ડુષ્મનના ડ્રોનનો કાળ! સેના પાસેથી મોટા ઓર્ડર મેળવીને રોકેટની ગતિએ ભાગી રહ્યા છે આ સંરક્ષણ શેર
ભારતમાં ટેક્નોલોજી અને ડિફેન્સ સેક્ટરમાં અત્યારે એક નવો જ ગ્રેઝ જોવા મળી રહ્યો છે અને તે છે – ડ્રોન ઇન્ડસ્ટ્રી (Drone Industry). ડિફેન્સ મોર્ડનાઇઝેશન (સંરક્ષણ આધુનિકીકરણ), સ્માર્ટ ખેતી, સર્વેલન્સ, લોજિસ્ટિક્સ અને સરકારની “મેક ઇન ઇન્ડિયા” (Make in India) બ્રાન્ડને કારણે આ સેક્ટરને રોકેટ જેવી ગતિ મળી રહી છે. સરકારે વિદેશી ડ્રોનની આયાત પર પ્રતિબંધ મૂક્યો છે અને સાથે પીએલઆઇ (PLI) સ્કીમ લાવી છે, જેના કારણે ઘરઆંગણાની ભારતીય કંપનીઓ માટે કમાણીના અખૂટ દરવાજા ખુલી ગયા છે.
આજના સમયમાં સરહદ સુરક્ષા અને આધુનિક યુદ્ધ પદ્ધતિઓને કારણે માત્ર ડ્રોન જ નહીં, પરંતુ દુશ્મનના ડ્રોનને તોડી પાડવા માટે ‘એન્ટી-ડ્રોન સિસ્ટમ’ (Anti-Drone System) ની માંગ પણ આકાશ આંબી રહી છે. આજે આપણે ભારતના એવા 3 શક્તિશાળી ડ્રોન સ્ટોક્સ (Drone Stocks) વિશે વાત કરીશું જે ડ્રોન મેન્યુફેક્ચરિંગ, મિલિટરી ટેક્નોલોજી અને ડિફેન્સ ઇલેક્ટ્રોનિક્સમાં ધૂમ મચાવી રહ્યા છે. આમાંથી એક શેરે તો માત્ર 90 દિવસમાં (3 મહિનામાં) રોકાણકારોના પૈસા ડબલ કરીને બજારને ચોંકાવી દીધું છે.
1. ideaForge Technology: 90 દિવસમાં પૈસા ડબલ કરનારો મલ્ટિબેગર
ડ્રોન અને યુએવી (UAV – Unmanned Aerial Vehicle) સેક્ટરમાં આઇડિયાફોર્જ ટેક્નોલોજી ભારતની સૌથી વિશ્વસનીય અને અગ્રણી કંપનીઓમાંની એક છે. કંપની ખાસ કરીને સંરક્ષણ, સર્વેલન્સ, મેપિંગ અને સિક્યોરિટી ઇન્સ્પેક્શન માટે હાઇ-ટેક ડ્રોન ડિઝાઇન અને મેન્યુફેક્ચર કરે છે.
કંપનીના મેનેજમેન્ટે મે 2026 ની કોન્ફરન્સ કોલમાં ભવિષ્યના રોડમેપ અંગે બહુ મોટો ખુલાસો કર્યો હતો. મેનેજમેન્ટે જણાવ્યું કે હવે ડ્રોન માત્ર નજર રાખવા કે ઇન્ટેલિજન્સ પૂરતા મર્યાદિત નથી રહ્યા. આધુનિક સેના હવે લોઇટરિંગ મ્યુનિશન (આત્મઘાતી ડ્રોન), લોન્ગ-રેન્જ સ્ટ્રાઇક પ્લેટફોર્મ, કામિકાઝે સિસ્ટમ (Kamikaze System), સ્વાર્મિંગ (એકસાથે સેંકડો ડ્રોનનો હુમલો) અને એર-લોન્ચ્ડ ઇફેક્ટ્સ જેવા અત્યંત એડવાન્સ સૈન્ય ક્ષેત્રોમાં ડ્રોનનો ઉપયોગ કરી રહી છે. આઇડિયાફોર્જ આ તમામ સેગમેન્ટમાં મોટા ઓર્ડર્સ મેળવવા માટે આક્રમક રીતે કામ કરી રહી છે.
શેર બજારમાં પરફોર્મન્સ:
ગઈકાલે મંગળવારે આઇડિયાફોર્જનો શેર આશરે 5 ટકાના ઉછાળા સાથે ₹855.4 પર ટ્રેડ થતો જોવા મળ્યો હતો. ચાલો નજર કરીએ આ સ્ટોકના અસાધારણ રિટર્ન પર:
-
છેલ્લા 1 અઠવાડિયામાં: 10.11 ટકાની તેજી.
-
છેલ્લા 3 મહિનામાં (90 દિવસ): પૂરા 101.46 ટકાનો બ્લાસ્ટ! એટલે કે રોકાણકારોની સંપત્તિ સીધી ડબલ થઈ ગઈ.
-
છેલ્લા 1 વર્ષમાં: 66.89 ટકાનો શાનદાર નફો આપ્યો છે.
