પેટ્રોલ, ડીઝલ અને CNG ના આજના તાજા ભાવ: ગઈકાલના ભાવવધારા બાદ સરકારી કંપનીઓએ દરો રાખ્યા સ્થિર, જાણો તમારા શહેરની વિગતવાર યાદી
દેશભરમાં દરરોજ સવારે સરકારી અને ખાનગી તેલ કંપનીઓ દ્વારા પેટ્રોલ અને ડીઝલના દરોની સમીક્ષા કરવામાં આવે છે. ગઈકાલે, ૩ ઓક્ટોબરના રોજ ખાનગી ક્ષેત્રની પ્રમુખ ઇંધણ કંપની નાયરા એનર્જી દ્વારા પેટ્રોલના ભાવમાં લિટરે ₹૫ અને ડીઝલમાં ₹૩ નો તગડો વધારો કરવામાં આવ્યો હતો. આ ભાવવધારા બાદ આજે, રવિવાર ૪ ઓક્ટોબરના રોજ વાહનચાલકો માટે થોડી રાહતના સમાચાર આવ્યા છે. જાહેર ક્ષેત્રની સરકારી તેલ કંપનીઓ (IOCL, BPCL, HPCL) દ્વારા આજે દરોમાં કોઈ ફેરફાર કરવામાં આવ્યો નથી. પરિણામે દેશના દેશના મોટાભાગના શહેરોમાં ઇંધણ જૂના ભાવે જ ઉપલબ્ધ થઈ રહ્યું છે.
રાજધાની દિલ્હીમાં આજે પેટ્રોલ ₹૧૦૨.૧૨ પ્રતિ લિટર અને ડીઝલ ₹૯૫.૨૦ પ્રતિ લિટરના ભાવે વેચાઈ રહ્યું છે. જોકે, ખાનગી કંપની નાયરા એનર્જીના પેટ્રોલ પંપો પર ગઈકાલથી નવો વધારો અમલી બની ગયો છે, પરંતુ સરકારી પંપ પર વાહનચાલકોને જૂના દરે જ ઇંધણ મળી રહ્યું છે.
દેશના મુખ્ય શહેરોમાં પેટ્રોલ અને ડીઝલના આજના દરો
ભારતના વિવિધ રાજ્યો અને શહેરોમાં પેટ્રોલિયમ પેદાશો પર લાગતા ટેક્સના કારણે ભાવ જુદા જુદા જોવા મળે છે. મુખ્ય શહેરોમાં પેટ્રોલના આજના દરો જોઈએ તો, અમદાવાદમાં પેટ્રોલ ₹૧૦૨.૧૫, નવી દિલ્હીમાં ₹૧૦૨.૧૨, મુંબઈમાં ₹૧૧૧.૨૧, બેંગ્લોરમાં ₹૧૧૧.૬૮, ચેન્નાઈમાં ₹૧૦૭.૭૬, કોલકાતામાં ₹૧૧૩.૫૧, અને હૈદરાબાદમાં ₹૧૧૬.૧૫ પ્રતિ લિટર છે. તે સિવાય જયપુરમાં ₹૧૧૩.૧૯, પુણેમાં ₹૧૧૨.૦૨, ગુડગાંવમાં ₹૧૦૨.૯૭, નોઈડામાં ₹૧૦૧.૯૬ અને લખનૌમાં ₹૧૦૧.૮૬ પ્રતિ લિટરના દરે પેટ્રોલ વેચાઈ રહ્યું છે.
ડીઝલના આજના ભાવની વાત કરીએ તો, અમદાવાદમાં ડીઝલનો ભાવ ₹૯૮.૨૭ પ્રતિ લિટર છે. નવી દિલ્હીમાં ₹૯૫.૨૦, મુંબઈમાં ₹૯૭.૮૩, કોલકાતામાં ₹૯૯.૮૨, ચેન્નાઈમાં ₹૯૯.૫૫, બેંગ્લોરમાં ₹૯૯.૫૬ અને હૈદરાબાદમાં ₹૧૦૪.૨૩ પ્રતિ લિટર પહોંચ્યો છે. જ્યારે જયપુરમાં ₹૯૮.૨૫, પુણેમાં ₹૯૮.૬૬, ગુડગાંવમાં ₹૯૫.૬૪, નોઈડામાં ₹૯૫.૪૪ અને લખનૌમાં ₹૯૫.૩૬ પ્રતિ લિટર ડીઝલ ઉપલબ્ધ છે.
CNG ના આજના લેટેસ્ટ દરો
પેટ્રોલ-ડીઝલની સાથોસાથ સીએનજી (CNG) નો વપરાશ કરતા વાહનચાલકો માટે પણ વિવિધ શહેરોના ભાવ જાહેર કરવામાં આવ્યા છે. મુંબઈમાં સીએનજી સૌથી સસ્તો ₹૮૮ પ્રતિ કિલોગ્રામ મળી રહ્યો છે, જ્યારે નવી દિલ્હીમાં તેનો ભાવ ₹૮૬.૯૮ છે. ગુડગાંવમાં ₹૯૨.૦૧, કોલકાતામાં ₹૯૩.૫૦, અમદાવાદમાં ₹૯૪.૦૨ અને નોઈડામાં ₹૯૫.૫૯ પ્રતિ કિલો છે. આ સિવાય લખનૌમાં ₹૯૫.૭૫, જયપુર અને ચેન્નાઈમાં ₹૯૭.૫૦, બેંગ્લોરમાં ₹૯૭ અને પુણેમાં ₹૯૮.૫૦ નો ભાવ નોંધાયો છે. હૈદરાબાદમાં સીએનજીનો દર દેશમાં સૌથી વધુ ₹૧૧૨ પ્રતિ કિલોગ્રામ રહ્યો છે.
વિવિધ શહેરોમાં ભાવ અલગ-અલગ હોવાનું મુખ્ય કારણ
દેશમાં એક જ રાજ્ય કે શહેરમાં પેટ્રોલ અને ડીઝલના ભાવોમાં તફાવત જોવા મળવા પાછળ મુખ્યત્વે સ્થાનિક કરવેરા જવાબદાર છે. દરેક રાજ્ય સરકાર પોતાના હિસાબે વેટ (VAT) અને સ્થાનિક સેસ વસૂલે છે, જેના કારણે ઇંધણના અંતિમ ભાવ બદલાઈ જાય છે. આ ઉપરાંત આંતરરાષ્ટ્રીય બજારમાં કાચા તેલ (Crude Oil) ની કિંમતો, ભારતીય રૂપિયા સામે અમેરિકી ડોલરનો વિનિમય દર (Exchange Rate), અને તેલ શુદ્ધિકરણ તથા પરિવહનનો ખર્ચ જેવા પરિબળો પણ દરરોજના ભાવ નક્કી કરવામાં મહત્વની ભૂમિકા ભજવે છે.
ખાનગી અને સરકારી કંપનીઓના દરોમાં તફાવત હોવાથી વાહનચાલકો માટે ઇંધણ ભરાવતી વખતે પંપના દર ચકાસી લેવા સલાહભર્યા છે.
