3 ફૂટની હાઈટ ધરાવતા આ એક્ટરે મેળવી છે ઊંચી સફળતા

ટીવી સિરિયલ અને બોલિવૂડ ફિલ્મોમાં એક્ટિંગ કરનાર એક્ટર કેકે ગોસ્વામીની હાઈટ ભલે નાની હોય પણ તેણે ખૂબ ઊંચી સફળતા પ્રાપ્ત કરી છે. માત્ર 3 ફૂટની હાઈટ ધરાવતો કેકે ગોસ્વામી નામનો આ એક્ટર ઘણી હિટ ટીવી સિરિયલમાં એક્ટિંગ કરી ચૂક્યો છે. આ સિવાય તે બોલિવૂડ ફિલ્મોમાં પણ એક્ટિંગ કરી ચૂક્યો છે. 46 વર્ષીય કેકે ગોસ્વામી મુંબઈમાં રહે છે અને પરિવાર સાથે આનંદમય જીવન પસાર કરી રહ્યો છે. કેકે ગોસ્વામીની હાઈટ 3 ફૂટ છે જ્યારે તેની પત્નીની હાઈટ 5 ફૂટ છે.મીડિયા રિપોર્ટ્સ અનુસાર કેકે ગોસ્વામીએ પ્રેમલગ્ન કર્યા છે. આજે આ નાના કદના અભિનેતાએ તેની એક્ટિંગથી પોતાની એક અલગ ઓળખ સ્થાપિત કરી છે.એક ઈન્ટરવ્યૂમાં કેકે ગોસ્વામીએ જણાવ્યું હતું કે બાળપણમાં સર્કસવાળા રૂપિયા 50 હજારમાં તેને ખરીદવા માગતા હતા પણ તેના પિતાએ આ માટે ના પાડી હતી.50 કરતા વધારે ફિલ્મોમાં કામ કરનાર કેકે ગોસ્વામીએ ટીવી સિરિયલમાં ખાસ્સું નામ કમાયું છે. તારીખ 3 સપ્ટેમ્બર, 1973ના રોજ કેકે ગોસ્વામીનો જન્મ બિહારના મુઝફ્ફરપુરમાં થયો હતો