2. Zen Technologies: મિલિટરી ટ્રેનિંગ અને એન્ટી-ડ્રોન કિંગ
ઝેન ટેક્નોલોજીસ સંરક્ષણ ક્ષેત્રની આધુનિક કંપનીઓમાં બહુ મોટું નામ છે. આ કંપનીનું મુખ્ય કામ સેનાના જવાનોની ટ્રેનિંગ માટે એડવાન્સ સિમ્યુલેટર્સ (Advanced Simulators) બનાવવાનું છે. આ સિમ્યુલેટર્સને કારણે સૈનિકો યુદ્ધ જેવી જ વાસ્તવિક અને જોખમી પરિસ્થિતિઓની ટ્રેનિંગ એક સુરક્ષિત લેબ કે હોલમાં બેસીને આબેહૂબ રીતે લઈ શકે છે. કંપની ટેન્ક, આર્ટિલરી (તોપખાનું), લશ્કરી વાહનો અને એરક્રાફ્ટ માટે વર્ચ્યુઅલ ટ્રેનિંગ સિસ્ટમ પુરી પાડે છે.
સૌથી મહત્વની વાત એ છે કે, ઝેન ટેક્નોલોજીસ પાસે ‘કાઉન્ટર અનમેન્ડ એરિયલ સિસ્ટમ’ (CUAS) પ્લેટફોર્મ છે, જે દુશ્મનના ડ્રોનને હવામાં જ જામ અથવા નષ્ટ કરી દેનારી શ્રેષ્ઠ એન્ટી-ડ્રોન ટેક્નોલોજી છે. ભારતની સરહદો પર પાકિસ્તાન અને ચીન તરફથી થતા ડ્રોન હુમલા કે ડ્રગ્સની હેરાફેરી રોકવા માટે આ ટેક્નોલોજી રામબાણ ઈલાજ માનવામાં આવે છે.
શેર બજારમાં પરફોર્મન્સ:
મંગળવારે બજારના સામાન્ય પ્રવાહ વચ્ચે આ શેર નજીવા ઘટાડા સાથે ₹1,602.8 પર બંધ રહ્યો હતો.
-
છેલ્લા 1 અઠવાડિયામાં: 2.45 ટકાની આછો સુધારો.
-
છેલ્લા 3 મહિનામાં: કંપનીએ રોકાણકારોને 18.08 ટકાનું સ્થિર વળતર આપ્યું છે.
-
જો કે, પાછલા 1 વર્ષની સરખામણીએ આ સ્ટોક તેના ઉપરના સ્તરેથી આશરે 14.64 ટકા જેટલો કરેક્ટ (નબળો) થયો છે, જેથી નવા રોકાણકારો માટે આ એક સારી એન્ટ્રી પોઇન્ટ સાબિત થઈ શકે છે.
3. Paras Defence and Space Technologies: સ્પેસ અને ડ્રોન ઓપ્ટિક્સની મોનોપોલી
ત્રીજા ક્રમે જે કંપની આવે છે તે સ્પેસ અને ડિફેન્સ એન્જિનિયરિંગમાં પોતાની મોનોપોલી (એકાધિકાર) ધરાવે છે. પારસ ડિફેન્સ સંપૂર્ણપણે સ્વદેશી ટેક્નોલોજી આધારિત પ્રીમિયમ પ્રોડક્ટ્સ ડેવલપ કરે છે. કંપની સબમરીન માટે પેરીસ્કોપ, ફાઇટર એરક્રાફ્ટ માટે એવિઓનિક્સ ગ્લાસ સૂટ અને હાઇ-પર્ફોર્મન્સ ઓપ્ટિકલ સિસ્ટમ્સ બનાવે છે.
ડ્રોન ઇન્ડસ્ટ્રી માટે પારસ ડિફેન્સ કેમ ખાસ છે? કારણ કે, ડ્રોન અને એન્ટી-ડ્રોન સિસ્ટમમાં વપરાતા અત્યંત હાઇ-એન્ડ ઇલેક્ટ્રો-ઓપ્ટિક કેમેરા (Electro-Optic Cameras) બનાવનારી પારસ ડિફેન્સ ભારતની એકમાત્ર કંપની છે. આ કેમેરા વગર ડ્રોન અધૂરું છે. ડ્રોન સેક્ટરમાં પોતાની પકડ મજબૂત કરવા માટે કંપનીએ એક ડગલું આગળ વધીને ‘Paras Heven Advanced Drones Private Limited’ નામની એક આખી નવી સબસિડિયરી (પેટા કંપની) પણ શરૂ કરી દીધી છે.
શેર બજારમાં પરફોર્મન્સ:
મંગળવારે આ સ્ટોક 0.28 ટકાની સામાન્ય તેજી સાથે ₹858.15 પર બંધ રહ્યો હતો. ટૂંકા ગાળામાં આ શેરમાં જબરદસ્ત એક્શન જોવા મળી રહ્યું છે:
-
છેલ્લા 1 અઠવાડિયામાં: શેરે 12.46 ટકાની ધમાકેદાર દોડ લગાવી છે.
-
છેલ્લા 3 મહિનામાં: રોકાણકારોને 34.71 ટકાનું બમ્પર વળતર મળ્યું છે.
-
છેલ્લા 1 વર્ષમાં: આ સ્ટોક 5.66 ટકા જેટલો વધ્યો છે.
