂબ જ પસંદ આવી રહ્યો છે. યુટ્યુબ પર અત્યાર સુધી 16 મિલિયનથી વધુ વ્યૂઝ મળી ચુક્યાં છે.
https://www.instagram.com/p/B-ZZAgDjBa3/?utm_source=ig_web_copy_link
આ વચ્ચે યુટ્યુબ પર ગેંદા ફૂલ પર એક ખૂબસુરત યુવતીનો ડાન્સ વિડિઓ વાયરલ થઇ રહ્યો છે. જેમાં એક યુવતી સાડીમાં ગેંદા ફૂલ પર ખૂબસુરત સ્ટેપ્સ કરતી નજરે આવી રહી છે. યુટ્યુબ પર આ વિડિયોને મોનામી ઘોષ નામના યુટ્યુબ ચેનલ પર અપલોડ કરવામાં આવ્યો છે, જેને લોકો ખૂબ જ પસંદ કરી રહ્યાં છે. વિડિયોમાં મોનામી ઘોષનો જબરદસ્ત ડાન્સ જોઇને લોકો તેના દિવાના થઇ રહ્યાં છે.
જણાવી દઇએ કે મોનામીએ આ વિડિયોને 31 માર્ચે અપલોડ કર્યો હતો, જેને અત્યાર સુધી 20 લાખથી વધુ વાર જોવામાં આવી ચુક્યો છે. લોકો કમેન્ટ્સ દ્વારા સતત મોનામીના ડાન્સના વખાણ પણ કરી રહ્યાં છે. જો કે આવુ પહેલીવાર નથી બન્યું જ્યારે મોનામીએ કોઇ ડાન્સ વિડિયો શેર કર્યો હોય. તે અવારનવાર યુટ્યુબ પર પોતાના ડાન્સ વિડિયોઝ અપલોડ કરે છે અને તેના વિડિયો હંમેશા વાયરલ થાય છે.
આ સ઼ૉન્ગમાં જેક્લીન ફર્નાન્ડીઝનો અંદાજ જોઇને સૌકોઇ તેના ફેન બની ગયાં છે. લોકોને આ સૉન્ગ એટલુ પસંદ આવી રહ્યું છે કે હવે યુવાનો પણ આ સૉન્ગના ડાન્સ સ્ટેપ ફૉલો કરીને પોતાના ડાન્સ વિડિઓ સોશિયલ મીડિયા પર શેર કરી રહ્યાં છે.
