2020ની શરૂઆતમાં જ બોલિવુડમાં ધૂમ મચાવવા વાળી ફિલ્મ છે તાન્હાજી: ધ અનસંગ વોરિયર જેને બોક્સ ઓફિસ પર ખૂબ શાનદાર કમાણી કરી છે,તેની સાથે અજય દેવગણે 2021ની તેની પહેલી ફિલ્મનું અનાઉન્સમેન્ટ કરી દીધું છે. તેણે સોશિયલ મીડિયા પર આ વાત કન્ફ્રર્મ કરી છે કે તે તમિળ ફિલ્મ કૈથીની હિન્દી રિમેકમાં લીડ રોલ પ્લે કરશે.
2019માં રિલીઝ થયેલ કૈથી ફિલ્મની હિન્દી રિમેકનું અનાઉન્સમેન્ટ ગયા વર્ષે જ થયું હતું. ફિલ્મની લીડ સ્ટારકાસ્ટ માટે સલમાન ખાન અને હ્રિતિક રોશનના નામની ચર્ચા થતી હતી. પરંતુ અજયે ફિલ્મના રોલને કન્ફર્મ કરતા ટ્વીટ કર્યું કે, ‘હા હું તમિળ ફિલ્મ કૈથીની હિન્દી રિમેક કરી રહ્યો છું. ફિલ્મ 2021ના 12 ફેબ્રુઆરીના રોજ રિલીઝ થશે.
વાત કરીએ ફિલ્મ કૈથીની તો આ ફિલ્મને પ્રોડ્યૂસર એસઆર પ્રભુ રિલાયન્સ એન્ટરટેનમેન્ટ સાથે મળીને પ્રોડ્યૂસ કરી રહ્યા છે. ઓરિજિનલ ફિલ્મમાં લીડ રોલમાં કાર્તિ હતો.
આ એક્શન અને થ્રિલરની ભરપૂર ફિલ્મને લઈને પ્રોડ્યૂસર એસઆર પ્રભુનું કહેવું છે કે, ‘કૈથી ફિલ્મમાં કોઈ હિરોઈન નથી કોઈ સોન્ગ નથી અને તે 100% એક્શન જોનરની ફિલ્મ છે. આ હાઈ ઓક્ટેન ફિલ્મ ઓડિયન્સને જરૂર મનોરંજન પૂરું પાડશે.
અજય દેવગણ છેલ્લે ‘તાન્હાજી: ધ અનસંગ વોરિયર’ ફિલ્મમાં દેખાયો હતો.
તેની અપકમિંગ ફિલ્મ્સમાં ‘મૈદાન’ છે જે ફૂટબોલ કોચની બાયોપિક છે.
આ સિવાય તે ‘ભુજ: ધ પ્રાઇડ ઓફ ઇન્ડિયા’ ફિલ્મમાં જોવા મળશે. અજય દેવગણ એસ.એસ. રાજામૌલીની ફિલ્મ ‘આરઆરઆર’માં કેમિયો પણ કરવાનો છે.
