6 વર્ષ સુધી એકબીજાને ડેટ કર્યા પછી, સાઉથની ટોપ એક્ટ્રેસ નયનથારા અને પ્રોડ્યુસર વિગ્નેશ શિવાને લગ્ન કરી લીધા છે અને લગ્ન પછી નવા દુલ્હા-દુલ્હનની તસવીર પણ સામે આવી છે. નયનતારાએ પોતાના ઈન્સ્ટાગ્રામ પર લગ્ન બાદ એક તસવીર શેર કરી છે, જેમાં દુલ્હન બનેલી નયનતારા ખૂબ જ સુંદર લાગી રહી છે.
આ તસવીર ફેરાના મંડપની છે, જેમાં વરરાજા નયનતારાના માથાને ચૂમતો જોવા મળે છે, જ્યારે નયનતારાએ પણ પૂરા પ્રેમથી વિગ્નેશનો હાથ પકડી રાખ્યો છે. ટ્રેડિશનલ લુકમાં આ જોડી ખૂબ જ સુંદર લાગી રહી છે. બીજી તરફ જો નયનતારાની વાત કરીએ તો તે લાલ રંગના લહેંગામાં ખૂબ જ સુંદર લાગી રહી છે, તો તેણે લીલા રંગના કુંદન જડાઉ જ્વેલરી પહેરી હતી જેમાં તે રાણી જેવી દેખાતી હતી. આ તસવીર શેર કરતાં નયનતારાએ લખ્યું- ભગવાનની કૃપાથી, બ્રહ્માંડ, અમારા માતા-પિતાના તમામ આશીર્વાદ અને સારા મિત્રો…એક નવી શરૂઆત.
લગ્ન પહેલા નયનતારા અને વિગ્નેશ સિવને એકબીજાને 6 વર્ષ સુધી ડેટ કર્યા હતા. બંને પહેલા એકબીજાને સારી રીતે સમજવા માટે સમય લીધો અને પછી સંબંધને નામ આપવાનું મન બનાવી લીધું. બંનેએ ગયા વર્ષે સગાઈ કરી હતી, ત્યારબાદ હવે તેઓએ લગ્ન કરવાનો નિર્ણય લીધો છે. આ હાઈપ્રોફાઈલ લગ્નમાં સાઉથના સુપરસ્ટાર રજનીકાંતથી લઈને બોલિવૂડના બાદશાહ શાહરૂખ ખાન સામેલ થયા હતા. મહાબલીપુરમના એક રિસોર્ટમાં યોજાયેલા આ લગ્નમાં અન્ય ઘણી જાણીતી હસ્તીઓ પહોંચી હતી. ટૂંક સમયમાં નયનતારા બોલિવૂડમાં ડેબ્યૂ કરવા જઈ રહી છે, તે પણ શાહરૂખ ખાન સાથે. એટલીની ફિલ્મ જવાનમાં તે શાહરૂખ ખાન સાથે સ્ક્રીન શેર કરતી જોવા મળશે.
